دخلت البيت ابوي
ام قصي- انت شجابك امشي ولي ماريد اشوف وجهك
قصي- يوم وخري عني لخاطر نبيج
امي- ولك والله حرام عليك تطلع رجولتك بيها لا انت ابني ولا اعرفك
لبنى- سمعت صياح وعياط امه وصوت قصي
تتعارك ويا لان هيج سوه بيه وهو يصيح ويكول عوفوني بقهري اخو يكوله قهرك تلزمه انت رجال تطلعها بالبنيه والله حرام عليك بعدها طفله حبوني من اول مطبيت عدهم وانه مااعرفهم بس كلش فرحت من دافعو عني اهل اصول
قصي- هسه سدي الموضوع العشيره مالتها كلها جايه واريد ترفعون راسي مثل مارفعوا راسها سوي غده ومن يطلعون نتفاهم
امي- ماشي بسيطه قصي
قصي- حضرنا وكملنا كلشي سمعنا الجرس اندك وكفنا اني واخويه ونسيبي وابويه على حيلنا نستقبلهم وخوالها ضلو يحضنون بيه قوي
وباسوا ايد ابويه يعني يخجلو للواحد وطبو منقبات 3بصاله النسوان اتوقع امها وحده منهن ادري بيها بغرفه اختي فاطمه خاف تطب عليها امها وتشوفها وتاخذها وبعد متردها اكيد هسه تروح وتخلص الكعده مال استقبال بعركه اعرف هالشي ضليت اندعي ربي فوتها سلامات
ام قصي- كل الهلا بيج ام لبنى هلا بيكم
بنت خال لبنى- خاله اكدر افوت اشوف لبنى
ام قصي- اي يمه اخذي راحتج جنت خايفه تشوفها وتصير فشله والله فشلنه قصي
بنت خال لبنى شبيهتها هي واختها
نسرين وورده صف خامس علمي والثانيه اول كليه دخلوا للغرفه
لبنى- شفتهم ردت روحي
نسرين- لج لبنى شبيج وجج اصفر ومنا احمر
لبنى- وكعت خيه وكعت
نسرين - ولج عليه مو اني اخيتج خاف رجلج طاكج
لبنى- لا خيه مو ابوي وكع تمرض واني تخربطت على وكعت ووكعت على وجهي
نسرين- سلامتج عمري بستها وحضنتها مشتاقتلج كومه والحمد لله عسلامه عمي الشيخ انشاء الله صحه وعافيه
لبنى- شكرا الله يسمع منج
لؤي- ردت فاطمه تنزل الثلج من المجمده الفوك دكيت الباب
لبنى- فوت
لوي- فاطمه تعاي نزلي -----
سكتت ضليت اباوع مبتسم دخلت وسديت الباب
خويه لبنى منو هاي متعرفينا صرنا اهل
لبنى- دنكت بنت خالي نسرين هذا اخو قصي
نسرين - دنكت اهلا وسهلا ونزلت نقابي
لؤي- هله بيكم طلعت اركص بالحولي لمحتني
فاطمه -ها تخبلت مو كافينا قصي النوبه انت
لؤي-فوتي فوتي لغرفتج مكلوبه جنه الحور العين متصطرات وين امي اريد اتزوج
فاطمه- والعباس انت خبل
لؤي- ها صدك تعاي نزلي الثلج من فوك العالم ميته حر وتريد خرب حضي هسه مينطوني مره
فاطمه- هسه انزلها
ام لبنى- خيه ام قصي بلكن اشوف بنيتي كلبي كلش مشتاقتلها
ام قصي- ها اي تفضلي خيه
اخذتها لغرفه فاطمه وفشلت اطب وياها بيا وجه
ام لبنى- دخلت وشفت البنات ملتمات من شافتني كمزت حضنتني تبجي كلبي وكف حضنتها يمه وحيدتي عصرتها بحضني صاحت اي هديتها باوعت بعينها
بنات طلعن بره ماريد ولا وحده هنا اريد اشبع من بنتي
طلعن البنات باوعت بعين لبنى بغضب شبلاج لج شبيج طاكج رجلج
لبنى- يمه ماريده تعبت طلكيني منه
