يا احلى نوبات جنوني

التاسع عشر والاخير

#يا_احلى_نوبات_جنوني
#اماسي_الليل
بقلمي ام مريم
#الجزءالتاسع_عشر _والاخير
حقوق النشر محفوظه
علاء:دك التلفون جاوبت الو
الام :صباح الخير حبيبي ها گعتوا دنجي اني وعمتك والبنات عليكم
علاء:يوم ضروري تجون
الام :لعد شلون غير هاي عادات يجيبون ريوك
علاء:ما اريد اتريك
الام :ولك مو عيب من البنيه واهلها
علاء :راح اسمعج بأذنج متريد اهلها هسه يجون
لازم السماعه وابوس رفل شاورتها رفوله اگعدي عايفتني وحدي
مشتاقلج فتحت عيونها تتمطى صباح الخير
گتلها صباح النور حضنتها رفوله اهلج يريدون يجيبون الريوك مو وكتهم
گلتلي حبيبي ميجون اذا ميتصلون گتلها  تريديني.... لو تريدهم يجون  جاوبتني لا اريدك
گتلها امي على الخط  فزت  ......الو ها يمه سمعتي 
رفل :انطيني التلفون الو هلو خاله
انعام :هلو حبيبتي ديري بالج منه هذا يوثق اعترافات
رفل :همزين انت الي سمعتي مو اهلي.
خاله حبيبتي ننتظركم معليج بعلاء
انعام :لعد ساعه زين انمرلكم
رفل :براحتج
من سديت الخط ويا خالتي زعلت عليه گتله شلون تسوي هيج بله حجيت شي
علاء: مبتسم جنت متحضر اسد حلكج وانبهج امي على الخط
رفل :كمت من الفراش بسرعه گلي وين تعالي راد يلزمني ملحگ اتذكرت هو ميكدر يگوم يلحگني حسيت بغلطتي .......تلاحكت لنفسي گتله هسه اجيك علاوي بس اروح للحمام
من دخلت للحمام  حسيت بنفسي شكد غبيه جان انقهر مني وميصدك اني انسى موضوع رجله وما احس عنده اي مشكله
رجعت يمه گتله علاوي حتى ميصير بيناتنا زعل وانت متتحسس مني ترى اني انسى موضوع رجلك .......لان بتصرفاتك وبشخصيتك  وحبك الي متخليني انتبه يعني اخاف مرات اتصرف تصرف ترا والله مو قصدي اجرحك
علاء:ادري حبيبتي حسيت بيج اتلافيتي الموضوع من وگفتي...... بس اني ما ازعل منج لان اعرف انت متقبله وضعي من البدايه وتكيفتي وياه
هسه مو وكت رجلي ترى راح يجون تعالي شويه بحضني  حتى تفوتيني اسبح 
من يومها تعلمت اساعده من يفوت يسبح
ورا ما رجعنا لبيتهم ب ٤ايام اجاني العصر گلي رفل ابن عمتي رايد رشا شايفها بالعرس  ابوج ينطيها
گتله والله ما ادري اتصل بريا وهي توصل الموضوع
وراها رجعت اني اداوم وهو رجع لشغله  شويه صرنا نلتهي
عن بعض خلال هالاسبوع
بيوم السبعه مالتي بقى بالبيت لان بيومها ما رحت للكليه الصبح
من عرف گلي اني هم مراح اروح اليوم متفرغلج  فلفلتي
من بدت الحفله هو بالغرفه  كل ما افوت اغير بدله يبقى يتحارش بيه ليش مو وحده من المرات فايت فهد وشايف عمه ديبوسني من شفايفي من شفنا عمه لغمطها  
بليل من خلصت الحفله بدلت وطلعنا بالهول  كعدت بصف علاء
وكل شويه ينصي صوته يگلي سوي نفسج نعسانه وگولي تصبحون على خير حتى شويه واجيج
گتله عيب كلهم كاعدين نعوفهم  ورا شويه اجى فهد گعد بحضني
شو هذا لازم وجهي وباسني من شفتي  بس علاء شافه گلي راح يفضحنا امشي نفوت لغرفتنا گتله انت تريدها من الله
ضحك گلي وتالي ترى اخلي فهد يفتن واخلي وجهج ينطي ألوان
جلب فهد بعمه اخذنا ويانا للغرفه بقيت اضحك لان علاء حاول يزحلكه مكدر وبقى ينتظره الى ان ينام تالي هو نام وفهد بقى گاعد وبقى علاء يوم الي بيت عبد الله يباتون يمنا يتذمر من فهد
ومرات يگله عمو جنت مداريك عبالي ما اتزوج وتباريني من اكبر
ما ادري بيك لزگه بس هو كذاب يحجي هيج بس شقى بس بالحقيقه كلش يحبه ومتعلق بي
ورا ايام ردوا اهلي خبر موافقين  انخطبت رشا لابن عم علاء وعلاء ما راح بالمشايه بعده على خلاف ويا ابويه
بس عمي واخوته راحوا وبعدها حسيت بأعراض الحمل ويا امتحانات نهاية السنه
وراها اخذني سويت تحليل طلعت حامل اتذكره كلش فرح
مرت الايام وعلاقتنا يوم بعد يوم تكبر وحبنا يزداد صار بأفعال اكثر من الكلام
خلصت كليتي شلت من بالي فكره التعيين بوقتها علمود الحمل لان حملي جان كلش صعب بقيت فتره طويله نايمه على ظهري والوحام اذاني
وعلاء يطلع للشغل لنص النهار يرجع للبيت يبقى ويايه اغلب الوقت بالغرفه يسولف ويايه لو يداهرني حتى ما ابقى وحدي واضوج
