جانت اختها تسأل هالسؤال حتى تعرف وكت رجعتي وتاخذ راحتها وي حبيبها
لبنى- حتى نزرع البذور
قصي- ابتسمت من وكت اليوم ارجع جاي ضابط جديد يستلم ويايه
لبنى- خوش انتظرك وحسوي تمن باكلا ومي لحم
قصي- ابتسمتلها عاشت ايدج
يله اني رايح محتاجه شي
لبنى- تقربت منه حضنته قووي وباوعت بعينه شفته ذاب
قصي- ليش حضنتيني همست جنت ذايب كلش
لبنى- راح اشتاقلك
قصي_عضيت شفتي اني هم همست بستها من راسها وطلعت من البيت
لبنى- جنت طايره واحسه بده يحبني
ركضت بسرعه ونضفت البيت وكعدت لفلفت شعري بالورق ولبست ثوب حلو امي خيطته الي ومكيجت مثل ماعلمتني بت خالي مكياج هادئ
وتعطرت وكعدت انتضره شوي وانفتحت الباب
قصي- شفتها والله معرفتها الشعر ملفلف ومكياج يخبل وثوب مرتب ولو مال عرب بس يخبل وي بياض جسمها اللون الاحمر سكتت مبتسم
شحتسوين بيه بعد
لبنى-عجبتك
قصي- بدون كلشي عاجبتني مو متحضرتلي باوعت بعينها الكحل وي اللون الازرق شكد حلو الحمره بشفايفها تخبل تلمست شعرها
همست شعرج مالتي متمدين ايدج عليه احبه مثل ماهو
لبنى- عجبني اغير شوي
قصي- والله يخبل وعاجبني مثل ماهو بس هسه هم حلو بس احبه نازل جوه خصرج مثل السيوف لبنى كلش دتعجبيني
لبنى- خجلت ودنكت جوعان همست
قصي- ميت جوع ريحه التمن باكلا واصله لمحيسن يم بيت جدج
لبنى- هههههههه
توني صبيت الاكل وخليت اللبن واندكت الباب
قصي- فوتي خل اشوف منو
لبنى- فتت للغرفه وره شوي اجه قصي
قصي- لبنى غسلي وجهج ولبسي حجابج اخويه يمنا عيب متطلعين
لبنى- لا على راسي كل الهلا غسلت وجهي ولبست الحجاب وطلعت
لؤي-من طلعت انصدمت سلمت عليها ابتسم واباوع لقصي محضوض شون حسن درت وجهي خجلان بين عليه هلكد مباوعتلها باوعت لقصي ابتسمت شاورتها اكلك ماعدها خوات
قصي- نار وشبت بكلبي هو لؤي دائما يتشاقه ويايه واتشاقه وياه هالشقه بس شو مدااتحمل قطبت حاجبي وانتبه عليه تغيرت ملامحه ودنك
لبنى صبي حيتغده ويانا اليوم
لبنى- اي كل الهلا
صبيت التمن وخليت الغراض كلها واخذت ماعون صغير على صفحه ترخصت وفتت
لوي- شكد عيب راحت بالغرفه تاكل صيحها ويانا قابل اني غريب
قصي- هم عدهم من يجي الخطار الولد ياكلون وحد والرياجيل وحد تاكل ولتلغي
لوي- اكل ومااشبع الاكل يخبل واللحم صاير قوزي
ولك الاكل يخبل
قصي- اي اكلهم طيب شكو جيت شعدك
لوي- اريد سيارتك
قصي- ليش يابه وين سيارتك
لوي- بالغسل والله وعدي شغل
قصي- اخذها وولي يله كملت
لوي- دناكل شبيك
قصي- مو كملته لماعونك
لوي- ماكو بعد
قصي- كوم شوف راح صبله بعد ورجع كعد ميشبع دافع البله
خلص وطلع اني بقه كلبي معصور لان شافها
دخلت الغرفه شفتها كاعده
كومي طلع كامت لملمت البيت ورجعت كلشي بمكانه
تره ب5تجي الدكتوره
لبنى- خوش كملت كلشي وجتي الدكتوره دخلت ابتسمتلي شون صرتي
الحمد لله باوعت الدكتوره لقصي مرتك لعابه
قصي- تسلمين دكتوره
باوعتلها ابتسمت