ام لبنى- وشتردين يكلون عني ماربت بنتها وهذا ابوج اللي الصبح كله كدام ام يوسف يكلي رفعتي راسي بتربيتج تسوه بنات بغداد وهسه تردين توطين راسي شسويتي وطكاج قصي دره مال الله اجه يمنا وعرفناه لج تعاي شوفي اهله شون قامو بالواجب كلسا صنف مقدمين وبالغده ماخلو شي ماجابوًا
لبنى- دنكت عرفت بيها مراح ترضالي يمه صيحيلي خوالي
امي- خوالج مايطبون محد دللج وطلع عينج غيرهم
فتحت الباب مال غرفتها اشرت لام قصي المره فشلانه خطيه
خيه فدوه لعيونج ماتصيحيلي قصي هاي بتي يرادلها تأديب تدريها بعدها زغيره ماتعرف امور الزواج والمسوؤليه صيحي خلي يشد عليها احاجي كم حجايه
ام قصي- فتحت حلكي صافنه عليها والله عمي يربن لو احنا جان كلبناها عزه على الولد ونطلع عين البنيه سكتت وصحت قصي
قصي- يوم شكو طلعتي ذوله عدهم عيب صرت اعصاب
امي- ام لبنى تريدك بحجايه بالغرفه
قصي- انخطف كلبي وراحت لبنى من ايدي دنكت اي يمه دخلت الغرفه مدنك سلام عليكم خاله
ام لبنى- عليكم السلام هله هله بوليدي الماخلفته
قصي- قطبت حاجبي تقربت منها بستها من راسها
ام لبنى- اكعد يمه ارد احاجيك لبنى شمسويه الطاكها هالطكه ادري بيك ذهب وماتطلع منك العيبه بس بتي مدلله
قصي- نصيت خجلان واستحي اباوع على لبنى جانت لابسه الحجاب ومدنكه راسها ابد ممبين من وجهه شي
سكتت
ام لبنى- لبنى احجي شمسويه نزلتي راسي كدام العالم شالونا بالصلوات جدج طاير بيهم
لبنى- بقيت مدنكه راسي وماجاوب
قصي- رفعت راسي باوعتلها وجهه كله مضرب هاي امها شون تحملت ومموتتني هاي التربيه الصح حتى البنيه تعرف مالها غير زوجها
ام لبنى- والله اذا ماحجيتو ازعل عليك قصي ولبنى احلف ماارضى عنج
لبنى- لا يمه فدوه لاتكولين هيج بجيت ودنكت راسي
قصي- تعجبت اني امي اصيح عليها وهاي تكولها ماارضى عنج كامت تتوسل وتبجي يوميه اشوف بيها شغله حلوه
ام لبنى- قصي احجي تره اطلع من بيتك وماافوته بعد
قصي- لا خاله العفو
ام لبنى- لعد كلي شسوت بنتي المدلله
قصي- خاله ماسوت شي اني ضلمتها وطلعت قهري بيها
لبنى- خنكتني العبره كمت اشهك وابجي تذكرت الضرب الضربه الي
ام لبنى- لازم سوت شي حتى تمد ايدك انت معدل وعسكري وشاربك تارس وجهك وتعرف الاصول وابن اشرف ناس والديوانيه مالتكم تشهد احجي راح اطلع زعلانه تره
قصي- خاله اني مااتحمل اغار وشفتها تحجي وي ابن عمها وتضحك متحملت
كلتها وباوعت للبنيه ميته بجي بس مدنكه مترفع راسها امها فتحت عينها ولطمت على وجهه
ام لبنى- يااا عزه العزاج لبنى هاي تربايتي هيج وضربتها راشدي بكل قوتي
قصي- لا خاله ابوس ايدج نزلت على ايدها ابوسها
ام لبنى- ولك عوفني كاعده تحجي وي الغربه هاي مو بنتي التحجي وي الغربه شوفي لج تردين لبيت زوجج واذا ماتطيعينه اذبحج خلاص مكيفه مربيه بنتي من امداي اي والله على هالتربيه
