انا تعبان من غيرك ارجعلي وراضي ضميرك
سمعتها واني دموعي تجري انتبهت عليه سحب كنينس كلت بس لاحس عليه ابجي شفتها اخذها اله ومسح بيها عينه
درت وجهي عالشباك اختنكت واسمعه كلساع يتنهد وصلنا نزل وكلي ياه نزلي صوته مخنوك
دخلنا عالقاضي واخذنا استماره مليناها جان يراقبني ويباوع بعيوني وهو عيونه صايره حمر دخلنا وضل يسال شنو سبب الطلاق احنا ساكتين
قصي- ممتفاهمين
القاضي- بابا بنتي سؤالج شي اعتده عليج
ضربج
قصي_اباوعلها توقعت حتكوله اي
لبنى- هزيت واسي لاا
القاضي_ لعد شكو تتطلكون
قصي- سيدي ممتفاهمين باوعتلها باوعتلي عيونها غركانه بالدمع واني هم كذلك
القاضي- بابا اخذها وروح لبيتكم تحاضنو وابجو هناك حرامات تضيعون احله ايامكم شبابكم بالمشاكل
قصي- دنكت يله امشي
طلعت كدامي ومشيت وراها وصلنا السياره وصعدنا طلعت ورحت عالجسر اباوع على المي هي بقت بالسياره حسيت روحي اختنكت بقيت ابجي تعبان كلش وداتعب االكل ويايه
حسيت روحي شوي ارتاحيت صعدت للسياره
باوعتلها اسف عالتاخير باوعت بعينها مشتاقلها لعيونها مندارت عليه ابد شغلت السياره وطلعت للبيت وصلنا قبل لننزل
قصي_باعي يبت الناس ابقى هنا ببيت ابوي ولؤي يجي يمي بالبيت يبات شكد متردين تفكرين فكري وراها ردي خبر
هزت راسها اي نزلت وراحت جوه خابرت على لؤي طلعلي
لوي- ها تطلكتو
قصي- لا شمتفاولي كبر طمك
امشي ويايه بات ببيتي
لوي- ليش بله
قصي_ ادري بيك تكعد تطك سوالف اصعد لا امردك بسياره الحكومه
لؤي_ لا عمي النوبه مشادلها ارقام صاعد والنبي كمت يوميه ابات ببيته والصبح اتريك بيت ابوي ويا واطلع للجامعه وهو للمركز
مرت ايام واسابيع
قصي- يوميه اجي الصبح الكه البدله معلكه بالهول والريوك محطوط الي ولري والجاي على نار هاديه اصب واكل والبس واطلع الشغل اخذ وكتي شغلني عنها بس بليل من اخلي راسي عالمخده اتذكرها من نمت وياها وشلون ذابت بيدي اموت بدمي محتاجها كلش ومن ارجع من الشغل اروح لبيت ابوي كمت ماادخل لغرفه البنات خاف تضوج وشكلها مرتاحه ببعدي
الزرع بالحديقه كبر ويوميه ازكيه حتى اذا رجعت تفرح بي فاطمه اختي نوبات تجي لبيتي تنضفه وتطلع
لبنى- حييل متونسه بييتهم ومرتاحه حيل حبوني وحبيتهم وفاطمه تنعجن بالكلب كلش مرحه الا اخذها لخالي
ممقصره وي قصي بس شوي مشتاقتله خالتي كلما تطلع جابتلي ثوب لو دشداشه نوم اتخيلها عليه وهو يباوعني اموت شوق اله بمجرد اتذكر اذيته انسى الاشتياق صار اسبوعين مشايفته بس اسمع صوته كلبي يرجف واضل ساكته اسمع شيكول لؤي كمت ماشوفه وكاضيه وكتي وي خاله وفطم
اليوم الصبح كعدت سويت الريوك وفتت شو لعبت نفسي ركضت للحمام وسديت الباب
قصي- تريكت كملت ردت افوت للحمام اغسل توني افتح الباب فتحتها لبنى شفتها من بعد سبوعين اشتياق بس شو متفتح مدري شبيها دايخه
لبنى- غوشت عيني وقصي صار كبالي وكعت عليه حسيت شالني
قصي- يابه من شلتها روحي ذابت ردت اوديها ابيتي كبل خليتها علىً فراشها حست كعدت عدل دنكت
