الطفوله المذبوحه(مكتملة) (سلسلة كوارث وخبائث المجتمع)

البارت الاخير

هلؤؤؤ هاذه البارت الاخير من القصه اتمنى يعجبكم وتنطوني رأيكم بالنهاية شنو توقعاتكم راح تكون حلوه لو حزينه ماحبيت اكلكم بالبارت العاشر  هاذه راح يكون اخر بارت حبيت اخليها مفاجأه

اتركم مع الاحداث........

تمر الايام وتجي والاوضاع مستقره ماكو شي جديد

لحد ما اجى اليوم الي تطلع بي ساره من المستشفى

ام ساره:-يلا يمه اليوم راح نطلع ونرجع للبيت

ساره:-صدك

-اي يمه صدك شنو الضاهر عجبتج كعدة المستشفى

-لايمه اني هم مشتاقه لبيتنه

-اروح اصيح ابوج يجي ياخذ الغراض للسياره

-ماشي

مشاعري ماجانت تنوصف بهل لحضه ماجان ودي اطلع

من المستشفى وارجع للبيت علمود شي واحد محمد

ساره:-لجين لجين اكعدي

لجين:-شكو ساره

ساره:-اني راح اطلع من المستشفى هسه

-صدك

-اي هسه ابوي راح يجي ياخذني

-الزوم ابقى على تواصل وياج بعد ماطلعين من المستشفى

-اي

-عندج رقم

-اي عندي

-حلوو انطيني رقمج حتى ابقى على تواصل وياج

-ماحافضته

-اووو ماشي راح انطيج رقمي  انتي بس رمشي واني اتصل بيج

-ان شاء الله

-وين جنطتي

-شسوين بيها

-اطلع منها ورقه وقلم حتى اسجلج الرقم

-اها

-وين خليتها ياربي

-اوف

-لاتخافين هسه الكاها

-ابوي راح يجي

-ياربي وين صارت

-اووف يارب وين صارت الجنطه ابوي راح يجي

-هياها لكيتها

-يلا بسرعه سجلي الرقم

-اي اي لجين طلعت الورقه والقلم على السريع من الجنطه وكتبت فوك لجين وجوه 07..............
-بسرعه لجين

-كملت هاج اخذي

-خذت ساره الورقة وضمتها بجنطة ملابسها بعد ماشافت امها دخلت عليهم

ام ساره :-خاله لجين حطي على راسج هاذه عمج ابو ساره يريد يدخل

لجين:-هلا بي خل يتفضل

ابو ساره:-السلام عليكم

لجين:-وعليكم السلام

ساره:-وعليكم السلام هلا بابا