أولاً رمضان كريم وكل سنة وانتم طيبين .. ربنا ان شاء الله يتقبل منا صالح الأعمال ويغفر لنا ما تقدم من ذنوبنا وما تأخر ❤💗❤ ويحققلنا الحاجة اللي فيها خير لينا ✨😌🌸
ثانياً بقي دا شهر أعمال الخير فأنا قررت اكسب فيكوا ثواب 😂😂 هفسر جزء عم ان شاء الله .. ومش هفسر بكلام من عندي 😌✌ ده كتاب من الأزهر بندرسه في الثانوي ✋💖 فبما إن اغلبنا بيصلي بالسور الصغيرة .. وللأسف كمان مبنبقاش فاهمين معناهفإن شاء الله هقولكوا الكلام اللي درسناه بس بطريقة مُبسطة 🌸💖
سورة الإخلاص
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
المعني يا بيب🌸 إن ربنا سُبحانه وتعالي واحد لا يتعدد.. يعني ربنا واحد أحد مفيش إلهين أو استغفر الله العظيم أكتر لأنه بالعقل كدا لو في إلهين هيبقي في تلات حجات لو اتفق الإلهين دول علي حاجة .. ١- يا إما واحد بنفذها وبعدين التاني ينفذها ودا مستحيل لأن دا اسمه تحصيل حاصل ..يعني واحد منهم عمل حاجة معمولة اصلاً ٢-يا إما واحد بس اللي ينفذها ودا مستحيل برضك لأن كدا الإله التاني يُعتبر عاجز ودا مستحيا علي الألهة ٣-يا إما الاتنين ينفذوها مع بعض ودا مستحيل عشان مينفعش يجتمع مؤثران علي حاجة واحدة ❎❌❎
كلمة الصمد معناها المقصود في الحوائج .. يعني ربنا هو الوحيد اللي بنلجأله لما نحتاج أي حاجة أو نتخنق من أي حاجة هو ربنا بس اللي بنحتاجه🌸🌸
لم يلد ولم يولد يعني ربنا سبحانه وتعالي ملوش استغفر الله العظيم ولاد لأنه ملوش زوجة لأن دا مستحيل علي الله تعالي .. وطالما ملوش ولد يبقي كمان ربنا متولدش يعني ملوش أب ولا أم لأن الأب والأم زي الولد في كونهم مستحيلين علي الله تعالي ❌✋
لم يكن له كفواً أحد يعني ربنا ملوش أحد مثيل ليه يعني شبه في صفاته أو ذاته أو افعاله ✌😌
✅✅✅✅✅✅✅
سورة الفلق
في السورة استعاذة بالله من شر المخلوقات
المقصود بالفلق هنا إما الصبح أو الخلق✋❤
شر المخلوقات اللي ربنا ذكرها بقوله "من شر ما خلق" هما النار والشيطان وقوله"شر غاسق إذا وقب" الغاسق هو الليل لما يشتد ظلامه ..يعني لما الدنيا تبقي ضلمة كحل زي ما بنقول 😂😂✌ و"وقوب" الليل يعني دخول ضلمة الليل في كل حاجة ..
وفي حديث عن السيدة عائشة رضي الله عنه بتقول :أخذ رسول الله صلي الله عليه وسلم بيدي فأشار للقمر ،فقال:"تعوَّذي بالله من شرِ هذا ، فإنه الغاسق إذا وقب"
"من شر النفاثات في العقد" النفاثات اللي هما الستات أو النفوس أو 'الجماعات السواحر اللاتي يعقدن عقداً في خيوط وينفثن عليها ويرقين '
وتقريباً عشان في الحتة دي بالذات كلامها معقد شوية في الشرح مش عايزة افتي بس غالباً المقصود بيها اللي بيعملوا الأسحار اللي هو جو الأعمال وكدا ❎❎❎
"من شر حاسد إذا حسد " يعني بنستعيذ بالله من شر اللي بيتمني زوال النعمة من الغير ،، "إذا حسد" يعني إذا ظهر حسده 🌸
✅✅✅✅✅✅✅✅✅✅
سورة الناس
هنا بقي في السورة دي الاستعاذة من الشيطان ❌
رب الناس وملك الناس يعني مُربي الناس ومُصلحِهم و مالك الناس واللي بيدبر أمورهم
إله الناس ..يعني معبودهم ، اللي الناس كلها بتعبده وتنفذ أوامره وتبعد عن الحاجات اللي نهي عنها
الوسواس بقي هو الشيطان واتسمي الشيطان هنا بالوسوسة لأن دا شغله اللي هو ملازم عليه وبيفضل شغال عليه ..
الخناس يعني اللي من عادته أن يخنس منسوب إلي الخنوس وهو التأخر ..عشان كدا لما الإنسان بيذكر ربه الشيطان بيمشي وبيخنس 🌸💖
الذي يوسوس في صدور الناس يعني اللي بيخليهم يقعوا من الطريق الصح اللي ربنا حاطه ليهم وبيقعد يأمرهم بالغلط
من الجنة والناس ..دا معناه إن الشيطان مش جن بس لا في شيطاين الإنس كمان ممكن توسوسلك 😌 ✅✅✅✅💎💎✅✅✅✅ وسورة الفلق والإخلاص نزلوا لما الرسول صلي الله عليه وسلم اتعمله سحر والرسول مرض ..فسيدنا جبريل كان كل ما يقرأ أية تتفك عقدة من السحر لغاية ما قام الرسول صلي الله عليه وسلم لما اتفكت العقدة الأخيرة 🌸🌸✌
