لؤي وهمسه

10

طلعوابوية شهك من شافني ولج همسه شجابج بهاليل منو وصلج شبيج احجي دفعت ابويه وطبيت على غرفتي القديمه ذبيت نفسي على فراشي ومابيه حيل ابجي ولااحجي بس يمكن غمضت عيني لان فجأة وحسيت لكيت لؤي يجر بيه ويضربني بس انه دايخه وصوته براسي مثل الصدى وبعدها ماحسيت بشي ابد فتحت عيني اني بالمستشفى ومشكليلي مغذي ويمي ابوي وعمي ابو لؤي واخوي ولؤي وواحد يسال الثاني شنو الصار لؤي -من صحت بيها وظربتها وكعت بين اديه البنية ماادري شبيها اريد اعدلها مايعة عبالك بس قماش حطيتها بحظني خفت عليها همسة حبيبتي فتحي عينج شبيج شجارلج يانور عيني البارحة جنتي وردة مفتحه شصار بيج كمت اصيح لحكولي همسه ماتت طبت امها وابوها ومرت اخوها وامها وابوها يشبكون بيها وامها تعيط ومرت اخوها ذبت عليها مي نشغت ونامت شلتها واركض واصيخ بيها روح بيها روح كفت امها بالكاع تنوح وابوها اجه وياي للمستشفى وهناك خابر على ابنه اجه وانه خابرت على ابوي هم اجه بس ماصارت مشاكل مخبوصين بيها علكولها مغذي خلص وهي ماكو فاقدة ضربوها ابرة وعلكو الثاني وخلص فتحت عينها شويه بس كوه تباوع وتغمض باوعت لابوها واخوها ولابوية ومن شافتني بجت ابوي كال اطلع خل ترتاح طلعت كعدت بالحديقة بس مخنوك وابجي شسويت بيها اني شويه وصاحني ابويه تريدك مرتك يانور عيني حمدلله على سلامتج وبستها من راسها ومن ايدها شنو اليوجعج همسه -كمت احجي بالكوة اطلعو اريده بحجاية طلعو كلهم بس هو بقه كتله من اول يوم شفتك بيه عرفتك رجال وصار شهر وياك ماشفت منك الا كل معاني الرجولة بس اني بعد مااكدر خليك رجال وياي وطلكني لؤي-شحجين انتي اطلك الدنيه كلها ومااطلكج شلون اعوفج ولج من اول يوم حبيتج وعشت وياج على اعصابي كدامي حلالي اشتهيج ومااحصلج بس حتى مااجبرج على شي ماترديه تاليها اطلكج زين اذا تردين طلاك ليش البارحة عيشتيني أحلى ليلة بحياتي ليش تنطيني امل باليل وتسلبيه مني الصبح همسه لؤي انت بالك مو يمي انت من اول يوم اتصلت اشواق وانت حاير بامرك وانه راح اخلصك من اكبر مشكله بحياتك وروح ارجع لحبك الاولي لؤي-هموسه حبيبتي والله اللي ببالج شكوك ماالها داعي همسه-سالتك ترجعلها كلت اي وسالت اهلك اكدو الحجي والبارحة ورى مانمت جنت اكلب بصورنه جاي اطلع دست الاتصال جان اخر اتصال لاشواق ورجعت دكيت عليها وسالتها وجاوبت اي صح نرجع لبعضنه بعد اي شكوك التحجي عنها صفنت انه شسويت بنفسي اللعبة اللي سويتها انقلبت علي هموسة والله وداعتج وغلاتج بكلبي هذا فلم سويته انه واهلي واشواق بس حتى تغارين ردت اتاكد تحبيني ماتوقعت توصل اللعبة لهيج شي همسه-لعبة ليش الناس واحساسهم ومشاعرهم عدكم لعبة ليش لان انتو شيوخ واحنه فقرة لان انه فصلية يعني شنو ماعندي إحساس خلاص لعد الطبخ الطبخته انت واشواق واهلك اكلوه رجعة للبيت ماارجع لو تذبحني وطلاك تطلكني وانت الممنون لو ماكو اكلب الدنية عليكم لؤي-انقهرت عليها وضجت من نفسي ليش هيج سويت بيها واستغربت الشراسة العدها وتعبني كلامها وعتبها وكفت شوفي يابنت الناس طلاك مااطلك وهسه تصحين ترجعين لبيتي واي كلمه ثانية اتعبج واعذبج وحتى اشتكي عليج واجرج لبيت الطاعة عفتها وطلعت اهلها وابويه الظاهر سامعين كل الحجي لأن محد حجه شي من طلعت ابوه طبيت عليها تحمدت لله على سلامتها وتسولفتلها كل الاتفاق وهم جاوبتني بكلمه اذتني حيل كالت هاي وانت شيخ عشيرة ومسؤول عن كومة عالم وحياة بنية عندك فصلية مرة ولعبة مرة لعد ليش اعتب على ابنك عفتها وطلعت بس كلامها صح انه ليش طاوعت ابني عالغلط ابوها -طبيت عليها سمعي بنيتي الولد واهله شاريج ويتوسلون تواسيل بيج اذا همه غلطو انتي لاتغلطين مثلهم وتكبرين السالفة وحتى لو تردين تزعلين ازعلي عنده معززه مكرمه احسن مما تزعلين عندي واخوج ومرته يهينوج بجت بس حست بكلامي وتذكرت ذاك العذاب الشافته ببيتي من جنتي وابتي واشتاقت لذاك الدلال اللي لكته ببيت الشيخ بالاخير صفه رايها ترجع لبيت رجلها ورجعت لؤي -رجعت همسه بس مو ذيج همسه تغير مني حيل لو تشتغل لو تباوع تلفزيون لو تطلع للبستان وبليل تلبس سيات نوم وتنام يمي ومن اتقربلها روح مابيها عبالك خشبة حسيتها شايله بكلبها علي بس مااكدر اتركها احبها كلش احبها واصلا انه غلطان بحقها بس الله شاهد بدون قصد صارت طبعا اشواق بقت عدنه هي وامها وهي مثلما كالت همسه تريد تذكرني بذيج الايام حتى احن وارجع ماتدري انه شلت كلبي وحطيت هموسه بمكانه وعدت الشهرين واشواق حصلت بيت ايجار وشغل بمكتب سياحه وطلعت من البيت وخلصت منها وهسه راح اتفرغ لهموستي طب الشته وبده المطر وكلما تمطر هموسه تطلع جوه والمطر تلعب ويه مرام واتخبل من اشوفها هيج جوه المطر وناكعه حلوة وتغريني من تصرف هيج واخاف عليها تتمرض وفد يوم طبيت البيت الظهر من وكت بقه ابوي ووليد بالمحل وانه اجيت مالكيتها بالغرفة سالت امي كالت بالبستان رحت وراها ولكيتها واكعة يم الورد الجوري مغمي عليها متت خوف عليها شلتها واجيت اركض واصيح على امي تجيب