الدكتوره- كملت فحص الحمد لله الجرح زين وهاي عادي الدم والحمد لله انت ماخذها وماكو اضرار وهسه مااكدر انطيج علاج حبوب اخاف يصير عدج حمل يتاذه الطفل
قصي- قاطعتها دكتوره ماريد طفل اريد اسوي مانع علميها شون تبلع الحبوب شوكت اوقات هاي حتى تفهم
لبنى- غابت ضحكتي ليش ميريد طفل انقهرت من حجايته
نطتني حبوب منع الحمل
طلعت الدكتوره جنت كاعده بالهول
باوعلي
قصي- شبيج
لبنى- ليش متريد مني طفل
قصي- ماريد طفل بشكل عام مو بس منج
لبنى- ليش اني احب الاطفال
قصي- بعدج صغيره كلتها بضجر يله كومي دننام
لبنى- دمعت عيني ومشيت كدامه
قصي- تقربت منها لتضلين كالبه خلقتج طفل ماريد خلي تمر فد 10سنين اثق بيج بعدها نسوي طفل ويمكن منلحك
لبنى- دنكت سكتت ماريد يخربط بالحجي ياذيني مشيت وراه
قصي- تعاي نامي يمي جتي نامت جانت ساكته ومبين عليها الضوجه عفتها حضنتها ونمت يعني لؤي عينك بالمكان خرب غيرتك
كعدنا العصريه ً
قصي- سويلي جاي راسي مسطور مال نومه
لبنى- هسه تاكل ويا كليجه سويت اليوم
قصي- والله بعد انتي ومروتج
لبنى-صبيتله الجاي وخليت الكليجه ولبست هدومي وحجاب
قصي- ها على خير
لبنى- نزرع كلتها بفرح
قصي-ديله كومي اخذت البذور واخذت خاشوكه وطلعت بالحديقه اشرب الجاي واباوعها شون تزرع تضحك متيمه بهالشي وره ساعه يله كملت فرحانه
لبنى- كملت الحمد لله كلها شهر وتصير جبيره و3اشهر نكوم ناكل طماطه وخيار من الحديقه بدون كيمياوي
قصي- كيمياوي شنو
لبنى- لعد شعبالك هاي الي بالسوك كولها كيمياوي حتى تكبر وتثكل ويبيعوها غالي بس اهل الغيره ميرشون كيمياوي حته ميتاذه المحصول انه خوالي ميرشون يكولون حرام
قصي-طعمهه هم يتغير مو
لبنى- طبعا
قصي-هسه عرفت ليش الطماطا والفاكهه عدكم غير شي طعمها يخبل
لبنى- شفت مو داكولك
قصي- يله وخري خلي ازكيها
لبنى- ابتسمت يله تعال زكاهن ويباوعلي مبتسم
قصي- كملت زكي تقربت منها يصير ازكيج بعد انتي هم
لبنى- دنكت ودخلت للبيت لحكني وحصرني وره الباب
قصي- ليش تنهزمين مني
لبنى- لا خاف احد يشوفنا احنا بره بالحديقه
قصي- هممم هسه محد ديشوف طيني بوسه
تقربت منها خلت راسها عالحايط مبتسمه وغمضت عينها
تريدين انتي هم موو
لبنى- اممم ابتسمت
قصي- خبلتني تقدمت بستها قوي وراها تذكرت رقتها لبوستي ونزلت على ركبتها همست ركبتج طويله تخبل
لبنى-كدامك باوعتله بدلع عيونه تخوف صارت
قصي- اني هالحجي مااتحمله تعاي للغرفه شلتها عاطت تضحك
لبنى- من شالني حسيت الدنيا كلها الي شعري نزل وهو يباوع عليه وعلى عيني مو شعر عبايه وصلنا للغرفه
قصي- لبنى بلعي حبايه باوعتها بتوسل
لبنى- اخذت الشريط وبلعت ومردت اضوج خليني عايشه مرتاحه ماريد اعكر مزاجه ومزاجي تقرب مني واني قربته اكثر تخبل بيدي وعجبني اعيشه احساس حلو انسي المه
كام يتآوه بيدي ويون بصوت عالي تلمسني برقه هالمره وذبت بيدهه اكثر من كل مره
قرب شفايفه يم اذني وهمس احبج
اني انتهيت
قصي- كلتها وداحس بيها من كل روحي وكلبي