تنهدت ارجف همست شونج
لبنى- الحمد لله
قصي- ابتسمت من جاوبتني ورفعت عينها بعيني
شبيج دختي شحسيتي
لبنى- مااعرف البارحه اني وفاطمه سوينا شاميه وتفرجنا تلفزيون اكلت هواي يمكن معدتي تحربطت
قصي- اباوعها مدااشبع من صوتها اي ياعيني انتي عشه متتعشين تاكلين شاميه انتي نزاكه مو مال اكل هواي
لبنى - باوعته شو هذا كام يتغزل كعد يمي عالسرير خله ايده على ايدي حسيت برجفته باوعني
قصي- لونه شوكت ترجعين
لبنى- باوعته ماادري دنكت
قصي- براحتج يله هاهي
تلمست شعرها
فاطمه- احم احم احنا هنا تره عمي تروح تنسه نفسك وتسوي غير شي تره منايمه بالعباس
قصي- شالج ابو فاضل التحلفين بي
لبنى- خربت ضحك ممنتبه عليه يصنف اول مره اشوفه يضحك هي العائله كلها تصنيف ويضحكون
قصي- من ضحكت كلبي طار ابتسمتلها
همست مشتاقلج
لبنى- دنكت ابتسمت
فاطمه- والله اني هم مشتاقتلك بس روح نريد ننام
لبنى- خربت ضحك
قصي- فاطمه طلعي بره تره انطيج لسعد الزبال
فاطمه- ما اطلع ابويه ملزمني دوريه وكايلي قصي ميطب هنا
قصي- لعد اني حروح
لبنى- لزمت ايده قوي الجان لازم بيها ايدي باوعني متعجب ابتسم وطلع عينه عليه
قصي- اباوع على جف ايدي اوووف من لزمتها يربي اهديها عليه وترجع اليوم مشتاقلها
لبنى- كعدت خالتي الصبح كتلها خاله اليوم عيد ميلاد قصي وانه قررت ارجع لبيتي دنكت خالتي باستني منً راسي رجعي يمه وهسه اشتريلج كيكه وزينه وهديه هم واخابر لؤي اكله تعال لهنا وهو يروح لبيته
بس خاله لتكولوله انه هناك اريد افاجاه
اي بعيني اخذي فاطمه نضفو البيت وغسلو هدوم وحضروًالغده وتمكيجج هم وتحضرلج اي شي حفيفه هاي حتى تجهزين يمه هذا هسه يكون مشتاقلج
لبنى_اي خاله بعيني
اني ادريج سباعيه ومتحتاجين توصيه وحي الله وياج سويت مثل مكالتلي وكملنا شغل اني وفاطمه طفيت الاضويه مال بيت حته من يجي اشغلها ويتفاجا لبست شورت كابوي خالتي جابته وويا بدي يجنن جنت خجلانه البسه كدامه بس دجعتني فاطمه
خابرت خالتي لؤي وطلع لبيته و مااجه لبيت قصي
قصي- طلعت ب4من شغلي همزين من وكت جنت مقرر اخذ فاطمه ولبنى اطلعهم وصلت لبيتي دخلت اكو ريحه طبخ على ديتول يجوز فاطمه نضفت البيت علكت الضوه شفت حبيبتي واكفه وكيكه يمها دمعت عيني اليوم عيد ميلادي شغلت كل الضوايات ركضت حضنتها هي هم حضنتني بجت كومه واني هم بجيت حسيت راحت رجولتي وشاربي ضعفت كدام ملاكي باوعتها مسويتلي مفاجاه
مسحت دموعها وضربتلي تحيه ضحكت سويتي مفاجاه موو
لبنى- اي
قصي- شلابسه مطلعه الكيمر كله ضل جسمي يرجف نسيت حتىً جوعي شلتها ورحت لغرفه النوم جانت فارشه فرشه عرس هاي سوالف امي متاكد وعالكه شموع والريحه تخبل باوعتها متحضرتلي كلش
لبنى- اي
قصي- احبج
لبنى- ابتسمت ودنكت
قصي ...رجع وجهه ميعرف شون يباوعلي نزل باسني برقه و....... كان متلهف يشوفني ذايبه
قصي- ايييي عمري مشتاق لصوتج
لبنى- قصي احبك همست
قصي- روحي بيج صارت متعلكه
كمل كل شي ................
