لؤي وهمسه

5

المغرب اسمع ناس وطبل وهوسه وغنه وركص بس ماطلعت بقيت بالغرفة وهمه هم ماصاحوني
لؤي -باليل من خلصت العالم العرس وكملنه الحفلة والعشه صاحني ابوية وكال راح نزفك كلبي كام يرجف وعركت ماادري خوف ماادري خجل ماادري شنو صار بيه التمو اخوتي وعمومتي وولدهم وجابوني من الحديقة هوسات ودبج وجوه هم امي وعماتي وخالاتي وطببني ابويه والسيد للغرفه طبعا دكو الباب لان الخاتون قافلتها من داخل
همسه-دكت عمتي الباب وصاحت ياعروس راح يزفون تحضري كمت فتحت القفل وكعدت عالجرباية ونزلت البركع على وجهي وكلبي يرجف ويدك حيل وماادري بردانه ارجف ماادري حرانه اعرك تخربطت كل اوضاعي طبو الولد وابوه وامه والسيد اللي يعقدنه
لؤي -طبينه وابويه كعدني بصفها والسيد خلوله كرسي وكعد كدامي وكام يحجي ايات قرانية واحاديث عن الزواج وامي وابويه واكفين كبالي ويصلون على محمد سالها الشيخ اسمج جاوبت بصوت ناصي همسه بكلبي كلت الله اسمها حلو وصوتها حلو ياربي كون هم تطلع حلوة وماتشبه ابوها وانجلط واموت بيوم عرسي رجع سالها عمرج كالت 16ياربي خطيه بعدها زغيرة استخطيتها من اسمعها تجاوب وصوتها بيه رجفه خوف وبجي وكاعد بصفها احسها ترجف حلفت بين وبين نفسي اداريها ومااعاملها معاملة فصلية خطية هاي شتفتهم من انطوها هيج عمر تكطعت بداخلي عليها كام يحجي السيد يالعقد وسالها قابله طبعا ابويه كال المقدم10والمؤخر 10 لان هاي جنة شيخ مو واحد عادي رجع سالها السيد مرة ثانية ومرة ثالثة كالت نعم اقبل بصوت ناصي واني هم رجع سالني وكتله نعم اقبل وكمل العقد وباركلنه وطلع وابويه هم باركنه وطلع وامي تهلهل وتطش جكليت وهم باركتلنه وطلعت وكمت وراهم سديت الباب وقفلتها واسمعها تناشغ
درت عليها رفعت البركع وانه بكلبي اردد ياربي كون حلوة ياربي كون حلوة رفعته وشفت بنية بيضة زغيرونه عيونها سود وكبار وملامحها كلش زغيرة وبريئة بس وجنتها غركانه بالدمع مديت ايدي ومسحت دمعتها وهي خايفة وتريد بس توخر مني كتلها لاتخافين مااكلج رفعي عيني وباوعيلي ماتردين تشوفيني بسته على كصتها
همسة -رفعت عيني وباوعتلها خفت منه عينه بيضة تخووف انهاريت بالبجي وكعت بالكاع وابجي انفجرت بعد هذا متاذي كلش شلون راح يتحمل وحده اخوها السبب بروحة عينه هذا شراح يسوي بيه بعد كمت ابجي بصوت عالي مااكدر اصيطر على نفسي
لؤي شافت عيني وخافت وكامت تبجي وكعدت بالكاع هي زغيرة وناعمة وضعيفة وخايفة مني واني كدامها طويل وسمين واني العب حديد من زمان يعني ضخم حيل وهسه عيوني وحده سودة والثانية عورة بيضة شكلي اني مل متقبله شلون هالطفلة راح تباوعلي بكل وكت دنكت عليها بستها من راسها وكومتها كعدتها عال جرباية كلتلها شوفي يبت الناس اني مقدر حالج ومقدر صغر عمرج وخوفج مني وراح احاجيج حجي اكوله مرة وحدة لاتجبريني اعيده عليج مرة ثانية لان ساعتها مراح احجي بلساني لا راح احجي بايدي شوفي عيني اني طبعي صبور يعني مراح اجبرج على شي افتهمتي هزت راسها يعني اي كتلها لاتخافين من عيني لان اخوج السبب بيها وتعودي عليها لان يومية راح تشوفيها خو ماتظلين طول الوكت خايفة تحترميني وتحترمين اهلي وكلمن يطب لبيتنه وتقومين بواجب الكل واختلطي ويه الكل انتي صرتي منه وبينه سالفة الفصلية راحت وتناسيناها لا يجي يوم وتخلينه نتذكر انتي فصلية حجابج مايطيح من راسج بره الغرفة لان دوم عدنه خطار وصلاتج ماتكطعيها الا بعذر شرعي صار واضح كلامي هزت راسها
همسه -من هو دنك وباسني شوية هدأت وكعد يحجي ويايه كلامه حلو ومفهوم ومبين من كلامه خوش ولد مو مؤذي بس هم شويه بداخلي خوف يجوز لان اول يوم يجوز يتغير علي...