قاسية

حادثه

"افلاس جميع شركات Y & N والتي تعتبر الضربه القاضيه من قبل احد الشركات المجهوله وعرضها في المزاد العلني "
"إغلاق شركات Y &N بسبب الافلاس وعرضها في المزاد العلني "
_ كانت تلك الاخبار تملأ الجرائد والتليفزيون بشكل كبير ف افلاس امبراطوريه ك امبراطوريه Y &N
يعتبر صعبا او مستحيلا ولكن الامر الان اصبح حقيقه....
______________
- وضعت مريم الجريدة بعصبيه امام ابنتها فور مجيئها من الخارج
عشق : نعم
مريم : ازاي تعملي كدا
عشق : عملت ايه
مريم : بجد مكنتش اتخيل انك تعملي كدا خيبتي ظني فيكي اووى
عشق : في ايه
مريم : سكت علي عصبيتك وعنادك وقسوتك مع الناس بس توصل بيكي الدرجه لانك تعملي كدا ازااى مستحيل تكوني بنتي
عشق : ممكن اعرف بتتكلمي عن ايه
مريم : بصي للي قدامك وانتي هتعرفي
- نظرت عشق الي الجريدة ثم امسكتها وبدات في قرائتها ..كانت الصدمه واضحة علي وجهه عشق بشدة
مريم : كفايه تمثيل بقا كفايا
عشق : انا معرفش اي حاجه عن الموضوع دا
مريم : بطلي كدب بقا انا استحملت كل حاجه من اول ما جيتي تعيشي معايا بعصبيتك ومزاجك اللي بيتغير في ثانيه ووشك اللي شبه بباكي اما يتعصب لحد ما قرفت
عشق : اسفه يا مدام مريم علي انك استحملتيني كل دا واسفه كمان اني خليتك تقرفي بس اوعدك مش هتشوفيني ابداا ودلوقتي بالنسبالي بقيتي زى نور ويوسف بالضبط نفس الانانيه وحب النفس واحب اعرفك اني معرفش اي حاجه عن موضوع الشركات اللي اتقفلت دى ومليش اي دخل صدقي بقا او متصدقيش انا عمرى ما كدبت.. عن اذنك
- خرجت عشق من المنزل وصعدت الي سيارتها الخاصة وتحركت بسرعه شديدة ..
لحظات وادركت مريم ما تفوهت به وشعرت بالندم الشديد وجلست علي الكرسي بتعب شديد
مريم: انا كماان ..انا كمان جيت عليها ..ذنبها ايه انها شبه امجد ..ليه احملها الذنب.. يارب استرها معاها وريح قلبها يااارب
____________________

تبا لاولئك البشر الانانيون تبا لهم ..اصبحت اكرههم بشدة ..الان اكتشفت انني وحيدة تماما واكتشفت انه مهما حدث لك لن يشعر احدا بما تعاني بداخلك ابدا حتي اقرب الناس اليك
-كان تلك الكلمات تدور ف راس عشق كثيرا وهي تمشي بالسيارة بسرعه كبيرة جداا ..كانت الدموع متوقفه ف عينيها ولكن قلبها ينزف ألما و ألما ..
اغمضت عينيها  لتتنفس ببطء رهيب وقامت بفتح عينيها لتجد سيارة تاتي بسرعة كبيرة ف اتجاهها
لم تستطع تفاديها.. لتصدم السيارتان بشدة
وتغمض عشق عينيها والدماء تسيل من جميع انحاء جسدها
____________________
مجهول ١ :خلصتوا
مجهول ٢: ايوا ي هانم العملية تمت
مجهول ١: برافو عليكوا .. الفلوس هتوصلكم بعد ما اتاكد انها ماتت خلاص
مجهول ٢: انا عملت اللي انتي طلبتيه الفلوس توصل لحد عندى ف اقرب وقت ي اما هتشوفي وش تاني مجهول ١: خلاص خلاص فلوسك هتوصلك  ..سلام
__________________
مريم : كريس .. عشق سابت البيت
كريس : ايه ..ازاي دا حصل
مريم :"قصت له الخلاف بينها وبين عشق"
كريس : ليه بس ي ماما.. انتي عارفه ان عشق عمرها ما هتعمل كدا عمرها ولا هتفكر تعمل كدا وحتي لو عملت كدا مش هتخبي والناس كلها هتعرف لان عشق مش بتخاف من حاجه
مريم : انا مش عارفه انا عملت كدا ازاي
كريس : عشق مش هتسامحك ي ماما بسهوله ولانك كمان جبتي سيره امجد السيوفي مستحيل تنسي
مريم : حاول معاها كدا ي ابني وطمني عليها
كريس : هكلمها واشوف ..سلام
_ اغلق كريس الهاتف مع والدته وحاول محادثه عشق ولكن هاتفها مغلق
كريس (باستغراب ) : تليفونها مقفول !! ..اكيد في حاجه
منه : متقلقش ي حبيبي ممكن تكون قفلته عشان تقعد لوحدها شويه ما انت عارفها بتحب تهدى براحتها
كريس : لاء .. عشق مش بتقفل تليفونها ..اما عارفها عمرها ما قفلته..انا مش مطمن
منه : تلاقيه فصل شحن منها
كريس : لاء..لاء.. انا حاسس ان فى حاجه ..قلبي مقبوض
_ قام كريس وارتدي الجاكيت الخاص به وخرج من المنزل
________________________