السلام عليكم ...
نرجع الى احداث القصهاتصال يوقظ ريم من نومها !!
الساعه التاسعة صباحاريم : الو
علي : هلا ريم اسف كعدتج من النوم بس حبيت اكولج طلعت القبولات وشفت قبولج على الانترنت
ريم : اي كوول شنو طلع
علي : الصراحه ريم ماعرف شكولج ، طلع قبولج على كلية الهندسه
ريم : لا علي مااصدك شنو تحجي انا بالتسعين معدلي اشون ماانقبل صيدلة اكييد اكو خطأ
علي : ادري بيج مصدومه بس الحمدلله كلشي بيه اصلاح والهندسه حلوة واكييد راح تنقبلين اعلى قسم
ريم : الله وياك علي واشكرك تعبتك اعذرني مااكدر اكمل حديثي وياك
علي : الو ريم اسمعيني بسغلقت ريم الهاتف وجلست تبكي كثيرآ وتقول يارب ليش كل هذا يصير هم اتغربنه عن بيوتنه وهم تعبي وطموحي كلها اتضيع
سمعت كريمه صوت بكاء ريم وجاءت مسرعه وتفتح الباب لتسأل ريم عن سبب بكائها
ريم : ماما انقبلت هندسه
كريمه : امي حبيبتي لاتبجين كولي الحمدلله على كل حال غيرج اتبهذلو وقتلهم القصف وبقوا بمناطقهم حتى مادرسو ولاطلع الهم قبولات على الاقل انتي الحمدلله مافاتج شي والله يعوضج خيرريم : ان شاء الله ماما ربي يسمع منج
ديمه تتصل على امها
كريمه : الو هلا ديمه اشونج ماما
ديمه : الحمدلله امي حبيبتي بس اشبيه صوتج اشو احس بيج ضايجه
كريمه : لا بس هسه طلع قبول ريم كليه الهندسه وبس تبجي
ديمه : ياحبيبتي حقها هي جانت طموحها صيدله الله يعينها
كريمه : اي والله ، انتي اخبارج صحتج ؟؟
ديمه : الحمدلله ماما بس جاي ادوخ واتعب بسرعه من اقل مجهود تعرفين الاشهر الاولى متعبه وعندي مباشرة هالايام افتتحو مدارس للنازحين ولازم ندوام وسيف عند مقابله بشركه اهليه باجر يروحكريمه : الحمدلله ياارب يصلح اموركم ، خالد شنو اخباره هو وشهد؟ ماحصل شغل؟؟ زيد حبيبي اشونه ماحجه ؟؟
ديمه : الحمدلله خالد كله طالع وشغل ماكو هالفترة وشهد تعبانة ويه زيد اتعلم بيه وماكو فايدة يريد يدخلوه معهد نطق بس يحتاج فلوس ومتأخرين لحد مايحصل خالد شغلكريمه : حبيبي خالد تعب حمله جبير ياارب يحصل شغل
ديمه : اميين يارب ، سلميلي على بابا وبوسيلي ريم ولاتضوج كلشي بيه اصلاح
كريمه : هلا بيج ماما حبيبتي ديربالج على نفسج ولاتخلين شهد وحدها دائما كعدي سولفي وياهاديمه : ان شاء الله ماما لايضل بالج ، مع السلامه
كريمه : مع السلامه بنتيجنان بالمطبخ تعمل المعجنات لميلاد ابنتها نور وجاءت كريمه لتساعدها في التحضيرات
جنان : ريم ماكو مانزلت اليوم
كريمه : والله كاعدة تبجي خابرها علي طالع قبولها كليه الهندسه
جنان : حبيبتي ماتستاهل شطورة يالله احسن من الطب للبنيه صعب وراها زواج وتربية اولاد شنو اتشوف من وقتها
كريمه : الحمدلله على كل حال
أنت تقرأ
يوميات عائله عراقية 2
Ficção Geralالسلام عليكم .... تكلمت روايتي في الجزء الاول عن يوميات عائلة عراقية بسيطه تعيش لحظات فرح ولحظات حزن وحياتهم مستمرة ... ولكن في هذا الجزء سوف اتكلم عن معاناة تغير حياة هذه العائله معاناة ليس لهم ذنب بها عاشوا قصة نزوح مؤلمه لم يتوقعوا بيوم من ال...