وصاحني تعاي هذا اخوج يوسف يريدج
قصي- شفتها لبست مطلعت بهاللبس ارتاحيت
لبنى- طلعت ها خويه اجه وكض عليه باسني من راسي ابتعدت ادري بقصي يغار
باوعت وهو يباوعلي يفحصني شافني مرتاحه ووجهي مرتاح باوع لقصي مبتسم ورجع باوعلي
قصي انت ماكو منك
لبنى- تقربت من قصي اي والله خويه صدكت
قصي- دنكت مبتسم اختك تطلع الواحد من همه
يوسف- تدري جنت اروح كل سبوعين لمحيسن بس حتى اشوفها وتونس وياها لان لونه ورده مال الله
قصي- قطبت حاجبي لونه منو
يوسف- خوالها يدلعوها لونه متدري
قصي- شوً مكتيلي
لبنى- ماعدت صغيره كبرت عالدلع
قصي- ابتسمت كرصتها من خدها اخوها يباوعلي مبتسم وطاير بيها
يوسف- لونه ابوج يريد يشوفج ماله خلك
لبنى- شبي ابوي انخطف كلبي
قصي- وجهه صار اصفر ركضت لبست حجابها ودتروح وي يوسف
تعاي اني هسه اوديج
يوسف- والله ابن اصول لونه تعاي وي رجلج حبيبتي
لبنى- صار وبالي يم ابوي ركضت صعدت السياره ورحنا لبيت ابوي مرت ابوي شافت قصي طب سلم راحت ركض للغرفه لان بتها لمى اللي طمست راس ابوي بالوحل باوعت لابوي جان اكو يمه حكيم دكتور متقربت بقيت وره قصي وقصي احسه ضامني خاف يشوفوني غربه بقيت وراه لمحني ابوي والدكتور يفحص
صاح عليه تعاي بويه مو غريب الطبيب ابن عمج وخر قصي وركضت على ابوي بسته من ايده وراسه بويه شيوجعك حبيبي
ابوي- مبيه شي يابه بس شوي تعبت رفع راسه هذا ابن عمج عرفتي
بابا محمد هاي بتي من القرويه قصده على امي
محمد- اهلا بيج اول مره اشوفها عمي متشبه ولد عمي وبناته ابد
ابوي- اي هاي الكمر مالت العشيره
لبنى- ابوي باسني من راسي واباوع لقصي قاطب حاجبه
قصي- رجف جسمي كاعد يفرجها على ابن عمها شنو بضاعه هي وره شوي شافتني وجتي وكفت وراي باوعتها بغضب ودرت وجهي اجوي كومه ناس اشرتلها تفوت للغرفه مع العلم اني ماريدها تختلط وي هاي العائله تربيتها تختلف عن تربيه لبنى وامها كاعد على اعصابي ومن يطبون يضلون يباعون عليه لان يعرفون بسالفتي من الفصل الصار ضليت صافن شون حطلعها من البيت هسه كولها تشوفها وادري بيها كمر شون حتحمل حتتطلع من خشمي الراحه هسه عرفت ليش خوالها لبسوها نقاب
لبنى- تعرفت على خواته ال2الباقيات واخيرا جانو بالكوه يحاجوني ومرت ابوي ماتحجي ويايه مدنكه وكاعده سألوني شونج مرتاحه وي قصي
كتلهم ماكو منه ورده
تعجبو وضلو يتصفنون درت وجهي عرفت شيفكرون ويتراوالهم مااعرف بسالفه اختهم اندكت الباب
يوسف- لبنى حبيبتي رجلج يريدج
لبنى- خويه ماشبعت من ابوي
يوسف - هسه البيت من يفرغ اجي اخذج تشوفيه حضنتها وخواتي يباوعن عليه باستهزاء
طلعت رحت يم رجلي بالحولي مجان اكو احد
قصي- شفت خوات لمى يباوعن من الشباك علينه من داحاجيها شكد جنت عصبي كلت خلي احاجيها بعطف يمكن ديشمتون بيها مبينين من عيونهم تقربت منها شاورتها وابتسمت كتلها ها حبيبي نروح اشتاقيتلج
باوعت بعينها
لبنى- قصي فدوه بعدني مشبعانه من ابوي ميخالف بليل تجيبني يكون ماكو احد
قصي- اشرت على عيوني باوعتها من عيوني ابتسمت
يله نروح
لبنى- اي بس يوسف كال نطلع من الباب الثانيه لان كل الزلم كاعده هنا خاف يشوفوني عيب اطب بنصهم
قصي- تنهدت تدرين جنت شايل هم شلون حتطلعين يله يله طلعنا واباوع خواتها يباوعون سويت نفسي مشفتهم وطلعنا واخذتها ورحت للبيت ارتاحيت احس نفسي خلصت ومحد شافها ومن اتذكر ابن عمها نار تشب بيه
