الطفوله المذبوحه(مكتملة) (سلسلة كوارث وخبائث المجتمع)

البارت العاشر

الممرضه:-ساره حبيبتي تحسين بشي يوجعج

ساره:-لا مابيه شي بس اريد امي

-حبيبتي امج موجوده اني طلعتها بره حتى اطمئن على حالتج

-لا ممرضه اريدنها وينها امي

-اووك حبيبتي هسه اصيحها بس انتي ارتاحي

الممرضه:-ام ساره

ام ساره:- هاا عيوني

-تكدرين ادخلين ساره حالتها جيده

-اشكرج عيوني اشكرج

- ولو

ساره:-يمه

ام ساره:-عيون امج وحضنتها وكامت تبجي على صوت بجيهن كعدت لوجين واول ماكعدت كامت تباوع على ساره وامها شلون حاضنتها ويبجن تذكرت امها الله يرحمها وكامت هيه هم تبجي وياهن

ام ساره انتبهت وكالت

ام ساره:-خاله ليش البجي

لوجين وهيه تمسح دموعها:-ماكو شي خاله بس اتذكرت المرحومه امي

-الله يرحمها

-اني امي توفت وعمري عشر سنوات جنت صغيره كلش من توفت امي وبعد سنه توفى ابوي وهيه كاعد تسولف اجه دكتور محمد ووكف خلف الباب من سمع اخته تحجي

لوجين:-بعد ماتوفى ابوي اني صارت عندي حاله نفسيه تصوري سنتين متاليات اتوفو بيها امي وابوي شيصير بيج
ام ساره وساره ومحمد:-الكل يستمع بهدوء وحزن

-بس اني الحمدلله بفضل اخواني حسام ومحمد تجاوزت الصدمه بس بعدني لحد الان حزينه وكلبي مكسور على اهلي شيصير لو امي وابوي هسه يمي

-خاله الله يرحمهم ويسكنهم فسيح جناته

-الله يرحم امواتج خاله

محمد من سمع حجي اخته نزلن دموعه على خده وتذكر امه وابو بس بعدين مسح دموعه وطرق الباب ام ساره ولوجين كالن اتفضل

محمد:-السلام عليكم

ساره كالتها بفرحه:- وعليكم السلام
ام ساره:- وعليكم السلام يمه

لوجين:-وعليكم السلام هله خويه

محمد:-هله حبيبتي شلون صرتي ان شاءلله احسن

لوجين:-الحمدلله احسن شوي

محمد:-ساره شلونج

ساره:-الحمدلله بخير

ام ساره:-دكتور نيمت نكدر نطلعها من المستشفى

محمد :-بعدها شكم يوم ونطلعها لمن تستقر حالتها

انزعجت من سمعت بموضوع الطلعه من المستشفى على العلم ماحب المستشفيات بس ماعرف ليش راودني هيج احساس

محمد:-اني هسه رايح اخذن راحتجن

لوجين:-الله وياك خويه

ساره:- ماما حبيبتي انتي روحي للبيت لاتخافين عليه