محمد:
مرحبا انا محمد دكتور بمستشفى المدينه عمري ٢٦ سنه طويل وجسمي رياضي لحيتي طويله وعيوني لونهن اسود وجهي لونه ابيض جانت الساعه حوالي ٨الصبح جنت كاعد انا وصدقائي بالكافتيريا فجأه سمعنا صوت الممرضات يصيحن علينا
دكتور محمد...دكتور محمد. حاله طارئ
نهضت من مكاني بسرعه ورحت اركض بأتجاه غرفة العمليات جانت ابنيه بعدها بعمر الورد عمرها يتراوح بين ال١٥_١٦ سنه جان وجه مغطى بالدم حتى احنا اتصورنا ابداية الامر ان هيه متشوهه بعدين الحمدلله ماطلع بيها شي مجرد رضوض بالجسم وكسر بالأيد
الحمدلله وبعد ساعه طلعناها من غرفة العمليات بس الغريب محد من اهله اجه او سأل عليها سألت الناس الي سعفوها للمستشفى جان واحد منهم يصير جارهم طلبت منه يتصل بأهله بسرعه حتى يجون يشوفون حالة بنتهم وبالفعل اتصل بيهم واجو
ساره
ماحسيت بأي شي كعدت لكيت الكانونه بأيدي وراسي يوجعني وايدي اليمنى معلكه بركبتي وتوجعني حييل اول مافتحت عيوني كمت اصيح
يمه .يمه .جيبولي امي. انا وين
جان يدخل عليه دكتور هيبه وشاب وشكله وسيم
ولزمني من ايدي وكالي
د.محمد:_لاتخافين انا هنا موجود يمج انا دكتور محمد المشرف على حالتج انتي تعرضتي الحادث سياره وانتي هسه بالمستشفى واحنا هسه اتصلنا بأهلج وراح يجون بعد شويه
ساره :_حسيت كلامه ريحني شويه وخصوصا من كض ايدي حسيت اكو رعشه بجسمي ولمن سحب ايده ماجنت ودي يسحبها جنت اتمنى يضل كاضها ومايهدها لان هاذه الشي يحسسني بالامان واول مره احس بالامان من شخص ورجال هم
د.محمد:_ها وهسه محتاجه شي
ساره:_لادكتور محتاجه
د.محمد: انتي بالمدرسة
ساره:نعم صف رابع إعدادي
د.محمد: علمي لو ادبي
-علمي
-اووو وانا اكول اكيد انتحرتي وانتي الشمرتي روحج كدام السياره
اهنا صدك ضحكت وهوه هم ضحك
وقاطعت ضحكتنا الممرضه
الممرضه :_دكتور محمد اجه واحد دايكول ان هوه من عائلة المريضه ساره ويريد يشوفها اسمحله بالدخول
ساره:_انا كلت بگلبي اكيد هاذه لو ابوي لو احد من عمامي
د.محمد:_اسمحيله بالدخول
الممرضه:_اتفضل عيني
وجان يدخل هذاك الوحش الحقير الي اشمئز من شوفته
ساره :_انته
أنت تقرأ
الطفوله المذبوحه(مكتملة) (سلسلة كوارث وخبائث المجتمع)
Short Storyقصة مكتملة✅ قصه قصيره اول القصص للكاتبه حوراء علي تدور احداث القصة حول طفله تعرضت للتحرش الجنسي من قبل ابن جارها وهي تبلغ من العمر ٦ سنوات
