كالعاده مثل اي طفله تحب اللهو والعب جنت كاعده العب ابيتنه لوحدي بالعابات الى ان اجو اولاد عمي الصغار وهمه محمد عمره ٣ سنوات واحمد عمره ٢ سنوات ونصف وطلبو مني اجي العب وياهم فوق السطح ابيتهم بوقتها كلت لوالدتي
-ماما انا رايحه العب وي جهال عمي فوگ السطح
- يالله روحي بس تعاي بسرعه مو تتأخرين ابوج على جيه
- خوش يمه
ورحت وانا اركض والسعاده تملي وجهي وياريتني ما رحت ياريت امي منعتني اروح يا ريتني متت قبل هذا اليوم ياريتني عثرت وانكسرت رجلي وانا رايحه لبيت عمي ياريت وياريت وياريت بس شنسوي ماكو مفر من الكاتبه رب العالمين
وأول مادخلت بيت عمي سلمت على زوجة عمي الوسط
- شلونج عمه
- هله عمه هله شلونج امج شلونها
-الحمدلله امي سلم عليج
- الله يسلمها
وصعدت وانا اركض على الدرج حتى اصعد للسطح المشؤم الي سلب مني كلشي وحول الباقي من عمري الى جحيم
انتهى البارت الاول
أنت تقرأ
الطفوله المذبوحه(مكتملة) (سلسلة كوارث وخبائث المجتمع)
Short Storyقصة مكتملة✅ قصه قصيره اول القصص للكاتبه حوراء علي تدور احداث القصة حول طفله تعرضت للتحرش الجنسي من قبل ابن جارها وهي تبلغ من العمر ٦ سنوات