طلعت من الغرفه وكلبي ممرود على حاله بنتي
وكعدت يم النسوان مابينتها واضحك بوجه ام قصي ولا كأنوا اكو شي
قصي- طلعت امها من الغرفه وهي ضلت تشهك وتبجي اباوعلها اريد احاجيها اخاف تبجي ومخليه راسها بحضنها
ضليت صافن عليها ومتعجب من امها شون تصرفت اني وين جنت عايش هي هاي المفروض اتزوجها اول بس من اتذكر من ضحكت وي ابن عمها تشب نار بيه ضليت كاعد اباوع عليها ميته بجي
تقربت منها تنهزم مني ومدنكه تقربت للحايط شوي طلعت صوت بالبجي
فاطمه - دخلت لكيت قصي ديتقرب منها وهي تبجي قصي شجابك هنا يوم تعاي شوفي ابنج
قصي- شبيج لج اطلعي اريد احجي وياها
فاطمه- والعباس ابو فاضل هسه اسويلك فضيحه البنيه من وراك ضهرها كله دم باوع هدومها انت رجال والكاعدين بره رياجيل امشي اطلع بره
لؤي- سمعت فاطمه طبيت صوتج لج الرياجيل ليسمعو
لؤي-انت شعدك هنا امشي اطلع
قصي- همست بعصبيه كلش انتو معليكم اطلعوا
لؤي- ومحمد مااطلع وهسه اتعارك وياك اذا تبقى اطلع بره والي حساب وياك بعدين من يطلعون خوالها وابويه هم دره تره كتله كلشي
قصي- الله يطيح حضك شحيخلصني
لؤي- حتى منا وهيج ايدك متمدها اله عالمجرمين يامجرم هزيتله جتف فات من يمي راد يضربني ونزل ايده وطلع امشي اطلع شعدك هنا انت هم
لؤي- طالع داد
طلعت وهمستلها وبينا احنا المحد يندك بينا
لبنى- ضحكت على سوالفه وفاطمه خربت
فاطمه-ضحك لج عيني هذا اخوي ملطلط مااعرف شون حيصير مستشار بس يمشي ويتمركص
لبنى- اكولج منو بالصاله شفتيهم لو مكدرتي
فاطمه _اوف ربي اوف اكو واحد لابس عكال يموووت طويل ودشداشه بيضه وشارب وعيون زرك
لبنى- ها هذا خالي الصغير شيخ عشيره الباوي عشيره امي
فاطمه- فدوه زوجينيا يموووت
لبنى _وين الكه مثلج شو حسن وتربيه وحنيه والله امي تريد تزوجه بس هو يريد يكمل تعليم
فاطمه - شمكمل
لبنى- بعد سنه يصير طيار
فاطمه- اخ يمه كلبي اخ اروح ابدل بلكن تنعجب بيه امج
ابنى- الا اخطبج اله
فاطمه- تره اشاقه والنبي مو تكوليلها كوليله اله ميخالف
لبنى- ضحكت من كل كلبي شنو هالعائله تصنيف كمت سرحت شعري وابجي اباوع عليه مكطم
مشطته وشلته وكعدت عالجربايه
اباوع كتبها دخلت لحمامها توضيت وكمت صليت تذكرت اني كاطعتني صار اسبوعين وتذكرت حجي الدكتوره كلتلي اول اشهر حتخربط عليج ويجوز تتاخر ليضل بالج لان اول مره اخذ حبوب مانع صليت وقريت قران وره شوي دخلو بنات خالي وامي ونسوان خالي ودعني وراحو شاورتني امي يمه رفعي راسي كدام ابوج تره سجل المزرعه باسمج بستها من راسها وطلعت باوعت لقصي ضربته على كيفي على كتفه لزم ايدي وباسها وباسني من راسي بقه بالي يم بنيتي بس هي العايله بس مو هيج ضرب ربي وفقها وسهل امورها يارب
لبنى- راحو طبت فاطمه بيدها صينيه لج تعاي هاي من ماعون الشيخ شخصيا رفعت ايدها للسما ربي خلي قسمتي
