اني من يمي رفعت ايدي وصحت يااارب قربت الصينيه وبدينا ناكل شبعت والاكل كلش طيب بس مو مثل اكل امي
بداخلي
لؤي- طبيت اسال على بت خالها
هلو لبنى
لبنى- دنكت هله بيك
لؤي- اكلج لبنى هاي بت خالج ياصف شكد عمرها
لبنى- اول كليه تربيه بنات
لؤي- زين ماعدها ابن عم ناهي عليها
لبنى- ضحكت بس بقيت مدنكه راسي لالا
لؤي- يووووم تعاي
امي- شكو هنا شعدكم عوفو البنيه ترتاح
لؤي- لج يوم فدوه اريد اتزوج
امي- يا صدقه هم شلون بنات لبنى هاي كلكم هيج حلوين
لبنى- انتو الاحلى خاله تسلمين احنا طالعين على ببيتي ام امي
امي- عيني هي امج تخبل الشيخ
لؤي- يمه خطبيلي بت خالها نسرين
امي- ولكم خزيتونا
فاطمه- يمه اني اريد الشيخ
لؤي- انجبي لج ادبسزز خلي يخطبولي نسرين اول خرب هزيت كتف ولبنى خربت ضحك
قصي- اسمعها تضحك بهدوء بالغرفه ارتاحيت ونفس الوكت غرت عليها من لؤي هذا الملطلط يضحك ويصنف خاف تنعجب بيه
صحت على امي يووم
امي- ووجع طلعتله شبيك
قصي- يوم اريد اروح لبيتي
يوم- متولي
قصي- ولبنى اريد اخذها وانتو مسوين عليها حزام امان
امي- والله لو تموت متاخذها الا برضاها البنيه جتي ميته خليها هنا لحد ماهي تكول اروح لبيتي
قصي- مكالت شلون
امي- براحتها تجي تجبرها مو كيفك
قصي- يمه اروحلج فدوه هسه الحجي لزمني محاضره صار ساعه اني مااكدر ابقى وحدي اريد اكل اريد هدوم شون دبريني
امي- باوع يمه بيتك قريب هياته تعال الصبح تريكً هنا ومن تتوصخ هدومك هم جيبها نغسلها وتاخذها بس ماكو بيتوته هنا لحد ماهي تكول ارجع يله نردها هاي اوامر ابوك
قصي- تنهدت صار يوم وصحت اني رايح تعال لؤي
لبنى- سمعته صاح اني رايح كلت راح اخلص
لؤي_ ها خويه
قصي- لتطب بالغرفه لخاطر الله تره احركك
لوي- لا والله بعد مافوت بسته من راسه تغار عليها ولك لعد ليش هيج مملخها خو طلقه براسها واخلص منها
قصي- انجب لك ملطلط يله في امان الله
فاطمه - لج لبنى ابوي يريد يشوفج
لبنى- فدوه اخجل
فاطمه -يول دكومي ابويه من يكول صيحي فلان يعني حينقد ينطي فلوس بس شتحصلين بالنص
لبنى- متت ضحك على كلامها وكمت رتبت حجابي وفتت للصاله
السلام عليكم عمي وبسته من ايده رفعت راسي باوعني مبتسم
اللهم صلي على محمد وال محمد كل الهلا بيج ماشاء الله على هالنور اللي بوجهج
لبنى- مو احسن منكم عمي ابتسمت
عمي نورتي البيت واي شي تردي احنا بضهرج تردين تطلكين احنا وياج تردين تتحملين هم وياج
بقيت مدنكه وخجلانه مجاوبته
عمي اخذي راحتج وفكري بعدين كولي لام قصي والله يوفق الجميع من رخصتك عمي وطلعت من الغرفه ورجعت نمت بفراش فاطمه ولكيتها هي هم نايمه غفيت وارتاحيت من شفتهم حبوني كلش واني هم حبيتهم ردت ابقى يمهم لحد مااتطلك وارجع لمحيسن واذا امي اعترضت اكوللها كلشي ماريده بعد بكد حبي اله ماريده تعبت يوميه ضاربني غفيت قصي- دخلت للبيت ورحت لغرفتها باوعت على شعرها تلمسته كمت اصيح اه ه ه ه ه بعلو صوتي يارب تعبت رجعني مثل ماجنت اكدر اوثق بيها مو تعبت والله شفت الدم على مخدتها تمددت بفراشها تلمسته ردت اي شي مالتها اشم ريحتها بي وانام دورت ماكو رحت للحمام فتحت الغساله لكيت البدي الجانت لابسته الجبته الها اخذتها حضنته وشميت ريحته يارب انت تدري شكد صبرت عل الاذيه ومدخلت غلط وفرضك ماعايفه انت تساعدني نمت بفراشها بالكوه وكعدت ب4وقتت الموبايل وكمن صليت ورحت لبيت ابوي اني اكدر اتريك بالمركز بس ماريد اغيبها عن عيني ولوي موجود اغار عليها
فتحت الباب مطبخ اهلي وفتت لكيت القوري والبيض موجود ومحضر باوعت من ترتيب الميز هاي هي محضرته كعدت اكل ردت بس اشوفها بس متجرأت لازم اخليها ترتاح
طلعت لشغلي كان متكدس عليه هواي لان صادفت اجايز وغياب هواي داخربط بالدوام بقيت بالدوام لل7يله كملت كل شغلي رجعت لبيتي بدلت واخذت بدلتي حتى يغسلوها ويكووها ورحت لاهلي
