الطفوله المذبوحه(مكتملة) (سلسلة كوارث وخبائث المجتمع)

البارت التاسع

بعد ما اجن الممرضات وحملن ساره كانت ساره بحاله يرثى اليها

الممرضه1:- انا اكول انخليها ترتاح شويه بين ما يجي دكتور محمد ونشوف شيكول على حالتها

الممرضه2:-اوكي انا هم اكول نفس الشي مالزوم نسوي شي من راسنه خل لمن يجي الدكتور المسؤل عن حالتها

وفجاءة قاطع حديثهن صوت ساره.......

ساره :-م...محمد م.....محمد.

كانت تتكلم بتلعثم

الممرضه1:-حبيبتي ارتاحي لاتخافين احنا يمج

ساره:-..دكتور محمد وين

الممرضه2:-دكتور محمد خابرو وراح للبيت اخته مريضه

ساره:-ووووو....ونيمته يجي

الممرضه1:-حبيبتي هسه انتي ارتاحي ودكتور محمد شويه ويجي

flash back

بعد ما انغمى على ساره.

د.محمد:-ممرضات ممرضات وينجن

الممرضه:-نعم دكتور محمد

د.محمد:-ساره انغمى عليها وهاذه الشي مو الصالحها

بعد ماحملن الممرضات ساره حاول دكتور محمد يلحكهن للغرفه الثانيه بس قاطعه صوت التلفون

د.محمد:-الووو

نور:-محمد تعال بسرعه لجين انغمى عليها وماجاي تكعد

د.محمد:-وين حسام خل يجيبها للمستشفى

نور:-حسام طالع عنده شغل

تعال بسرعه ارجوك

د.محمد:-راح اجي ديربالج عليها

الممرضه:-خير دكتور محمد صاير شي

د.محمد:-اختي لجين اجتها حالة الصرع ولزوم اروح للبيت

الممرضه:-خلي واحد من الاهل يجيبها لهنا

د.محمد:-محد بالبيت بس نور وحسام طالع عنده شغل انا رايح هسه اذا حالة لجين ما استقرت احتمال اجيبها واجي للمستشفى ديربالجن على ساره

الممرضه:-ولا يهمك دكتور اخليها بعيوني

ساره.......

اهلي وين اريد اهلي ماريد ابقى هنا

الممرضه:-حبيبتي لاتخافين هسه يجون

ساره:-اهلي وين اريد اهلي مامااااااااا مامااااااااا وتعالت صرخات ساره والممرضه تحاول تهدي بيها

الممرضه:-حبيبتي اهدي هسه يجون

ساره:-مااااما

الممرضه:-حبيبتي اهدي اهدي

وعلى السريع ضربتها ابرة مهدئ ونامت

في صالة المستشفى

الممرضه :-نعم عيني اكدر اساعدج بشي

ام ساره:-عيوني الله يخليج انا ام المريضه ساره الي سوت حادث سياره الصبح وهاذه ابوها بنتي وين بيها شي متأذيه الله يخليج طمنيني عنها

الممرضه:-عيوني اهدي ساره مابيها شي مجرد رضوض بالجسم وكسر بالأيد لاتخافين عليها

ام ساره:-يمه ابنيتي اريد اشوفنها وينها

ابو ساره:-عيوني الله يخليج ساره بتنا الوحيده ماعدنا غيرها نريد انشوفها نطمئن على وضعها

الممرضه:-اوكي اوكي تعالو وراي

في الغرفه

الممرضه:- تفضلوا دخلو هاي ساره

ام ساره:-يمه بنتي يمه كومي انا امج انا اجيت يمه

الممرضه:- عيوني المريضه انطينها ابرة مهدئ ونامت

ابو ساره:-ليش المهدئ حالتها خطيره

الممرضه:-لا عيوني لا .لا خطيره ولا شي بس انفعلت حيل وكامت تصرخ اريد اهلي انطينها ابرة مهدئ ونامت

ابو ساره:-خير ان شاءلله

الممرضه :-يالله عيوني اطلعو خل المريضه ترتاح

ام ساره:-الله يخليج اريد ابقى يمها هاي بنتي الوحيده

الممرضه:-ماشي واحد منكم بس الي يبقى

ابو ساره:-انا راح اطلع وخلي ام ساره تبقى يمها

الممرضه :- ماشي يالله

وطلعو ابو ساره والممرضه وام ساره بقت يم بتها

في بيت دكتور محمد

نور:-محمد انا اكول خل ناخذها للمستشفى صارلها نص ساعه مغمي عليها

د.محمد:-اذا صار ساعه وماكعدت ناخذها للمستشفى

نور:-بس

د.محمد:-نور انا دكتور واعرف شغلي زين

تعاي خل نطلع نخليها ترتاح

تعالو خل اعرفكم على عائلة د. محمد

لجين:- طالبة كلية صيدله مرحله ثانيه
عمرها 20 سنه

نور:-طالبة اعداية صف سادس علمي
عمرها 18 سنه

حسام:- مهندس نفط
وعمره 25 سنه

محمد :-انتو تعرفونه ماكو داعي اعرفكم علي

وبالمناسبة د.محمد يتيم يعني لا ام ولا اب

بعد مرور ساعه .......

نور:- محمد لجين ماكعدت خل ناخذها للمستشفى

محمد :-خل اروح اشوفها

دخل محمد على لجين لكاها بعدها مغمي عليها ووجه اصفر

محمد:-نور حضري روحج راح ناخذ لجين للمستشفى
نور:-ماشي ماشي

في المستشفى ......

بعد مانقلو لجين للمستشفى خلوها بنفس الردهة الي بيها ساره

ام ساره:-هاي البنت منو

الممرضه:-هاي تصير اخت الدكتور المسؤل عن حاله ساره
ام ساره:-اهاا الله يشافيها

ساره:-يمه..يمه
ام ساره:-ممرضه ممرضه ساره استعيدت وعيها

الممرضه :-لو سمحتي اطلعي بره خل اشوفها