لؤي وهمسه

4

العروس -اسمي همسه عمري 16سنة اني بثالث متوسط بيوم اللي صارت عركة اخوية ويه الولد جان اخوية مورمني من الدك من ورى مرته طبعا مرته يومية مسويتلنه مشكله لو ويه امي لو ويه ابويه لو ويه اخوتي واحنه نسكت لان رجلها هو اللي معيشنه وجان بيومها تترس راسه حجي علي تريده يبطلني حتى اشتغل بالبيت بس بهاي جان ابوية يوكف بوجه وميخليه يبطلني وراتب ابويه مال التقاعد الي للمدرسة وجنت ناجحه بدروسي ومتفوقة ومحبوبة عند البنات والمدرسات بيومها اذاني حيل وكمت ادعي عليه كون يطلع ومايرجع وارجع ادعي على روحي كون تجيني قسمة بعيدة واطلع وبعد ماارجع لهنا بس ماجنت حاطه ببالي اطلع فصلية من اجو من الفصل وكالولي كانما سجينه ونزلوها بكلبي وضليت ابجي واتوسل بيهم واحد واحد ليش هيج انه مو بتكم انه يوم اذيتكم تاليتي اطلع فصلية والمن لابن شيخ لوواحد عادي يرضى بقسمته ويسكت بس هذا ابن شيخ ولكم راح يطلع حركة كلبه من اخوية كلها بيه ليش هيج ياربي اخذ عمري وريحني وابوية يبجي وامي تبجي بس شسوي اشوف ابوية مكسور كدامي واخوية بالسجن ومرته العوبة ذبت جهالها علينه وراحت لاهلها تكول منين اعيشهم يطلع ابوهم ويعيشهم ماطلع انتو حيرو بيهم قبلت وسلمت امري لربي وكلبي شاب نار بوية شلون ودراستي كال تعوفيها تخبلت دكيت لطمت متت قهر بس مايفيد بس اذي بروحي
بيوم العرس الصبح ابوية اتداين فلوس من عمي وكال لامي وديها للصالون واجريلها بدلة خطية تعذبت عدنه هواي بلكت ببيت الشيخ ترتاح وفعلا رحت للصالون ولبست بدلة ووداني هو وعمي عكب مابجيت انه وامي وانه شابكتها لحد مامتت وسلمت على اخوتي وطلعت رحت لبيت الشيخ
صح عروس وبسيارة عروس بس احس روحي جنازة وطالعين بيها للنجف خايفة ومرعوبة من المضموملي ببيت الشيخ وميته قهر على ابوي هالشيبة الرايح يزف بنته بيده وحزنانه على امي اللي عفتها تنوح على حظي وراي نزلت لبيت الشيخ وسلمت عليه وحجه وياه ابوي وراح ابوي والشيخ اخذني للغرفه واسمع ابنه يحاجيه ويضحك وهو يجاوبه بس مالي خلك حتى اضحك طببني للغرفة وكالي بنتي هاي غرفتج كعدي هنا لليل نزف ابني عليج ووصيتهم محد يطب عليج قفلي الباب عليج ارتاحي شوفي غراضج ويمج اكل مي ويمج حمام وطلع اني طبيت وقفلت الباب رفعت البركع عن وجهي مسويلي غرفة جبيرة وبيها ركن للكعدة هول زغير وحمام وبيها اثاث كامل بلازما ثلاجه وتكييف مامقصرين بشي خطية كله من الزين والغالي وحلو ومرتب فتحت الكنتور مليان من ملابس الطلعة والعبي والشالات للداخليات والجواريب ميز تواليت مليان مكياجات وعطورات ميز الاحذية احذية وشحاطات بيهن قياسي وبيهن شوية كبار خطية مامخلين شي جنت تعبانه فتحت الثلاجه اجيت اشرب مي لكيتها مليانه كيك وحلويات وعصاير وكرزات وفواكه تعجبت معقولة هيج وبنفس الوقت فشلت منهم اخوية عامي عين ابنهم الجان مفروض يصير دكتور وهمه هيج استقبلوني ياربي عيني على الجاي ياربي كلبي خلصان من ظيم اخويه ومرته لا يطلع علي ضيم جديد مابيه حيل بعد وظليت وحدي بالغرفة بس اندعي لربي يهون علي ماادري اكول مصيبتي ماادري شنو اسميها.....