فتحت عينها بعيني مدمعه
لبنى- احبك انه هم كلش ومدااكدر على بعدك واكيف من تقربلي
قصي- كل يوم حقربلج اكثر بس لتغدرين بيه
لبنى- انه احبك ومااكدر اباوع لغيرك مثل ماباوعلك
قصي- احبج لتعوفيني
لبنى- ماعوفك بس لاتذلني انه بت شيوخ مااتحمل مذله
قصي- اعرف يله تعاي خل ارتاح واريحج رجعت تقربت كملت شغلي براحه وهي اشوفها مرتاحه وشفت الفرق وحسيت بيه من مره تحبني عن مره متحبني من كملت غفيت على صدرها مرتاح معقوله اني ارتاح وره هالتعب التعبته قبل شهرين
لبنى نامت بقيت اتامل ملامحها طفله بريئه ونفس الوقت واعيه تربايه عرب منسجمه ويايه بكل لمسه وهمسه خلتني اعشق البيت واتلهف للرجعه اله
ابتعدت شوي عن جسمها خاف تتضايق جلبت بجسمي
لبنى- ابقها نايم بحضني احاجي ومبيه حيل افتح عيني غفيت وحسيت بنفسه قريب اكيد هو هم غفه نص ساعه وكمنا الشتا بارده وواحد من يضم حبيبه لحضنه يحس بنعس
كمنا ثنيناتنا جانت ساعه 11 غسلت وبعدني ممصليه ولا هو مصلي صلينا سوه جننا كلش مرتاحين حضرت عشه لحم بعجين وكعدنا نتفرج مسرحيه بقينا للوحده وراها نمت بحضنه عالقنفه
وراها حسيت بي شالني ووداني لغرفته وغطاني وتقرب مني ونام همس احبج
لبنى- ابتسمت واني مغمضه اموت عليك
نمنا والصبح كعدت ركض حضرتله بدلته كويتها اله وخليت الريوك
قصي- حسيت بيها تركض منا ومنا
شبيج شو مستعجله
لبنى- قصي تره ساعه 5الا ربع
قصي- كمزت ليش مكعدتيني
لبنى- مكعدت من وكت كعد تريك سريع وطلع بسرعه باوعلي قبل ليطلع باسني بالهوا وراح قفل الباب وعينه بعيني وطلع
رجعت نمت جنت بعدني نعسانه
وكعدت ب10سويت الغدا ونضفت وغسلت الهدوم واني سبحت ولبست انتضره
قصي- جان عدي شغل كومه لل5العصر يله طلعت
وصلت البيت لكيتها تقره قران
تقربت منها بستها من خدها حبيبي جوعان والله
لبنى- الله يساعدك اي يا بعد عمري هسه اصبلك شون قيمه سويت كون امي تشوفها
قصي- بستها من حلكها عيديها بعد
لبنى- بعد روحي وعمري وكل هلي وناسي
قصي- لبنى داموت عليج
لبنى- بسته من راسه تاج راسي كمت صبيت الاكل
قصي- باعي شجبتلج
لبنى- شنو
قصي- فتحت الجيس بنطرون وبدي وورده
ركضت عالورده خلتها بشعرها اني متت بحركتها
لبنى- هاي الك الي البنطرون
قصي- الج
لبنى- حلبس لبس الرياجيل انه اقلد على بت خالي
قصي- جسمج وخصرج مال هاللبس لخاطري لبسي
لبنى- لخاطرك فتت للغرفه لبستها وطلعت
شفته غطه عينه
قصي- اشتعلت محيسن على هالجسم
لبنى- لالا عليش تشعلها يمعود
قصي- دباعي جسمج صدقه باربي بالبيت تفتر
لبنى- باربي اللعابه ههههه اشكرك يله خل ناكل
قصي- يله صبيت وادري بيه يباوع من وره عليه وحسيت بي اجه حضني من وره ومسد بشعري لبنى اذا فد يوم ردتي تاذيني كصي شعرج
لبنى- رفعت عيني بعينه لعد دير بالك تاذيني تره رأسا اكصه هههههه
كعدنا تغدينا وكمنا صبيت الجاي وشغلنا تلفزيون وكعدنا نتفرج انه وياه اندكت الباب
قصي- كومي فوتي
لبنى- صار فتت