عبايتها واخذناها للمستشفى حولناها عالتحليل وطلعت الدكتورة كالت مبروك مرتك حامل بالشهر الثاني طرت من الفرح وامي كلبت الدنية بالهلاهل وهي هم جانت تتبسم برغ تعبها ومن فترة الزعلت ورجعت ماشفتها ابتسمت رجعتها للبيت ومااخليها تمشي شلتها وديتها عالجرباية باوعت بوجها اخاف ادللها اخاف تصدني بعدها زعلانه اجيت اريد اكوم من يمها جرت ايدي باستها وخلتها جوه خدها رجعت حظنتها وفرحان هم حامل وهم راح زعلها وهسه حبيبتي حامل بالشهر الثامن ومن حسبت الدكتورة طلعت حامل بيوم عيدميلادي وشكد حلوة الملعونه بالحمل ههه زغيرونه وعدها كرش جبير
طبعا حفزتني وسويت عملية زرع عدسة تجميلية وحولت من كلية طب الى كلية تربية قسم رياضيات لان كلش شاطر بالرياضيات يعني راح اصير مدرس رياضيات وهي اخذت سونار وطلعت حامل بولد وراح نسميه علي على اسم ابوية
العبرة من قصتي شغلتين الاولى سلمو امركم لالله الله اخذ عيني وانطاني مرة ذهب صافي
والثانية اذا حصلتو حبيب حافظو عليه لاتسوون مشاكل والعاب حتى يكثر الحب

النهايه