باوعت بعيونها ودرت وجهي عالطريق ماريد انعجب بيها
وصلنا للقريه
لبنى- كلبي طار من وصلنا وكمت ادلي عالطريق
لحد موصلنا لمزرعه جدي وصلنا هنا اركن السياره
نزلت ركض ورحت على خالي رفعت النقاب ركض عليه وحضني كان يحصد بالطماطا
قصي- حضنت شاب مااعرف منوه وراها اجه يمي اقترب اني مديت ايدي اسلم وهو كذلك وميحجون الل بسيدي وسيدي
تلكوني بحراره عبالك ابنهم وجاي من السفر جانت عيونها تراقبني دخلت امها سلمت وعرفًوني على خوالها وجدها وبيبيتها وبمجرد طبتي عدهم ذبحو الذبيحه يعني ناس يحسسوك باهميتك وره ساعه اللكل صار والكعده وياهم متنمل تغدينا سوه والاكل يخبل من هاي اكلها طيب
قصي- يله يابه اني اترخص ورحمه الله والديكم
على هالاستقبال مقصرتو
الجد- وين تريد ماكو روحه اليوم تبات يمنا 3ايام عدنا النسيب يبقى يم اهل مرته 3ايام
قصي_والله جدي عدي شغل
الجد- ابد مامقبوله ترد حجايتي هاي الماصارت
قصي- باوعت للبنى باوعتلي كانما تكلي مو كتلك دنكت هاهي جدي صار وحجايتك ماعاش اللي يردها بهاليوم بيتهم مفرغ كلسا جايين عالم حتى يشوفوني ويعرفوهم عليه لليل يله فرغ وراح كلمن لبيته اني بقيت وحدي بالاستقبال
وره شوي دخلت لبنى
قصي- تعاي يمعوده شنو هاي ابتسمت هاي صدك تحجون هاي كلها عشيرتج
لبنى- ضحكت من كل كلبي على حجايته لا مو كلهم بعد باجر جايين اكثر عافوك اليوم ترتاح
قصي- لا ياالله يمعوده هزميني
لبنى- تعبت مو احنا ناس ندور العلاقات الاجتماعيه ربينا على هالشي نطيته الغطا وطلعت
قصي- وين حتروحين
لبنى- اشوف الحلال والمزرعه
قصي- عادي اجي وياج مجايبني نوم
لبنى- باوعت لعينه غريب امره تعال تفضل
اجه ويايه
اول مارحت للحلال لمعزاتي دخلت للحضيره حضنت معزتي والبقره
قصي- ضليت اضحك تحضن بالبقره والمعزه
لبنى- شمالك تضحك ذنه وي روحي يوميه احلبهم
قصي- يعني صدك جايبيج مو جوه البقره ههه
لبنى- هالشي عدكم عيب وعدنا فخر طلعت من الحضيره بعد ماوكلتهن رحت للزرع
قصي- اباوع عالهدوء والسكينه ارتاحت اعصابي باوعتلها تدرين مجنت اتوقع المزارع حلوه عيشتها هيج وراحه
لبنى- بس الهدوء البيها والهو الطيب يسوه المدينه
قصي- تقربت منها واباوع على عيونها شون تباوع عالزرع خليت ايدي على ضهرها فزت
قصي_بعده يأذيج
لبنى- شوي
قصي- انتي انضلمتي يمي
لبنى- انته هم مضلوم دمعت عيني واباوع بعينه
قصي- درت وجي للسما تنهدت لبنى متصورين المنضر شكد صعب بغرفه نومي وعلى فراشي والصوت مالتها كانت بارده ويايه بس وي غيري مرتاحه
دموعي غدرت بيه ونزلت
لبنى- وجع كلبي تقربت منه رفعت راسه ومسحت دموعه لاتبجي انت ماقصرت هي الغلطت انت المفروض ماتنقهر وراسك يضل مرفوع رغم كل الصار بيك بعدك واكف بحيلك
عيب عليها هي راحت بعد والله يجازيها بغلطها بحق اهلها وبحق زوجها
قصي- فتحت عيني باوعتلها طلعتها بيج لانها اختج
لبنى- حقك باللي تسوي بس والله انه مالي ذنب
قصي- سمعت صوت شاب من بعيد لبنى
لبنى- نعم خال
الخال_تعاي شعدج بالزرع بحيدج
لبنى_خال مو بحيدي وياي رجلي
الخال- ها يله اخذو راحتكم
قصي- خوالج حيل متعلقين بيج
لبنى- اي هم ربوني
قصي_اي بس ميصير هالحضن والبوس كلساع
لبنى- ابتسمت ودنكت صار
قصي- بقيت اباوعلها ذبت بعيونها شفتها كعدت عالحشيش جيت كعدت اني هم
لبنى-دتشوف هذا السره مال طماطا هاي اني زرعته بايدي قبل شهر شوف شون كبرانه الشتله
قصي- ها حلو منهاي مكلبه الحديقه
لبنى- وهذا البرتقال هم زرعنا العام
قصي- حلوه سكتنا باوعتلها من نرجع اجيب بذور وزرعي الحديقه
لبنى- تقبل ارجع وياك
قصي- اي فد سبوعين شسوي بعد ورطه باوعتلها
لبنى- الله يساعدك وينطيك الصبر
قصي- يله خل انام باجر ورايه طريق
لبنى- متكدر تروح باجر جدي كال 3ايام
قصي-والله اني مرتاح ومتونس بس اريد ابقى ببحدي
لبنى- اخذ راحتك كمت رحت لغرفه امي نمت يمها ومشتاقه لحنانها وامانها حضنتها ونمت
قصي- عافتني عبالها ضايج منها بس هم زين ردت ايقى ببحدي ارتاح والهدوء وجمال الطبيعه حيل هدائني
تالي رجعت نمت بالاستقبال
لبنى- حسيت وي الفجر كمزت صليت ورحت ركض للحضيره حلبت الهوايش والمعزات وطلعت الحليب فرحانه فورته وره ساعه صار الكيمر يخبل امي تعجن بالكاهي وسويت الشنيني
وهي 10بيضات بطاوه صغيره البياض يصير ثخين والصفار كاعد وحده بصف اللخ جنت طايره هناك رحت خبزت بتنور الطين هاي حياتي اللي خذوها مني حياتي اللي احبها واموت عليها اخذو راحتي الحمد لله ربي لخاطر ابوي اتحمل حضرنا الريوك صارت ب6ونص دخل جدي كعد قصي وخلينا الريوك
خليت كباله الحليب
قصي- هاي شنو الحليب انتي حلبتي
لبنى- اي ضحكت
قصي- ضحكتها حلوه ابتسمت وشربته
قربو الكاهي والكيمر كل حياتي مصايك مثله
ام لبنى- هاي الكاهي بدهن الحر وهذا بزيت عادي اذا ماتحب دهن الحر اكل من هذا
قصي- خاله الاكل يدووخ عاشت ايدكم
شربت الجاي وطلعت اشوف ديسوون بالمزرعه
لبنى _كانت وي خوالها تزرع وتضحك كانت فرحانه اراقبها من بعيد تقرب خالها يلبس مثل الطاك مال زره خلاه على راسها اقترب يحضنها دفعته
