لؤي وهمسه

7

كعدت الصبح على صوت امي بالباب تدك باوعت للساعة ب10كعدنه وتريكنه وطلعنه يمهم له غيرهم عالم تدك النذالة ويانه وتطلع حرك كلبها بيج يمه بنيتي مدام مدلليج وخوش عالم يمه ديري بالج على رجلج وبيتج واحترميهم واندمجي وياهم وصيري منهم وبيهم ولاتغتثين منهم اذا سمعتي حجاية مرات البشر من الظيم يدربي مايدري بروحه يمه صيري سباعية وام بيت ونادرة لاتصيرين مضحكه للعالم همسه -اي يمه صار لاتهتمين بنتج انه تربات ايدج انتي هم لاتشيلين همي وديري بالج على ابوي واخوتي وعلى نفسج وهاي العوبة مااجت امها -لا مااجت تكول من يطلع رجلي اجي واحنه هم مرتاحين منها ومن صياحها اكلج يمه بهمس كملتي شغلكم البارحه همسه-هااا اي كملنه لايضل بالج امها -الحمدلله الله يوفقج يابنيتي وينطيج الخير ويجفيج شر ابنادم الله وياج يمه
لؤي -اباوع عليها تتمشى وتخابر بامها ودمعتها تنزل على خدها بس ماتبينها كاتمتها ماتريد تغث امها خلصت واجت تنطيني التليفون جريتها من ايدها وكعدت يمي سالتها احجيلي عن نفسج اريد اعرفج احجي كلشي المبين والمظموم مااريد شي يطلع بعدين مااعرفه همسة-شحجي ومنين ابدي فتحت عيني عالدنية لكيت روحي بعايلة فقيرة اب وامه و5خوان وجنه و4جهال بس اخوي الجبير يشتغل بالحي الصناعي فيتر مال سيارات والباقي كلنه طلاب ومرته ساكمتنه سكم جيف رجلها ابو لكمتنه ويومية تتعارك وياي ووية رجلها حتى يبطلني من المدرسة حتى اخدمها بس ابوي مايرضى ابطل لان شاطرة وانجح ومستواي زين لؤي انتي يا صف همسه بالثالث متوسط لؤي -زين ليش تركتي همسة -هههه هيج بس اخوي الله يعمي عمى عين واحد وانطوني فصلية وبطلت احجيها بضحك لؤي -هااا يعني هسه بشغلتنه بطلتي همسة -اي ودنكت وسكتت بعدين سالته انت منو لؤي -صفنت اول مرة انسال هيج سؤال تنهدت وجريت الحسرة والاووف كتلها دستي عالجرح همسه -عجيب ماسالتك شي غلط بس اذا تريد تحجي احجي هم انت ترتاح وهم انه افهمك لؤي -انه جبت سنين الدراسة كلها ناجح ومتفوق بالخامس اعدادي صارت دخول الأمريكان عندي خالة ببغداد بيتهم خافت من القصف واجو يمنه كعدو تقريبا سنة عدها بنية من عمري حبيتها وحبتني او تخيلي تحبني اسمها اشواق جنت على طول اتمشى هنا بالبستان انه وياها ونسولف ونضحك ونتشاقى ومرات نتناكر وجنه متعاهدين نبقى واحد يحب الثاني واول مانخلص الاعدادية ننخطب وبعدها نمشي سنة بالكلية ونتزوج وجنه حتى مخططين نخلف ولد وبنية اسمهم ملاك ومصطفى ابوها جان تاجر ومن صار السقوط والعصابات ذبهم يمنه وطلع للامارات حتى يرتب وضعه هناك ويلحكوه بعدين وجانو اهلي واهلها يدرون بعلاقتنه ومكيفين بيها والكل يحضر لخطبتنه وزواجنه جنت طاير بيها طير وحاير شلون ارضيها وهي تزعل هواي همسة -اباوعله شلون يحجي عنها وصافنه عليه شلون يوصفها ويوصف علاقته بيها واشوفه طاير بالجو من يحجي بعدين قاطعته وشنو صار وخلاك تعوفها حسيته انغمت حيل واختفت الضحكه من شفته لؤي -بهدوء جاوبتها تزوجت صفنت عليه اي تزوجت اتصل ابوها وحجه وياها وكلها شريكي الاماراتي ماتت زوجته وعنده طفل واحد واني هديتج اله توقعتها ترفض او تحاول تفكر بس صدمتني من كالت خلاص قسمة زينة واجتني ليش انتظر كتلها وحبنه واحلامنه وطموحنه جاوبتني بكل برود لابد يجي يوم وتتعرف على غيري وتنساني وراحت تزوجت الاماراتي وسحبت اهلها يمها ومن 13سنة مانعرف اخبارهم شنو قاطعناهم كلنه همسة -اسمع كلامه واحس اكو الم بداخله يمكن بعده يحبه لامامعقولة بس يمكن عنده احساس حقد عليها لان جرحته ومشت بعدين غير الموضوع وكام يسولفلي عن كليته وجماعته وراواني صوره مال الكلية بالموبايل جان حلو قبل لاتعمى عينه وهو هم اريحي يسولف ويتشاقى ويضحك ومايطلب مني شي وانطاني وعد من ليلة العرس يمته ماقررت اتقربله يجيني ومايضغط علي بشي ومرت ايام وهو هيج يعاملني كدام اهله شقى وسوالف وضحك وبالغرفة احترام وثكل كانما غريبة عنه وانه عالجرباية وهو بالكاع حتى خطية يطلعني بالسيارة ويفرني ودائما يكلي اريد اعوضج عن عذاب اخوج ومرته
على ذكر اخوي ومرته رابع يوم العرس رحنه عقدنه محكمه وتنازل عن اخوي وطلع واول مرة هوس اخوي على اهلي لان انطوني فصلية وبعدين من اجت مرته خلته يسكت بس طبعا لااروحلهم ولايجون بس اخابر عليهم واشترالي لؤي خط وجهاز خاص بيه حتى اخابرهم ويخابروني
وفد يوم من الايام جنه نتغده مجتمعين كلنه ودك جهاز لؤي رقم غريب جاوب الو بنية -الو شلونك لؤي لؤي -اهلا وسهلا منو وياي البنية -شنو ماعرفتني لؤي -بيني وبين نفسي بس لا هي صحت بصوت اشواق