اخاف انزل جرني من حجابي وشعري للبيت صوتي مطلع وقفل باب المطبخ سحب الحزام من خصره فتحت عيني
قصي- ها شبيج خايفه لعد شو مخفتي من دتسولفين وتضحكين وي ابن عمج ضربتها بالحزام بكل قوتي جانت متصيح بس تبجي واني اريدها تصيح حتى ارتاح بس الضاهر عدهم المره حتى لو تنكتل لازم صوتها ميطلع شفتها تخربطت ورادت تطيح واتكورت تقربت منها شحجيتي ويااا احجييييييي
بعلو صوتي اصيح
لبنى- بلعت ريكي وكوه طلع صوتي احس الدم من كل مكان من جسمي يطلع وجسمي يحركني ببروده ارجف
سألني عدي خوات
قصي- اييييي صيحت وبعد شكاااال
لبنى- كتله عدي بت خالي تشبهني
ضربني مخيل عليج ويريد وحده تشبهج دنكت وهو يجر بشعري اني بعد فقدت الاحساس شوي شوي محسيت على روحي طحت
قصي- شفتها تخربطت ارتاحيت سحلتها لفراشها غطيتها باوعتها مسحت الدم من خشمها و أسب بيها شعرها نصه وكع بيدي من كد مجريته
يطبج طوب كلكم نفس الشي طلعت لعبانه نفسي
طلعت من الغرفه ورحت لغرفتي نمت
لبنى- حسيت الالام بجسمي كله كرهت قصي وكرهت امي الخلفتني وكرهت ابويه النطاني لواحد معقد لميت هدومي وخليتها بالجنطه وقفلت باب الغرفه عليه مااطلع الا يجون خوالي انه مو ماعدي ضهر صارلي 3اشهر يوميه يضربني على اتفه الاسباب
صارت ب8
قصي- كعدت ب 8راح وكت دوامي ركضت بدلت فتحت باب الخاتون مقفوله اصيح فتحي الباب متفتحها
قصي_لبنى اذا مفتحتيها اكسرها
خفت ليكون صار بيها شي تذكرت الضرب الضربته الها تندمت شون كدرت اكلني الشك والغيره دفعت الباب قوي ماكو مينكسر لان نوعيت الباب ثقيله لو اموت متنكسر حاولت هواي ومنفتح
مرحت للدوام نزعت هدومي رحت وره البيت احاول اشوفها من الشباك طلعت شفتها كاعده ولازمه المكص وتكص بشعرها تخبلت وجهه بي اثار ضرب وايدها كلها اثار ضرب ارتجيت عالحايط اني شسويت بيها اشوف شعرها يوكع تخبلت مخليتها تحس اني داشوفها
لبنى- تذكرت من كالي اذا ردتي تاذيني كصي شعرج لزمت المكص وكصكصته نصه وابجي وراها رجعت خربت
قصي- شفتها تخربطت ضليت ادك الشباك بقوه حست باوعتلي ودنكت
دكيت على يوسف
قصي-ها يوسف شون صار عمي
يوسف -الحمد لله احسن رجعته للبيت الحمد لله
قصي- زين تكدر تمر لبيتي
بوسف- اي اكدر خوماكو شي
قصي- لالا ماكو بس شوي اختك تعبانه
يوسف- اي هسه جايكم
كمزت رحتلهم دخلت شفت قصي بطرك بنطرون البدله مال الشغل وفانيلا ووره البيت
يوسف_قصي شبيك وينها لونه
بالغرفه حابسه روحها ونزلت راسي
ليش ياستار البارحه انتو جنكم ورود جتكم عين انحسدتو
مااعرف روح شوفها واخذها يمك احسنلك
لا قصي لا هاي المرجيه منك ركضت عالغرفه لبنى خويه فتحي
لبنى- بجيت بعلو صوتي طلعت القهر
خويه اني وره الباب افتحيلي والله ارجعج لامج
قصي- واكف على صفحه اسمعها وخايف ياخذوها مني
لبنى- كذابين وعكال ابويه كذابين ابجي واصيح
يوسف- خويه وغلاتج اطلكج بس فتحي الباب
لبنى- ماريد اريد خوالي ماافتح اله يجوني
يوسف- هسه اتصل بيهم بس فتحي الباب
لبنى- ماافتحها
يوسف قوي وقصي ويا كمنا دفع بالباب نريدها تنفتح تنكسر ماكو االشبابيك من النوع المربعات الحدايد مستحيل تتفلش
يوسف- قصي دك على لوي ويانا هم قوي هاي خاف تسوي بروحها شي من الصبح ماماكله شي وضايجه وتملخ بروحها حيصير العصر وماسكتت
قصي- دنكت اتصلت بلؤي اسوي اي شي بس يطلعوها
لؤي شوي وصار يمنا
انجمعنا 3وضربنا الباب فد ضربه انكسرت