قصي:قرقوت بطني جوعان والله 😞
ابنى- كوم ناكل اني هم جعت
لبست روبي وطلعت للمطبخ بدون ملابس
بالروب بس اكلنا جنت شاويه دجاجه محشيتها
وراها احتفلنا وقطعنا الكيك وفتت للحمام وهو ركض فات ورايه ضل يتفرج
لبنى- قصي استحي والعباس
اهوو هاي تعلمت تحلف بالعباس مثل فاطمه
لبنى- ههههه اشتاقيتلها والله
باوع لشعري ودنك مشتاق لطوله
لبنى- يرجع يطول ويصير اطول بعد حضنني قوي احبج وماامد سديت حلكه لتحجي شي عفيه نسيت كلشي
قصي- احبج احببببج
كملنا غسل بدلنا ونمت بحضنا بدون منحجي بس عيني بعينه بقينا ساعه بعدين بده يحجي عن عمله والمشاكل واني هم سولفتله عالمواقف بيت اهله والضحك
لبنى- خل نروح هناك
قصي- هلاو تعلمت العينتين
صدك شفتي الطماطا
لبنى- لا صدك نسيتها لبست حجابي وركضت للحديقه اني ويا الله كبرانه مبقه شي وتطلع
فصي- اي مبينه
يله خلي نروح هناك اخذنا البقيه من الكيك ورحنا ابيتهم
سولفنا وضحكنا خالتي كلتلي انشاء الله تترسون البيت اطفال
جاوب من يمه يوم بعد وكت لهالحجي
امه - ايش يمه شناقصكم
قصي- يوم رجاءا لتدخلين
لبنى- باوعته انقهرت هو ابتسملي
قصي- الاطفال بعد مو هسه خل تمر سنه ولو اثق بيها زين واحلف ماريد اربط طفل ويايه
اتصل بيه خالها رديت الو ها خال شونج مشتاقين شنوو باوعت للبنى
لبنى وكفت وخلت ايدها على كلبها
باوعتلها لبنى البقاء بحياتج جدج انطاج عمره
لبنى- الدنيا كرهتها هذا اللي من جنت احتاج ابوي الكاه تخربطت وره ساعه كعدت ابجي
قصي فدوه وديني رحنا اني ولؤي وفاطمه وامه وصلنا لمحيسن القطعه معلكيها ردت اموت بجيي تخبلت
دخلت هناك لكيت يوسف ومحمود ووابوي وولد عمي فتت لامي لكيتها ميته بجي جيت يمها ايجي فقدت بقينا 3ايام هناك اني كمت ادوخ وفاطمه بقت يمي بس خالتي رجعت وي محمود لان لؤي بقى وي قصي
كامت فاطمه تنام يمي
ومره من المرات خالي فات علينا الصغير عباله وحدي وي امي دخل
ها خالي شون صرتي باوع لفاطمه دنك معتذر
مادري عدج خطار
اني ابتسمت باوعتلها لا خالي هاي اخت قصي فاطمه ورده مال الله
الله يستر عليها باوعتلها حليوه وتنكرط ووجهه يضحك
يله خالي اترخص محتاجين شي
ابنى- لا خالي تسلم طلع وباوعت لفاطمه وجهه صاير دم كلج بالعباس الا اخطبج اله وره شوي طلعت لامي حجيتلها اني كاطعتني صار شهرين وصارت عدي دوخه ومره وحده صار بدون مانع دزت عالدايه وفحصتني وكالت حامل شهرين
يمه ابد لتحجين تره قصي ميريد طفل تره يطرحني
قبلت امي
لوي- كاعد بليل اباوع على جمال الطبيعه بالمزرعه شفت بنيه نزلت عالنبع وضلت تبجي رحت يمها بس خاف يسووها طلابه خطيه خل اشوف شبيها وارجع
تقربت منها وجهت ضوه التلفون رفعت راسها
انت منين وشجابك بهالمزرعه
ابتسمت انتي نسرين
اي بلي منين تعرفني
اني اخو قصي تذكريني من طبيت عليكم بالغرفه
