يا احلى نوبات جنوني

الثامن عشر

#يا_احلى_نوبات_جنوني
#اماسي_الليل
بقلمي ام مريم
#الجزءالثامن_عشر
حقوق النشر محفوظه
رفل :من خلصت الحفله امي ورشا وريا طلعوا فايت وكت  ورا ما ساعدوا خاله ونسوان حمويني بتنظيف البيت
دخلت للغرفه ورا دقايق اجتني خاله گلتلي راح يدگ عليج علاء شيلي التلفون الي يمج ....ورا شويه دگ الو
علاء:رفوله مراح اكدر اجي حبيبتي البيت كله نسوان مابي رجال
رفل: براحتك علاوي قلبي فرحتني اليوم بجيتك  .....اندگت الباب
دخلت سجى مرت عبد الله فدوه رفل متنيمي يمج ذبحني يريد علاء
گتلها جيبي تعال فهودي نام يمي گتلها هسه ابدل ملابسي واتمدد بصفه اخذي راحتج  طلعت البنيه
علاء: اني هم اشتاقيتله اليوم مشفته رفوله نيمي وگليله هسه علاء شويه ويجي  .....رفل مو تبدلين كدامه ليروح يحجي
رفل :لا البس دشداشتي فوگ البدله يله افتح السحاب وانزعها
علاء:اي حبيبتي ترى هذا ببغاء همزين يزفونا للفندق ولا لو بغرفتنا  هذا يلزك ويخرب عليه الليله
صدك رفل الولد ديگلولي حتى ننزل  اني وياج سويه من السياره 
استخدم الكرسي
رفل علاوي لتفكر بهاي الامور حبيبي انت الصدك بشنو ترتاح اكثر
علاء:بالعكازه بس علمودج
رفل :لا ابقى على العكازه اني الزم عكسك ونفوت سوا
علاء:اتفقنا
فلفله باجر بعد ماكو لا سالم ولا انعام ولا فهد يخلصوج مني
حبيبتي
رفل :علاوي راح اروح ورايه كعده من الصبح
علاء:ها هم انهزمتي ....براحتج قلبي باجر ماكو هزيمه بعد يله تصبحين على خير /////وانت من اهله