لوي- باوعتلها مامبين من ملامحها شي وشعرها مكصكص بالكاع
باوعت لقصي الله لايوفقك على هالدكه شمسوي بالبنيه جانت شمس دفعته وركضت عليها يوسف ارتجى عالحايط يبجي عليها
لوي- كومي خويه كومي وينه حجابج
لبنى- وخر عني ودوني لاهلي
يوسف- بلعت لساني مااعرف شسوي بنفسي انعل ابو خواتي من امي وابويه شنو ذنب هالطفله طيناها لواحد معقد من وره اختي العار
قصي- اباوعها متباوعلي هاي الهادئه العاقله انهاريت وكعدت بالكاع خليت راسي بحضني عرفت خسرتها اذا شافوها خوالها صدك تروح وبعد ماينطوها الي
لبنى _انه جنت بغير عالم احس روحي مذلوله والكل تريد تاذيني
لؤي_خويه كومي وياي اوديج بيت ابويه يم امي انتي تعرفيها واختي هم حبابه اليوم خوالج يجون يردون يتعرفون على اهل رجلج توهم اتصلو واخذو موعد من ابويه
اني كدامها واحاجيها بعطف تباوعلي وعينها كله دموع والله متت قهر انداريت على قصي ردت اذبحه طفله موتها بيدك سكتت ماكلتله شي اخذت نقابها شفته معلك ولبسته الها وكومتها شفت كامت قبلت تجي وياي
لبنى- خوالي اذا مااجوي اكتلها لنفسي
لوي- لا خويه بعدج متعرفيني اني حجايتي وحده ومااكذب خلف الله عليج
يوسف_لبنى وين رايحه
لبنى_ماريد اجاوبه ولا اريد اشوف اي واحد شارك بهالزيجه الكشره وقصي كاعد بالكاع مسوي روحه مقهور والله كذاب كارهته طلعت وي اخوه وركبت بالسياره ووياي جنطتي ورحت لبيتهم
دخلت تلكتني امه رفعت نقابي لطمت على وجهه عزه بعينك قصي تعاي ماما تعاي فوتي للحمام سبحي وطلعي
لبنى - فتت سبحت وجسمي موتني من الوجع مال ضرب الحزام ضليت ابجي بالحمام مثل الطفل طلع دلال خوالي واخوتي من خشمي
طلعت وفوتتني امه بغرفه اخته بنيه صف رابع بكدي بالعمر جانت دتقره
من فتت باوعتلي
فاطمه- يمه منو هاي
ام قصي- يمه هاي مرت قصي
فاطمه - فدوه تجنن بس ليش هيج وجهه هذا قصي ضاربها انكسرت ايده
لبنى- وجعني كلبي من كالت هيج عفيه لاتدعين على اخوج مايصير
ام قصي- والله عمي اصيله
ماما فاطمه لبنى حتبقى يمنا وتنام عالجربايه مال اختج المتزوجه ماشي
فاطمه- كل الهلا بيج ضحكتلها وحضنتها هي مادري شبيها مدنكه
تكرهينا انتي لأن هيج صارت قسمتج
لبنى- لا بس انه شوي تعبانه
فاطمه - درتاحي وباجر اواعدج اشبعج ونسه
لبنى- ابتسمتلها خوش نمت وغطتني وركضت جابتلي كلاص حليب دافي شربته ونمت
طفت الضوه وطلعت من الغرفه نمت مرتاحه كلش
قصي- يوسف ضل واكف باوعلي
يوسف- قصي احنا ضغطنا عليك هواي و انت لازم تطلك لبنى شنو ذنبك
قصي- يوسف اني اخذتها لاختك
يوسف- وشنو يعني ميخالف لاانت اول ولا اخر واحد يطلك انت ترتاح وهي ترتاح كفيت ووفيت مو ذنبك تعيش بجحيم صارلك 3اشهر تتعذب والبنيه هم شافت الويل وياك روح شوف حياتك والبنيه ننطيها لابن عمها احنا البنيه من تتطلك ابن عمها يستر عليها
قصي- كمت على حيلي اخر يوم بعمري يكون وعفت الغرفه وطلعت
يوسف- ابتسمت عرفت حبها بس لازم يصيرله جره اذن حتى ميلزمها بعد
قصي-عرفت بيها ببيت ابوي مرت ساعه ورحت متحملت بعد امها من سمعت بحاله زوجها الشيخ اجتي ركض وخوالها هم جانو ببغداد من اجوي بالمستشفى فكلهم اجوي لبيت ابوي حتى يتعرفون على عائلتي رحت جبت لحم ذبيحتين ومسواك ودزيت على اختي وابويه جاب 4 سمجات وقمنا بيهم مثل ماقامو بينا
قبل ليجون بنص ساعه دخلت البيت ابوي
ام قصي- انت شجابك امشي ولي ماريد اشوف وجهك