اخت لبنى- هاي شنو قصي صاير ادمي ويعامل العربيه معامله ملوك والله يابه حظوظ
يوسف- اختج لو صاينته جان خلاها على راسه بس فضحتنا والعربيه الدتضحكين عليها رفعت راسنا
لبنى- وصلت للبيت وبالي عد ابوي بس صافنه
قصي- شبيج تصفنين
لبنى- خايفه على ابوي نومته تخوف
قصي- باوعتلها بداخلي خاف تفكر بابن عمها
ابن عمج هذا مو خوش ولد يبصبص
لبنى- لا استغفر الله لا تشيل غيبته ماباوع عليه
قصي- اني شفته شنو وكاعد يتغزل متشبه ولد عمي قصده احلى منهم بعد شتريدين يكولج امشي وياي للغرفه
لبنى- باوعت ودرت وجهي مالي خلك حجيه حايره وخايفه على ابوي ضليت افكر واندعي
قصي- ساعه صارلها وهي تصفن وساكته متحركت من مكانها
كومي اكويلي البدله صحت بيها
لبنى- صار كويت البدله واحترك شوي من جوه من التفكير بس مايبين لان تصير داخل البوت
هاي شوي اخذت بالاوتي بس ماتبين اعذرني
قصي- بيمن دتفكرين شوي عقلج فتحي لو محروكه جان حركت اهلج وحركتج
لبنى- فدوه لاتحجي على اهلي يوجعني كلبي
قصي- ولي من وجهي
لبنى- فتت للغرفه القديمه كعدت وحدي صافنه اتذكر نومه ابويه نومته تخوف يمه اسم الله خاف يفاركنا اوي يمه كلبي الاه لايكولها ربي اخذ من عمري وانطي لبويه مااكدر على فراكه
يوسف- اتصلت بقصي اكوله جيبها لان مبقى احد وابويه سال عليها
الو ها خويه تجيب مرتك لو مابيك حيل اجي اني اخذها
قصي- لا اني اجيبها هسه
لبنى بدلي دنروح بيت ابوج
لبنى- كمزت وبدلت وفتت للبيت ركضت لحضنه ابوي حضني قوي
بويه سامحيني نطيتج هالنطيه همس باذني
لبنى- بويه قصي عيشني ملكه ومقدرني الحمد لله هسه يموت عليه وانه اموت عليه لا يضل بالك ويوميه مشتريلي شغله ورحنا لمحيسن بقينا 3ايام تعرف على اهل امي وتعال شوف الحديقه تجنن كلها زرع
بويه رفعتي راسي عاشت ايد امج علىً هالتربيه
قصي- اشوفها تتبشبش وي ابوها ونايمه بحضنه الله شاهد حتى من ابوها اغار عليها
ابويه- شاورتها اني عفتلج المزرعه اللي بمحيسن الج سجلتها باسمج ادريج تموتين عالزرع وخوالج يشتغلون بيها
لبنى- بجيت وحضنته بويه فدوه ليش جاي تحجي هيج بويه شتحس لتحرمني منك ماصدكت جيت لبغداد حته اشبع منك
ابوي- بويه هذا عمر والله مااعرف شكد كاتبلي باجر داخل عمليه الله اليعلم شراح يصير بيه
ابنى- شهكت وابجي بحركه
قصي- خفت عليها ضلت تبجي بحركه واخوتها يتفرجون مدنكين الضاهر ابوهم حالته مزينه
تقرب يوسف منها كمزت عوفها يوسف اني اجيت
قصي- حبيبتي كومي مزين حضنتها وطبطبت على ضهرها ابوها يباوعلي وعينه مدمعه كانه يتوسل بيه ادير بالي عليها اخوها محمود دنك مدمعه عينه من شافني حضنت اخته يوسف مبتسم بدمعه
عمي بنتكً نستلي الهم صغيره وكمر ورحمه الله والديك على هالتربيه والنعم بيها
لبنى- رفعت راسي بعينه مبتسمه انت هم ماكو منك تاج راسي
قصي- ابتسمت الها
ابوي- انه هسه ارتاحيت من اطمنت عليها
لبنى- ضلينا يم ابوي لتالي الليل ل2 باجر الفجر عده عمليه وقصي اتصل واخذ اجازه ماعافني وحدي
جنت فرحانه بي كلش الفجر اخذو ابوي للمستشفى وقبل لايطلع لفني بعكاله وهاي عدنا بالعرب معناها رفعه راس هالبنيه متحملت من سوه هيج نزلت على رجله بستها بس يوسف ومحمود بجو وياي باسني ابوي من راسي وطلع قصي-لبنى كافي موزين عليج حتموتين عيونج راحت