👰🏻👰🏻👰🏻👰🏻🤵🏻🤵🏻🤵🏻🤵🏻
رفل :ريا مو تنسين غراضنا  جيگي گلشي قبل ما نطلع للصالون
ريا : رفوله والله چيكت الجنطه وخليت بيها غراضج وغراضه الي تحتاجوها هناك
رشا :لج رفل لو مو صارلج عشر يام يمه شبيج مرتبكه ومثبوره
رفل:اي والله قلبي ديدك بسرعه ومثبوره
ريا :بضحك گتلها ترى ماكو شي يخوف حفله ودك ورگص وتالي كل واحد يروح لبيته
رشا:بس رفوله تروح للفندق ههههه
رفل :والله شكد متعوده على علاء وماخذه عليه بس اليوم دا احس نفسي اول مره راح اشوفه  شايله هم شلون راح ننجمع بغرفه وحده
ريا :ولج رفل تريدين تقنعيني هالعشر ايام  انت تنامين ويا بنفس البيت غمزتلها ما اتوكح
رفل :مبتسمه لا والله بس من يشوفني وحدي يبوسني لو يحضن
لان اخوته ونسوانهم دائما موجودين  يمنا..... حتى للغرفه ميفوت من يكون احد كاعد بالهول ومن يريد شغله يصيحني ااجيبها لان ميريد تجيني حجايه ويتصورون صار بيناتنا شي قبل العرس
رشا : هو مبين ثگيل ويفكر صح لو تحجين هالموضوع كدام امي حتى تحجي لابويه .......اكيد راح بعرف ود كذابه لان انت مرته
ومسيطر على نفسه .....ومحافظ عليج
ريا :لا ابويه اليوم شفته مرتاح يمكن امي ناقلتله اخبار الحنه
رشا :نقل اول بأول حتى من دخل علاء هم گلتله
ريا :اي مو دا اكول اليوم فاك
رفل :يله بنات بعد ماعدنا شي كلشي تمام
ريا ورشا :تمام  خلي نطلع  نساعد العالم البرا عدنا بعد ساعه بله نروح للصالون
خاله شنو تحتاجين مساعده
ام علاء :خاله بس اسألولي رفل وين السلال الي اشتريناها
الي راح انقدم بيها الحلويات
رفل :هاي جبتهم خاله........
انعام :رفوله مو تنسين المسكه خاله انداريت على مرت داوود  وضحكت
گتلهم مروه وصلنا للقاعه يله اتذكرت ناسيه المسكه بالصالون   تالي راحوا جابوها
مروه :خاله هو بهذا اليوم مو زين الوحده متنسى اسمها تكون مثبوره اني وصلت للفندق ناسيه كومه امور  كل شويه اخابر جيبولي وياكم فلان شغله
انعام :مو انت حبيبتي لان ماعندج خوات  بقيتي مخبوصه بالتحضيرات  وحدج اني وامج يادوب طلعنا كم مره وياج
ريا :هي رفل بلا كلشي مثبوره هسه سمعت هالحجي راح تخليني اعيد على الجنطه
رفل :ضحكت بخجل اي والله ريا ارجعي عفيه اتذكري اخاف ناسين شي
ريا :ها شكتلكم
👣👣👣👣👣👣👣👣👣👣👣👣👣
رفل :يله مع السلامه انشوفكم بالقاعه ان شاء الله
طلعنا اني وريا /رشا وامي وخاله والبنات متفقين ويا غير صالون
ام الصالون من دخلت گلتلي طلعيلي البدله
شافتها سألتني العريس يحب شي بسيط لو مكياج طوخ
ريا :انت تعرفين اكثر من عدنا الي يناسبها رجلها ماعنده اعتراض
ماطول ريحتوني والله لا اطلعها تخبل فوگ جمالها
رفل:بالاول جنت كلش خايفه لان مسلمتها نفسي ومغمضه عيوني من دتخليلي المكياج...... ريا ولا نفس
والله من فتحت عيني جان المكياج كلش حلو والتسريحه سوتها بعد احلى  الحمد لله من لبست بدلتي جنت راضيه عن النتيجه
خلصنا من وكت  بقينا ننتظر  ......ريا بلغتني وصلت السياره
صعدت بصف علاء  ابتسملي 
علاء: شنو هالجمال قلب سويت نفسي دا اشاورها بوستها
وصلنا للقاعه
نزلت فتحتلها ريا الباب  وصلت يمها لزمتني من عكسي  اجى عيسى شايل گاميرا گلي خلى اخذلكم كم صوره قبل متدخلون
لگيتها من الله  انتچيت على السياره بدون عكازات ولفيت ايدي على خصرها صار ظهرها على صدري اخذولنا صور على هالوگفه ووحده من الصور گعدت على السياره من كدام يم الزينه وهي واگفه بصفي ايدها على چتفي والثانيه نفس الگعده بس هي واگفه گبالي لازم ايدها دا ابوسها  حاولت افرحها وما موضوع رجلي يحرمها من امور تتمناها كل بنيه
المصور الي بالقاعه هم جان ممتاز صورلنا لقطات حلوه اول ما دخلنا وهي لازمتني واني دا امشي بالعكازات من دخلنا سوا لحد الكوشه
رتبنا اني واهلي كلشي
من شغاوا موسيقا السلو اجى ابويه على رفل گومها تركص وياه  شويه 
بعدها اجوي اخوتي واهلنا يركصون جروا رفل واني عبدالله شالني على چتافه  ودخلونا بالوسط بيناتهم 
ومن صار وگت نكص الگيكه ابويه جابلي كرسي بصفي  استند عليه كصينا الگيكه اني ورفل  مشى كلشي تمام الحمد لله بس بعد مهلگت لان رجلي متتحمل وگفه بدون عكازات حتى لو استند على شي
زفونا للفندق شاورت امي گتلها دقايق والكل تروح لان بعد مابيه حيل وگفه  امي انطت خبر لابويه واخوتي
اخذت مرتي وصعدنا بالمصعد لغرفتنا  هي حست بيه تعبان
من دخلنا للغرفه ساعدتني نزعتني سترتي  گعدت على  القنفه
رفل :مر اليوم الحمد لله كله سهل من هلكد ما دعيت الله يسهللنا وعلاء ميحرج بشي وتنجرح مشاعره  الحمد لله اهله كلش حنان عليه بقوا واگفين طول الحفله يباوعون عليه اخاف يحتاج شي
هو حسيت بي على نهاية الحفله تعب واحنه بالگوشه سألته تعبت جاوبني شويه مابقى شي ونطلع بعدها ارتاح
من وصلنا للغرفه شفته تعبان نزعته سترته...... من گعد على الفراش  دنگت حتى انزعه حذاءه لزمني مقبل گلي لا حبيبتي اكدر انزعه بقيت مستمره نزعته گتله علاوي اني وياك واحد حبيبي مراح تقل قيمتي اذا انزع رجلي حذاءه جرني اكعد بحضنه گلي رفوله
ابقي هيج هادئه ومطيعه حبيبيتي قرب وجهه على وجهي وحسيت  ابأيده فتح سحاب بدلتي ........
بعدها گلي ترى الزواج حلو اني ابتسمت حضنته گلي خلى اتصل بأمي الو
انعام :هلو حبيبي هابشر
علاء:يوم هاي متقبل ودتبچي اباوع لرفل واضحك
انعام :ميخالف ماما تحمل حبيبي خطيه مو تستحي
علاء:اباوع على رفل  مبتسمه ونايمه بحضني گتلها خبلتني بالمستحى
انعام :انطيني احجي وياها
علاء :انطيت التلفون لرفل هي تحجي ويا امي واني مخلي وجهي برگبتها
رفل :الو هلو خاله
انعام :رفوله حبيبتي صيري سباعيه
رفل :خاله ديكذب عليج فضت
انعام:انطينياه
علاء:اضحك هايوم
انعام :ولك علاء انت حتى بهاي السالفه اداهر متبطل
علاء:نعومه انتظري حفيد جديد ٩ شهور هو يمج
انعام :ضحكت يله دروح ترى ادزلك فهد
علاء:ابتسمت هسه حاليا ابد مو وكته يله مع السلامه
رفل :شكد عيب شلون تگلها لخاله كلش تستحي هسه تفتهم انت تقصد العكس
علاء:ضحكت ليش انت تستحين مني شو ما شفت مستحى  گلتلي يا خبيث مو صوجك دنام وحدك لفيت ايدي قوي على خصرها
گتلها اذا تكدرين تفكين ايدي اخليج تنامين وحدج
اندارت عليه حضنتني ما اريدك تفكها خليني وياك
گتلها اموت عليج فلفلتي