يا احلى نوبات جنوني

الجزء٤+٥

رفل :دخل ياسر علينا وكلنا كاعدين نتعشى سلم
بابا سأله شلونك بابا تعال اتعشى جاوبه الحمد لله هسه بس اغسل واجي ....راح
ورا شويه كعد گال اليوم وصلني علاء طلع بنفس منطقتنا
وگلي بعد لتجي الى ان تخلص امتحاناتك وراتبك تستلمه كامل
رفل:بقيت مستغربه گلت ما معقوله اكيد بعدهم ما ردوله خبر
امي وابويه گالوا هذا الولد مبين طيب
رشا گالت والله الولد اني شفته محترم وكرصتني من جوه الميز
جاوبتهم شو من عرفتوا تقدملي صرتوا هوايه تمدحوا
اني مگايله بي شي بس اني ما مقتنعه واعرف نفسي مراح اتراهم وياه
جاوبني ابويه .......بابا منو جبرج لو گلج اقبلي بالولد او فتح وياج الموضوع يعني شنو يأثر عليج اذا مدحنا الولد لان افعاله طيبه
فشلت معرفت اجاوب بس بداخلي احجي.... دتأثرون دتخلوني انقهر من نفسي لان جرحته اذا وصلوله الرفض
فكرت اوافق بس خلي اخابر ريا بالاول اذا بعدهم ما مرجعيله خبر اگلها موافقه
من خلصت عشى رحت اتصلت بريا الو هلو حبيبتي
ريا :هلو رفوله شلونكم
رفل :الحمد لله اكلج رجعتوا خبر لعلاء
ريا :اي اليوم شافه منير بالجامع وردله جوابج بس كلش قهرني عليه لان يگول استقبل الاجابه كأنه متأكد مراح توافقين وحتى منير گايله على رشا بس مجاوبه ما اشوفها غير اخت والحمد لله اني راضي بنصيبي
منير فهمني يقصد راح يشيل فكره الزواج لان هو سابقا جان مضرب من ورا بنيه هم متقدملها بايام الكليه وهم رافضه
رفل :من سمعت كلام ريا ما ادري ليش كامت تنزل دموعي ما ادري انقهرت على حالته ما ادري انقهرت لان جرحته وبالاخص من گلولي جان متأكد راح ارفضه جاوبتها يمكن اتسرعت وما فكرت صح
ريا :والله يا رفل ترى الولد اني ما اشوف بي اي عيب لنفرض اخذتي شخص وبعد الزواج صارله حادث يعني تعوفي
اكيد لا اني افكر صح مو مثلج تاخذين ظاهر الامور اني الولد اعرف تفاصيل عنه وعن اهله عن طريق خالتي ومنير دائما يمدحون بيهم وهو الولد اني كومه ملتقيه بي ولا مره شفتله تصرف مو حلو بالعكس شخصيته قويه وروحه مرحه وسبع يركض على الشغل احسن من الي يمشي على رجليه يعني معناها هذا الي تاخذه ترتاح وياه لان همه شغله وبيته ماعنده سوالف الشباب المكسره والي نايمين للظهر ببيوتهم واهلهم يصرفون عليهم
رفل :كافي الله يخليج بعد ميفيد هالحجي ماكو نصيب
يله حبيبتي اروح ادرس عندي امتحانات اسبوع الجاي ما اريد اشغل نفسي بشي
ريا :يله قلبي شدي حيلج ان شاء الله يكتبلج الاحسن بكلشي

