لؤي وهمسه

8

الكل صفن ويباوع عليه امي ابوية اخوتي حتى همسة اخذت الموبايل وكمت لغرفتي اشواق هاي انتي اشواق -اي انه همزين لاناسي اسمي ولاصوتي لؤي انساج اكو واحد ينسه اقوى بوري بحياته اشواق لاتلومني لؤي انت ماتدري بحالي ماتدري بابويه شلون جان وضعه وهو ماعنده غيري جان لازم اضحي علموده لؤي-ليش تكولين هيج ليش ماتكولين انتي جنت حابة فكرة تسافرين وتزوجين واحد غني وصاحب شركه وتعيشين حياتج طول بعرض اشواق -وينها الحياة لؤي اني بمجرد ماطلعت من بيتك حسيت نفسي متت مجرد الالة مشيت رحت همه يمشوها شلون مايردون لؤي -انتي هسه شذكرج بيه ومنين جبتي رقمي وشتردين اشواق -لؤي والدي توفى ووالدتي مريضة وزوجي تطلكت منه واريد ارجع للعراق بس حتى كروة ماعندي وماعندي احد التجءله غيرك لؤي -اشواق انتي هسه ماتعرفين ظروفي شنو اني فقدت عيني بحادث وتزوجت قبل شهر وتركت الكلية وكاعد صار فترة اراجع اطباء علمودتجميل عيني وكل هالمصاريف على ابوية بعد شلون اكله على فلوس بس انتظري جم يوم واحاول ادبر امري واحولج فلوس اشواق -هاي الاحداث كلها صايرة وماادري بيش ادعي على ابوية الورطني هيج ورطة وحرمني منك هسه حتى لو اجيت للعراق وين اكعد لؤي -اشواق انطيني مجال ارتب امري واخابرج ماشي في امان الله وطبكت التليفون واحس تعب ذيج الفترة اللي عافتني بيها كلها رجع بصدري وصفنت افكر منين اجيب فلوس ووين تكعد وماحسيت الا على صوت همسة همسة -طبيت لكيته الموبايل بيده ويخابرها وظهره عالباب وصوت الموبايل عالي وكل كلامها سمعته وبيني وبين نفسي خايفة لان بديت احبه واتعود عليه وجنت ناوية اعترفله بحبي اله بس سمعت امه تكول عيد ميلاده بعد يومين فخليتها على عيد ميلاده وفكرت بطريقة احتفال وعشت ويه احلامي وصدمتي هالتليفون الاجاه خلص مكالمه وضل يتصفن وحتى ماحس بوجودي يمه تجرأت واجيت خليت ايدي على كتفه هو فز من صفنته كتله شنو حنيت لحبك القديم دنك راسه وكال لا بس هي مالها احد وكلفتني بشغلة كتلة دير بالك تفكر بيها ترى حرام عليك هي متزوجة وبذمة رجال قاطعتي تطلكت منه خفت اكثر لعد شتريد خابرت تبشرك تريد ترجعلك يعني لؤي -صفنت على كلام همسة ليش هيج مهتمه بالموضوع ليش تريد تعرف معقولة ؟؟لا اني اتوهم جان حسيت تحبني عفتها وطلعت ماجاوبتها رحت كملت اكلي همسة -صفن بوجهي ومجاوبني وعافني وطلع وظليت اكل بروحي اكيد يريدها اكيد حن الها اكيد راج ياخذها طلعت شفته ياكل وهمه يسالوه ليش خابرت لؤي-ابوها توفى وامها مريضة وتريد ترجع علاقتهم بعمامهم شبه مقطوعة وحتى بخوالهم بس جانت علاقتهم ويانه ابوية بصوت عالي -واحنه هم انقطعت علاقتنه بيهم ومانريدهم كافي عذاب ذيج الفترة ابني انت هسه متزوج شنو علاقتك بيها بعد لؤي -كل علاقة ماالي بيها بس رادت فلوس ترجع بيهن ومكان يلمها ابوية -ابني هاي عافتك علمود الفلوس وهسه تريد ترجعلك بحجة الفلوس ابني انتبه لمستقبلك كافي الكلية العفتها عاد انتبه على محلك لو هم هسه تضحك عليك وتاخذ الصاية والصرماية وتعوفك على بساط الفكر لؤي -ابوية تعصب حيل وعاف الأكل وكام وامي لحكته واني هم باوعت على همسة صافنه عفت الاكل وطبيت للغرفة تمددت وحاير شنو اسوي من جهة كلام ابوية صح اني يبست راسي وعفت الكلية وخطية فوك مصاريف أطباءي وزواجي راح فتحلي اسواق اشتغل بيهن حتى لااحس بالنقص وهو اصلا محارمنه من شي وبنفس الوكت صح نسيتها ومااحبها بس بنفس الوكت هي دمنه ولحمنه شلون اعوفها مرة وحدة ووياها مريضة بديار الغرب طبت همسة وكعدت كدامي اباوعلها وهاي شلون بيها احبها بس مجاي تنطيني مجال ابينلها ونفس الوكت احسها تحبني بس متحجي حيرتني ماادري شتريد همسة -لؤي انت شنو ببالك شتريد بالضبط ترجعها مثلا لو بس تساعدها احاجيه وخايفة من رده ميت فكرة براسي لؤي ردتها تغار شوية حتى اعرف تحبني لو متوهم -اي اريدها اريد ارجعها باوعتلها اتصدمت وعيونها غوركت ووجها صار مايتفسر كالت بكل برود لعد ليش محتار احجي ويه عمي وكله ليش تظيعها مرتين لؤي -صح كلامج راح اروح واكله وطلعت على ابويه بالغرفة وامي يمه كتله يابه اني بعد شلتها من بالي ومااحب مرة غير مرتي واصلا بعدني مصارلي شهر من تزوجت شلون بعد اتزوج مرة ثانية بس كل مابالموضوع هاي محسوبة علينه احنه اهلها شلون تعوفها بالشارع وبديار غرب لازم نلكالها حل يابة ابويه -زين حولنالها فلوس ورجعت وين تكعد لؤي-يابة نجيبها يمنه فترة مؤقته بس علما ندورلها بيت وهي تشتغل وتكد على نفسها ابوية -والمؤقتة شكد سنة سنتين اكثر من شهرين مااتحملها لؤي -يابة شهرين وداعتك واني ارتب وضعها وليكدام اتفق وياها شهرين مايزيدن يوم ابوية -لعد ماشي بس هاي امك كاعدة وتسمع لاتجيني يوم من الايام وتكلي حلتلي ةاريد اتزوجها اتبرى منك الله شاهد لؤي لابوية صدك جذب اللي مارادني تاج راسه حشاك نعال لرجلي مااخليه ابوية -ماشي لعد لؤي -بس بقت شغلة ولاول مرة ضامها عليكم ابوية