السلام عليكم ....
تكلمت روايتي في الجزء الاول
عن يوميات عائلة عراقية بسيطه تعيش لحظات فرح ولحظات حزن وحياتهم مستمرة ...
ولكن في هذا الجزء سوف اتكلم عن معاناة تغير حياة هذه العائله
معاناة ليس لهم ذنب بها
عاشوا قصة نزوح مؤلمه
لم يتوقعوا بيوم من ال...
رجعت لكم لاكمل القصة واعتذر على التأخير ... فالحياة انشغالات والقصة تحتاج لذهن صافي واحساس جمييل ليصل الى قلوبكم ....
رجعه للقصة ....
ذهب خالد ليحجز ل لأهله ، واستلم تذاكر الحجز يوم غد موعد السفر الى البصرة .. ديمة تبكي كيف ستفارق اهلها وتعيش بعيدة عنهم في ظل غربتهم وظروفهم القاسية
كريمة :امي حبيبتي لاتخليني افكر بيج تعرفين بيه بالكوة متحملة وشايلة هم وافكر بس الحمدلله مدام انتي يم سيف انا مطمئنة عليج وانتي بعد ديربالج عليه ترى سيف حباب عينج عليه مااوصيج بنتي حبيبتي . ديمه : انشالله ماما يارب توصلين بالسلامه لاتفكرين بيه اهم شي تهتمين ب ابوي لان خطيه صحته تعبانه وافكر بيه يارب يسهل عليكم وتستقرون وترتاحون ريم : ديمة حبيبتي اندعيلي اتوفق بالكليه واتعود على اهل البصرة تعرفين ماعشت هناك بس بطفولتي وماتذكر حييل ديمه : يارب يسهل امرج حبيبتي ، ديربالج على ماما وبابا
* دخل خالد الى البيت وسلم اوراق الحجز الى امه وذهب ليجلس مع والده عزيز : خالد حبيبي ادري بيك انت قوي وانشالله تتحمل الغربة مااوصيك على ديمه وزوجتك شهد عينك عليهم وديربالك على نفسك انت ابني الوحيد وسندي الله يحفظك الي
خالد : عانق اباه وظل يبكي بحرقه ، وهو يقول انت خيمتنه يارب يحفظك النه يا احن اب بالدنيا ربيت وتعبت وماجازيتك اتمنى اشيل همك ومرضك
... الساعه العاشرة ليلا حزمت كل حقائب السفر وجلست سعاد وكريمه يتحدثان ومعهم هيام .. كريمه تنصح هيام كريمه : حبيبتي هيام فكري باابنج قبل لاتنفصلين عن رياض ترى انتي ماتكدرين اتربيه لوحده تحتاجين ابوه وياج وماكو حياة من غير مشاكل حاولي من يجي تتوصلين وياه لحل هيام : احاول خالتي كلامج صحيح ، لاتشيلين هم يارب توصلون بالسلامه ..
بعد حديث طويل ذهب الكل الى فراشه لينام
الساعه الثامنه صباحآ ... استيقظ الكل وكريمه وعزيز وريم مستعدين للسفر فموعد الطائرة الساعه التاسعه توجهو الى المطار بعد ان مرو بلحظات وداع صعبه جدآ بين الاباء والابناء ...
مطار البصرة يرحب بكم .... دخلو مطار البصرة وكان علي بأنتظارهم علي : شاب وسيم متوسط الطول مرحلة رابعه طب اسنان .. وهو ابن اخ عزيز استقبلهم استقبال حار ورحب بهم واستغرب عندما نظر الى ريم اول مرة يراها فقط يسمع عنها علي : اشونج ريم ماشالله مادري عمي عنده ابنيه هيج حلوة مثلج جان زرتكم من زمان ههههه ، قالها وهو يبتسم ويكمل الحديث كل الهلا نورت البصرة بيكم... خجلت ريم واحمرت وجناتها ريم : اشكرك هذا من ذوقك ابن عمي وهم في طريق خروجهم من المطار امسك عزيز بيد كريمة وهو يشعر بالتعب .. اخذ علي بيد عمه وفتح له باب السيارة وسار بهم الى بيتهم في قضاء ابي الخصيب .... وكان منظر البساتين والنخيل رائع والهواء الذي يحمل رائحة الورد والزرع ، كان هواء نقي مليء بالطيبة والنقاء والبساطه وبيوت الطين التي مازالت موجودة وهي من الاثار القديمه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الله يا ريحة هلي... كما يقال بالعاميه العراقيه فعلآ عندما تذهب الى مسقط رأسك بمجرد ان تدخل المكان تأتي رائحتهم مع كل نسمة هواء تستنشقها ...
تحية مني الى البصرة وكل من سكن البصرة تميز البصريين بالغيرة والنخوة واكرام الضيف وطيبة اهلها وكل من زارها يلاحظ هذا الشيء ...
زال كل التعب بمجرد ان دخل عزيز الى ابي الخصيب وتذكر ايامه التي قضاها هناك كانت اجمل الايام وخاصه بعد ان عانق اخاه بعد فترة غياب ..
دخلو الى البيت بعد تعب واستقبلوهم بأجمل التراحيب ..
عائلة سرمد ابو علي
جنان : الام 50سنه معلمه متقاعده نور : 19 سنه طالبة مرحلة اولى قسم علوم حاسبات ، غامضة بعض الشيء واسرارها في كتاباتها تعشق قراءة الروايات ، ممتلئة الجسم قليﻵ ذو شعر بني طويل وبشرة شقراء .. عماد : الابن الاكبر 35 سنه مدرس التربية الاسلامية متزوج ولديه بنتان ، انسان ملتزم وذو شخصية جميلة نسرين : زوجة عماد 30 سنه ربة بيت، متوسطة القامة حسنة المظهر