رفل :من سديت التلفون مكدرت ادرس بقيت احس بتأنيب الظمير
يعني اني بشنو اختلف عن الي ماعدهم رحمه هو ما بيده شي هذا قدر الله .....وكلنا دنحاسبه عليه الله يساعده شكد اتحمل لحد موصل للي هو عليه اليوم .....اكيد عانى بطفولته واكيد اتعرض للاحراج ويا كل نظره.... ننظرها لرجله لو للكرسي وشكد طموح وشخصيته قويه كدر يكمل طريقه الى ان نجح واخذ شهادته وتوفق بشغله
ياربي انت تعلم اني مو قصدي اجرحه ولا ازيد همه اني بحياتي ما حبيت شخص ولا مشيت بدرب اعوج وصاينه مشاعري للشخص الي راح يكون من نصيبي
وسبب رفضي لعلاء لان ماعندي مشاعر تجاهه غير متعاطفه وياه
علاء:رجعت للبيت شافتني امي سألتني شبيك يمه شو مو على بعضك جاوبتها لا سلامتج بس شويه تعبان من الشغل
دخلت للهول لگيت ابويه واخوتي الكبار جايين يباتون يمنا هم وجهالهم ونسوانهم
عندي ابن اخويه فهد عمره ٥سنوات كل الي يشوفوا يگولون يشبهني كلش احبه واداري ولو شنو يطلب مني اسويله
من يجون يمنا الى ان يروحون يبقى مكابلني اول ما دخلت للهول ركض عليه حضني
گلي شنو چبتلي انقهرت عليه گتلهم راح اخذه اشتريله وارجعه
طلعنا اني وياه بالسياره
اشتريتله واشتريت لبقية جهال اخوتي ويا مدا ارجع گلت خلي امر على بيت رفل ورحت دخلت بشارعهم تالي الليل ورجعت للبيت
بقيت صافن على روحي بله اني ما راهقت ايام المراهقه هسه من دخلت ب٣٠ صرت اراهق
وصلت دخلنا للهول فهودي ابو لسان گلهم عمو علاء وداني يم الاسواق ويم بيت
كلهم ضحكوا گتلهم هاذا لان دخلته بين الافرع مستغرب
اخذته ويايه للغرفه تمدد بصفي گتله فهودي اني من اصير مثل جدو انت اداريني وتوديني للدكتور
جاوبني انت مو جدوا گتله لا بعدين اصير جدوا اني ماعندي ابن يوديني للدكتور انت تصير ابني تقبل هزلي راسه موافق
سألته انت شكد اتحبني گلي كومه گتله كول ان شاء الله رفل تحب عمو علاء
سألني الحشري منو رفل گتله هاي هنا اشرتله على قلبي
گلي اريد اشوفها جاوبته خلي عمك يشوفها بالاول وتالي انت شوفها
ورا نص ساعه صاحوني تلفون عليك رحت اجاوب طلع ياسر
گتله ها حبيبي محتاج شي
جاوبني اعتذر اخاف نايم بس نسيت مفتاح المكتب بجيبي من قفلت گتله ماكو مشكله امرلك الصبح قبل متروح للمدرسه اخذه
منك
جاوبني ماشي
من سديت الخط رحت على الكاشف طلعت الرقم وسجلته بورقه
اتذكرت اخوتي من يجتمعون .....بيتنا منطلع للورشه من وكت ورا العشره
رجعت دكيت على ياسر دا اگله خليها امرلك من تخلص مدرسه
طلعلي صوت مكدرت اميزه صوتها لو صوت رشا
الو منو
علاء:جاوبت الصوت الو بلا زحمه ممكن ياسر اني علاء
رفل :هلو علاء دقيقه هسه اصيحه
علاء:رفل ميحتاج اخاف ديدرس بس انطي خبر حتى ميتأخر على المدرسه امرله ورا المدرسه اخذ المفتاح
طبعا ذبيت اسم رفل هيج حظ يا نصيب دا اتأكد هي لو رشا من شفتها مكالت اني رشا عرفتها رفل
رفل:هو فوگ ديدرس بغرفته انتظر اصيحه واتفاهم وياه
علاء: رفل دقيقه يمج احد قريب عليج
رفل :لا ليش
علاء: اكدر احجي وياج بموضوع
رفل :علاء الدنيا ليل واني ممتعوده احجي بالتلفون ويا احد
علاء:انت رفضتيني علمود رجلي او لسبب ثاني اريد اعرف
رفل :معرفت اجاوبه گتله دقيقه رحت صحتله ياسر
ياسر :الو هلو علاء
علاء:اتفاجئت بياسر گتله اتصلت علمود المفتاح خلي ورا الظهر امرلك
ياسر :لا عادي اذا متريدني اداوم ماعندي مشكله
رفل ليش مداوم
ياسر مو مفتاح المكتب عندي
رفل اني اطلع ب٩ للكليه يكدر يمر انطيهياه
علاء:من صاحت ياسر ومجاوبتني على سؤالي گلت خلص بعد هالبنيه انساها وانسى شفتها بيوم
بس سمعت هي راح تسلمني المفتاح نسيت الي قررته گتله لعد امر ٩ الاربع اخذه من رفل تصبحون على خير
رفل :ما اعرف شنو الي خلاني اتبرع بهالمهمه ......اكون صريحه ويا نفسي اريد اشوفه من باب الفضول اريد اشوف ردة فعله ورا ما رفضته
علاء:هالبنيه شفتها البارحه مدتطلع من راسي يعني اني اول تالي انزل روحي لاحد واسأل هالسؤال خلي اثكل هم البنات اصلا ميحبون الرجال الي يرخص نفسه رتبت ويا نفسي شلون راح اقابلها باجر
ثاني يوم الصبح
لو مو انطيتهم خبر امر ولا امر من التعب فهودي من الدفرات مخلاني انام كمت بدلت وطلعت
نزلت دكيت الجرس ....بابهم ناصيه طلعتلي رف قلبي ويا كل خطوه بس ثگلت وجهي گتلها صباح الخير جاوبتني صباح النور فتحت الباب گلتلي اتفضل اهلي كاعدين
جاوبتها بثكل لا شكرا عندي شغله...... طلعت المفتاح من جيبها
گلتلي اتفضل اخذته وجاوبتها يله اترخص ......ويا خطوتين
مشيتها منطيها ظهري وگفت بدون ما اندار من گلتلي علاء السبب ما افكر بالزواج حاليا علمود دراستي مو انت السبب
جاوبتها براحتج وكملت خطواتي الى ان وصلت لسيارتي ورجعت للبيت بوجهي للفراش .....قافل البنيه هاي خلص هالمره اشيلها من راسي .....من هذا اليوم ماشفت رفل بعد