وفد يوم جنت داخله بشهر السادس بليل  ملتمين بالهول كلنا اندگت الباب طلع عمي والولد وعلاء شرطه بالباب گلوله مطلوب انت بالمركز
راد يفتهم شكو ما عرف  خالتي هبطت گالت شكو عمي گلها رايدي بالمركز
دخل علاء للغرفه دخلت وراه  گلته شكو گلي لا ماكو شي رايديني بالمركز  سألته ليش گلي والله ما اعرف  بدل ملابسه
وطلع
عمي والولد راحوا وراه لتالي الليل كلش رجعوا بدونه گالو ا ود مختفيه واخوتها مبلغين على علاء من المشتبه بيهم
اني من سمعت بقيت الليل كله ابچي مفتهمنا شيمن الموضوع ثاني يوم عمي اخذ محامي وراح
طلع اكو فلوس مبيوگه من البيت والبنيه مختفيه بس المحامي مطمن عمي من شايف افاده علاء واوقات الي متواجد بيها
بيوم المفقوده اكو شهود اگدوا جان بالمكتب الي بمعارض السيارات الى ان اجى للبيت
ورا ٣ايام يله طلع علاء ورا ما عارفين ود مصادقه واحد  متقدملها واهلها مقابلين بايگه الذهب والفلوس ومهزومه وياه لازميهم على طريق كركوك
عمي والولد گالوا بعد منسكت عنهم اول مره تهموا وثاني مره نيموا بالمركز ٣ايام سووها كعدت عشاير
وفصلوا بيت مهند بمبلغ كلش چبير اتذكر وانفضحوا كدام المنطقه  مرت مهند اتصلت على علاء گلتله والله ادري اتأذيت بس هاي اختهم هجمت بيتنا وماعدنا هالمبلغ لازم نبيع البيت ومهند والله حالته حاله بين مصيبة اخته والفضيحه وبين مبلغ الفصل
گلتلي ادري بيها لفقتلك التهمه وسمعتها بأذني تسولف لصديقتها بس شافتني وعرفت اعرف بالمخطط مالتها وردت انبهك بس هددتني گلتلي اگول لمهند عندج علاقه بعلاء وشفته حاضنج واني اخاف منها من اول ما اخذت مهند وهي تسويلي مشاكل
علاءگلها اذا اريد منج تجين تحجين هذا الحجي كدام اهل مرتي
تقبلين واتنازل عن الفصل
البنيه قبلت بس گلتله ما اريد مهند يدري
وراحنا اني وياها وعلاء وريا ومنير لبيت اهلي وحجتلهم كل الموضوع  ابويه اعتذر من علاء ورجعت علاقتنا بأهلي الحمد لله
بعدها صار عندي ولد سمينا محمد علاء جان كلش خواف بس يتمرض يركض بي دكاتره يخاف  على ابنه لا ياخذ فايروس
ويصير بي مثل ما صار بي هو
طبعا صارت مشاكل بحياتنا لان اني عصبيه وهو عصبي واولها من كعدنا بيتنا وحدنا واني اتعينت  وعندي محمد كلش وضعي اتخربط كمت ما الحك بيت ودوام وطفل واودي الصبح لبيت عيالي وارجع الظهر اخذه هلكانه وشغل بيت   ومرات ابني يتمرض والتهيت عن علاء وهو يتخبل التهي عنه بشي يغار عليه من الكل يريدني بس اله وحده
حتى من اروح لاهلي يجي ويايه
بقى يتذمر فتره ونتعارك بسبب الوظيفه وفد يوم اني گاعده بصفه صار بيناتنا نقاش حاد فقد رفع ايده اني كمت من مكاني شويه من الخوف  ورجعت گعدت خفت لا ينقهر اذا انهزم منه  من شافني هيج سويت گلي رفل عوفيني وحدي جاوبته ما اعوفك گلي من تشوفيني اعصب مره ثانيه گومي لتبقين گاعده اخاف اضربج وما احس على نفسي
جاوبته  رجعت گعدت لان ادري بيك متضربني وممسويها قبل حتى  اتوقع  راح تسويها حتى لو هسه رفعت ايدك مو قصدك تضربني دتخوفني واني خفت 
بس خلي نتناقش بموضوع الوظيفه مالتي اذا لگيت المساوء الي بيها اكثر اتركها
جاوبني ياريت العالم تسمعج حتى لحد يعتب عليه من يشوفوني اموت عليج حتى جماعتي ينصبون عليه يگلولي تخاف من مرتك
لان ما احب اسهر وياهم وبس اريد ارجعلج

رفل:ورا مصار عندي عبد الله
كعدت من الوظيفه لان صار علاء واهسه بالجهال ويريد
ورا كل طفل   يصر عمره سنه طفل لخ
علاء :الله عوضني عن كل حرمان ومعاناة عشتها بحياتي
عوضني بأمي نعومتي وبمرتي فلفلتي لليوم ما اكدر بلياها  وبولدي ٦وبنيه تخبل تشبه امها كلهم متعافين جنت من اشوف ولدي يمشون برجليهم والله ناعم عليهم بالصحه احس الله انطاني رجل وسند وعزوه لكبرتي
بقيت لليوم احب مرتي وما اشوف وحده غيرها وهمي بيتي وجهالي وامي الله ينطيها الصحه جبتها تعيش ويايه ورا ما اتوفى ابويه
من كبرت لينا بنتي اخذها فهد ابن عمها  وابني الچبير اخذ بت خالته رشا ميس الي خلفتها من ابن عمي
انتهت القصه
وبسبب ابو التكسي الي رزلته رفل وخلاني  انتبه عليها واشوفها
انتهت كل معاناتي ونولدت من جديد