الطفوله المذبوحه(مكتملة) (سلسلة كوارث وخبائث المجتمع)

البارت السادس

ضربت الطاوله بيدي وكعدت وجنت اتحاشاه اباوع بوجهه وادور وجهي يمنى ويسرى مثل المخبله

-ساره ممكن تباوعيلي أريد احجي وياج

-تفضل اسمعك

-ساره تتزوجيني

هنا ماعرف شصار بيه درت وجهي علي وحطيت عيني بعينه
-شنووو شحجيت ما سمعت عيد الكلام الكلته

-ساره تتزوجيني

حجيت بغضب وبأعلى صوتي

-لك انته ماتستحي من كل عقلك اني اتزوج الإنسان الي انتهك طفولتي وذبحها من كل عقلك انته مخبل تريدني اتزوج الي استدرجني واغتصبني وانا طفله بريئه

كام يتلفت يمنى ويسرى بخوف

-ساره نصي صوتج العالم جاي تباوعلنه

-لاماانصي وخل العالم كلها تسمع وتعرف انته شنو من بشر قذر وحقير ومغتصب اطفال

-ساره اسمعيني اذا مانصيتي صوتج تره بلمح البصر مستعد اعيد السويته قبل سنوات فهمتي لو لا واشوف زلمه يوكف بوجهي

-لك انته اشايف نفسك ياكلب خاف عبالك سكتتتلك قبل ومافضحتك هسه اروح واحجي كلشي لأهلي واطيح حضك واشمرك بالسجون مثل الجلب

-ساره اهدي وفكري بالموضوع زين انتي اول وتالي راح اتصيرين من نصيبي

-افضل الموت على أن اتزوج حقير مثلك

كمت من الطاوله ودموعي تجري واسحل بجنطة مدرستي ورحت للشارع العام ووكفت بنصه وخلص الدنيا اضلمت بعيني وكرهتها وقررت اخلص من الحياة الي مانطتني بس المشاكل والضيم

اسمع صوت هورنات السيارات واني بمكاني ومغمضه عيوني وماحسيت الا على سياره ضربتني وبددت كل آمالي وقهري وسقطت ع الكاع مدمايه