لبنى- الصبح حضرت الريوك لان خاله جانت نايمه لمحته دخل ركضت للغرفه وعفته وراها نمت وكعدت ب10وي فاطمه
فاطمه- كومي نتريك حبابه اني وياج سوه
لبنى- يله كومي
سوينا الريوك ونسولف اني وياها وتريكنا وي خالتي تباوع عليه وتبتسم حبيتهم كلش طب لؤي ايييييي كله اكل واني المسكين محد يسويلي ريوك
امي- انت سويلك ريوك هذا اخوك مو سوه لروحه
لؤي- يمه كل عقلج هذا حته ميعرف يصب مي لنفسه باوعت للبنى بس اكو عصفوره سوتله ريوك ورجعت نامت رفعت حاجبي اشاقيها
لبنى- خجلت ودافوت للغرفه
لؤي- تعاي يمعوده والعباس بعد ماحاجيج اذا رأسن هيج تزعلين
لبنى- لا والله مزعلت بس دااغسل دنكت وادري قصي ميقبل احجي وي اي احد غريب اني شكو سامعه حجايته بس لا مدام اني مرته غصبا عني اسمع الحجايه
نضفت البيت وي خالتي وفاطمه ورتبت وركبت اني سبيناغ
وكعدت بالغرفه
فاطمه - طلع لؤي نزعي بعد ميرجع لل8اخذي راحتج
لبنى- مرتاحه هيج اني عوفيني
فاطمه- حبابه داشوف شعرج شنو بيج كمل عههههه
لبنى- لا بس مخربط بجيت
فاطمه - اسفه دتطلع
لبنى- فاطمه تعاي فدوه ساعديني
فاطمه- عيوني بس كولي
لبنى- نزعت الحجاب شافت شعري نص مكصكص ونص طويل
خلت ايدها على وجهه هاي شمسويه بشعرج
لتكوليلي قصي تره والنبي احركه
لبنى- لالااني كصيته
فاطمه - امشي نروح للصالون نعدله
ابنى- مااطلع بدون اذنه وماريد اخابره
فاطمه- بسيطه اخابر ام الصالون تجيج حته تحفين انتي ابد محافه مو
لبنى- لا محافه
فاطمه- هاي محافه وهيج بيضه من تحفين شتصيرين
لبنى- ضحكت
صدقه لضحكتج جنج جيري من تضحكين
فاطمه-دكيت عالصالونه وجتي وكصت شعرها كاري صار يخبل لان شعرها ثخين وجتي وكصته هيج صار يجنن
وحفتلها وجهه كان حاجبها ثخين كلش رفعته صارت تجنن بعد احلى من ماكانت عليه سوت شعرها صفح وسشورته طكيتلها صوره بدون متحس
وره شوي سمعت صوت قصي صاح يووم هي فزت وراحت عالجربايه ولبست حجابها
امي- ها يمه اله يساعدك
قصي- هلو فدوه تعاي صبيلي ميت جوع
وهاج البدله رحت للمطبخ ماريد تشوفني لان هي هم متريد
كاعد اكل وجتني رساله فتحتها فاطمه دازتلي صوره فتحت الصوره لكيتها لبنى بس بعد احلى عبالك موهي طالعه تخبل عفت الاكل وكمزت انتبهت شعرها مكصوص كاري خرب غيرتكم
دكيت باب الغرفه
فاطمه- فوتي عبالي ماما
قصي- فتحت الباب على كيفي لكيتها لابسه الحجاب ومنصيه ترتب غراضها
فاطمه عوفينا وحدنا همست
فزت من مكانها وفاطمه طلعت وسدت الباب
كعدت عالجربايه وهي كعدت دنكت باوعتلها وجهه متغير حيل انتبهت حاجبها رفعان ها ماخذه خيط ابتسمت
طلعتي من البيت اليوم؟
هزيت راسي لاا بدون صوت
قصي_لعد شون حفيتي هي جتي للبيت ام الصالونً
هزيت راسي اي من دون كلام
قصي- تنهدت مديت ايدي ردت اوخر الحجاب رجعت ليوره رجعت وياها سحبته شعرها تطاير
كلبي رجف ابتسمت
عدلت هي شعرها بسرعه ونصت
لايكتلج الكصه حتبقين ساكته
لبنى- بقيت مدنكه تقرب مني
همست اريد نتطلك عفيه حسيته جمد بمكانه
قصي- ليش همست
لبنى- ماكو امل
قصي-يعني مو لسبب 2
لبنى- لا اريد ارجع لاهلي تعبت
قصي- ابقي هنا محد يقربلج
لبنى- ليش عدي بيت اريد اروح ارتاح
قصي- مصممه على هالشي
لبنى- متاكده من قراري
قصي-عزه نفسي متحملت رفض بعد الاولى رفضت جبروها خانتني ماريد ال2هم تعب كلبي
بدلي بينما اكمل اكل ونروح محكمه
لبنى- هزيت راسي بدلت وره شوي اندكت الباب
لؤي- لبنى لتسوين شي تندمين عليه اخذيها نصيحه مني قصي يحبج بس كلبه تعبان وعزه نفسه متسمحله يتوسل لان ملجوم كبل اترخص اني والحجي هذا بيناتنا
لبنى- ضليت صافنه اجه قصي يله امشي كملتي
هزيت راسي ومشيت وراه طلعت اهله يباوعولي بتوسل وفاطمه عينها مدمعه صعدت بالسياره وشغل ومشينا الطريق كله يتنهد وابد مباوعلي شغل الراديو صدفه طلعت اغنيه مصريه كلماتها ببالي
ارجعلي انه قلبي معاك مشقادر انسى هواك يحبيبي يااحلى ملاك ياروح الروح
عندي امل وكلي امل اشوفك تاني بحضني
ايه العمل ايه العمل قربني تاني وخذني