خواتها ومرت ابوها تراقب بحقد فوك عارهم
سالني ليش لف راسج بعكاله جاوب محمود هاي معناها رفعت راس ابوها
خواتها ضلن يباعن باستهزاء
قصي- صدك رفعتي راسه انتي زينه البنات خلقه واخلاق يله نروح للبيت واني اروح للمستشفى ومن يطلع اجيبج لهنا والله
لبنى- اي اخذني للبيت اخذني وانه ميته خوف على ابوي وانذكر نضراته الي كعدت عالسجاده اندعي واقره قران كون تسهل ويكوم بسلامه
قصي- ابن عمها الدكتور فات وي الجراح للعمليه ومعافه مبين شاطر يباوعلي نضرات اني اعرف شديكول هذا الخانته زوجته واخذ اختها بس اني مهتميت لخاطر يوسف خوش ولد ولخاطر لبنى وكلمن يعمل بأصله وره شوي جوي خوال لبنى وجدهم من قريه محيسن ركضو هلى يوسف ومحمود وعليه ضلو ولد عمهم صافنين منين يعرفهم وضلو يحاجوني ونسولف ووكفو ويانا بالمستشفى لحد ماطلع من العمليه نقلو للعنايه اني رجعت للبيت ضل بالي يم لبنى دخلت لكيتها على كعدتها وممركبه ولا ماكله شي عفتها ورحت لابو المشويات جبت اكل وجيت
قصي- حبيبي كومي اكلي ابوج طلع من العمليه والحمد لله زين شهكت وحضنتني
لبنى- قصي اذا بويه صار عليه شي اموت والله
قصي- والله مبي شي هذا يوسف اتصلي بي
لبنى- لا يبعد روحي مصدكتك كعدت عالميز وهو ياكل ويكولي اكلي قوي روحج حته اوديج تشوفيه انه طيرت الاكل وبالي يم ابويه
كملت وصليت صلاه الضهر
سمعته يتصل بيوسف كاله اي العصر اجيبها انشاء الله للمستشفى
كمت تمددت بفراشه شوي واجه يمي ها هسه ارتاحيتي
لبنى- الف الحمد لله والشكر تقرب مني نام وحضني وكعدنا وره ساعتين على اتصال يوسف
يوسف- يله خويه جيبها ابوي صحه خليها تطمن عليه
قصي- هسه مسافه الطريق
يله لبنى تروحين
لبنى- اي قصي فدوه وديني
قصي- يله كومي بدلي
بدلت ورحنا للمستشفى بالغرفه مجان اكو احد غير محمود ويوسف واختها الجبيره ومرت الابو ارتاحيت ماكو غربه طلعت اجيب مي لان حاره نزلت الكافتريا
محمود- هاي حبيبتك جتي بويه شوف عيونها شصار بيها من البجي
لبنى_ لا بويه يتقشمر وياك الحمد لله عسلامتك
دخل ابن عمي الدكتور دنكت وابتعدت يريد يفحصه التفت عليه عمي مخلفت بس هاي ماعدها اخت عمي نريد نتزوج
ابويه- لا عمي هاي وحيدتي من القرويه
محمد- زين ماكو وحده شبهج
لبنى- عدي بت خالي نسخه مني هي واختها اليشوفنا يكول توأم ابتسمت
محمد- يا الله باع صحكتها تخبل
قصي- باوعت من الجام طاكه سوالف وي ابن عمها بقيت اراقب هلو هاي تتمضحك وياه
لبنى- ابتعدت وكمت مااجاوب انضايق من واحد يتغزل بيه حتى لو جان اخوي ورجلي ميرضى
قصي- دخلت شفتها واكفه وره محمود بالزويه من بعد ماجانت تتمضحك خزرتها اشرتلها تعاي بره
لبنى- يله بويه ضلت عدك العافيه الحمد لله اني تطمنت عليك بست ابوي من راسه محمد يباوعلي مبتسم
ابوي- الله وياج بويه قصي دير بالك عليها
قصي- بعيني عمي شعدي غيرها باوعت على مرت ابوها واختها الجبيره بشماته طاحظ تربيتكم بداخلي وطلعت لبنى وطلعنا
لزمت ايدها عصرتها
لبنى- باوعتله قصي عفيه تره دتاذيني والله
قصي- بعدج مشايفه شي والله لموتج بيدي
لبنى- شسويت بس كولي دمعت عيني وخفت منه
قصي- مجاوبتها وصعدت السياره شخطتها ركض للبيت مرتين ردنا نسوي حادث وهي بصفي ختمت القران وحسها ماتباوع مدنكه
لبنى- خفت خوف بحياتي ممجربته
وصلنا للطرمه وسد باب الحوش
قصي- نزلي مدام
لبنى- اباوع عليه