اي اي باي تذكرت اهلا وسهلا اترخص
تعاي ليش تبجين
دنكت مشتاقه لجدي
نسرين ممكن احاجيج
تفضل كعدت بقينا نسولف ساعتين حجيتلها عني كلشي وحجت هي كلشي عن نفسها بدون متحس نضرات صارت بيناتنا
بس تطلع اربعين جدج اخطبج تقبلين بيه
هله بيك شوف اهلي شيكولون اترخص وتشرفت بيك
اما بالنسبه لمحمود فبقه وي ابوي مرجع خاف والدي يتخربط يكون خو يمه وعلى غفله مرت خالي صاحت على خالي الحك لبتك تخربطت ركض خالي يدور دكتور ابويه كله هذا طبيب اخذ محمود وراح فات محمود فحص ورده وفتحت عينها تخبل عليها كمل فحص البنيه كانت مصخنه وحرارتها 40نطاها علاج وطابت ابتسم الها وكلها انتي ومريضه حلوه من تطيبين شلون ورده خجلت ودنكت راح لعمه اللي هو ابوي عمي اني رايدها اخطبها الي
عمي بسيطه خطبنالهم محمود ولؤي باربعين جدي لؤي خزانا بس يركص وجتي امي عدنا بالبيت بالمهر وان جنت طالعه اجنن وجننت قصي اللي نسىً الدنيا ومراقبني بعيونه داشيل الجدر كمزت امي لايمه لاتشيلي ثكيل موزين
قصي- تفاجات وكمت اني شلته بس هو موكلش ثقيل امها ليش خافت عليها تذكرت اني يوميه اقترب منها ليش ماكو دوره باوعتها بغضب دنكت تقربت منها امي صارت بوجهي وابوي
ها شحسوي هالمره مترجعلك تره
لايابه شنو السالفه مداسوي شي داحاجيها
تقربت منها 1دقيقه وانتي بالغرفه
لبنى- عرفت بيه افتهم خفت بس مو مثل قبل
قصي- انتي حامل موو
لبنى- هزيت راسي خايفه
قصي- اني شكايلج وبعدين شون وانتي كدامي تبلعين الحب
لبنى- من اول مره حبلت
قصي- تنهدت صارلج شكد
لبنى- همست 3ونص
قصي- شنوو
لبنى- على غفله حسيت ضربه صارت ببطني فزيت صحت اي
قصي- تقربت خفت عليها شبيج شكو
لبنى- ابتسمت وعيني دمعت سحبت ايده خليتها على بطني ضرب ضربه لخ فتح عينه كلها يباوعلي انتي بالرابع مو ب3صارلما 4شهور من تقربت منج اول مره دمعت عيني ودااحس بحركات الطفل وهي تباوعلي
قصي_اهلي كلهم يدرون مو
لبنى- حتى اهلي دنكت
قصي-بس اني اطرش بالزفه
لبنى- خفت منك
قصي- تنهدت حضنتها ولزمت بطنها شون محسيت بيج واكولج صاير عدج كرش تتمضحكين مو شنو حنسمي
لبنى- لؤي يريد حسين
قصي- خره عليه اني ابوه اني اسمي حسين هههه واذا بنيه ملوك على اسم امج كلش احبها
لبنى- هي هم تحبك دخلت خالتي شافت ايده على بطني ومبتسم هلهلت وطشت جكليت وبيوم زفه فاطمه حضرلي مفاجاه جابلي فستان ابيض بدله عرس وهو هم لبس قاط وسوينا احله عرس تونست اكثرًمن فاطمه الجانت شايله هم خطيه لليله دخلتها اخذها خالي شيخ عشيرت الباوي ولبست النقاب اروح فدوه الها وكمنا كل اسبوع نروح للمزرعه ونرجع وره العطله وصار عدي حسين الحمد لله
قصي- بس مااخفي عليكم بيوم الولدت اخذته ورحت سويت تحليل دي ان اي وطلع ابني همزين لتكولولها بالعباس تعلكني بالبنكه وتعوفني
النهاية
#منقولة
