هيلوووووو ايش احوالكم ✌ مفروض ان اللي حابة تتكلم فيكوا عن الصدقة تتكلم ..اتفضلوا 💕
باي ذا واي عارفة اني هتكسف ومحدش هيتف عليا حتي 😂😂
المهم اللي حابب يقول يتفضل ..
النهاردة بقي هنقول عن الصلح والمشاكل 😇
بصي يا بيب لا انا ولا انتي ولا جارتك ولا صاحبتك ولا خالتك ولا عمتك ولا عم علي البقال ولا الرئيس عارف هيموت امتي!! صح ..؟
فإحنا هنحاول نعمل حاجة نبقي مستعدين نقابل بيها ربنا .. فهنعمل ايه ..؟!
أول حاجة يا بيب وأسهل حاجة هي الصُلح 💖
هنصالح بين أي اتنين متخاصمين صحباتك أو اخواتك عمتك وخالتك جارتك ومامتك ..فاهمين صح ؟!
انتي بقي يا ييب مُباح ليكي هنا الكذب ومش هتاخدي عليه ذنوب لو كان غرضك ونيتك هي الصُلح✋💜 بالعكس ربنا مرخصه هنا
هتروحي عند الأولانية وهتقوليلها أن التانية والله بتشكر فيكي بغباء وهي اصلا اللي بعتاني عشان اصالحكوا ..💙
حتي لو أنتي عارفة انهم لسه معورين بعض وشادين شعور بعض 😂😂
وحاولي تكوني انتي السبب في ان التانية تصالح الأولي وتهدي الدنيا ما بينهم بس برضك انتي لازم وانتي بتصلحي ما بينهم هتاخدي الكلام اللي الاولي قالته ع التانية بعصبية .. وهتقوليه للتانية بس بطريقة شيك !
لازم وانتي بتصالحيهم يكون عندك طول بال وتستحملي اللي هيحصل لأن غالبا انتي اللي هتتشتمي في النص 😂😂😂
بس اعرفي ان أي حاجة هيقولهالك وهما متعصبين هما مش حاسين بنفسهم .. وربنا هيجازيكي خير ع قد ما استحملتي 💖
ثانيا بقي انتي لو متخانقة مع حد
التمسي سبعين عذر ..ده حديث الرسول صلي الله عليه وسلم هو مش دي صيغته بس التمسي سبعين عُذر ..
عشان احنا البنات بالذات والستات مبنحبش نلتمس الأعذار وبنحب دايما نعيش دور الضحية 🐸🐸🔫 اللي هو ""عاااااا صاحبتي طلعت واطية """
"""عاااااا محدش طلع بيحبني"""
""عااااا كلهم زبالة ومش صحابي""
والله يا بنتي أنتي بس لو عرفتي السبب أو لو التمستي لصاحبتك او اختك أو اي نيلة ٥ اعذار بس مش هتعرفي معني كلمة خناق اصلا ✌👌
ولو اتخانقتوا بلاش تروحي تتطلعي كل الاسرار برا كأنك بتتنتقمي منها !! دا كدا كأننا لسه عايشين في ايام الجاهلية ..
انتي فكرك اصلا لما تتخانقي وتتطلعى الاسرار برا حد هيصاحبك بعد كدا اصلا ..البنات هيبعدوا عنك لأنهم وبكل بساطة مش هيصاحبوا واحدة بتتطلع الاسرار برا بمجرد ما يتخانقوا !
دا غير أن ربنا هيبعتلك حد يطلع اسرارك برا ويفضحك برضو ..أو ممكن يخلي عذابك لبعدين 😖😖
وما أدراكي ما عذاب بعدين داا .. معناه انك حتي مش هتعرفي تستغفرى ..واصلا الحياة دي اقصر من ظفر رجلك الصغير عشان تقعدي تزعلي وتتخانقي وتتنفخي ع الناس وتستنيهم يصالحوكي !
اتخيلي معايا كدا انك مصالحة اغلب الناس ومعكيش مشاكل مع حد .. هتحسي براحة نفسية رهيبة
فدلوقتي حالا روحي ابعتي لصاحبتك ع الواتس "انتي عاملة " قوللها انك اسفة لو في يوم غلطي فيها من غير قصدك حتي لو بقالك سنتين مكلمتيش صاحبتك دي ...ابعتي المسدج لكل صحابك واخواتك وعيلتك
وخليهم يسامحوكي لانك ممكن متتدخليش الجنة يوم القيامة عشان فلانة مش مسمحاكي 😖
ف ان شاء الله هنعمل لأخرتنا وفي نفس الوقت هنعيش حياتنا عادي ومن غير ذنوب 💕💖
وان شاء الله حياتنا هتبقي احلي اصلا كدا 💓
سلام عليكم✋💝
" اللهم أرزقنا الخير كله بما شئت وكيف شئت وأني شئت .. و جنبنا الشر كله بما شئت وكيف شئت وأني شئت"
