علاء:ثاني يوم كعدت على صوت اخوتي شفت الساعه بعدها ب٩ الاربع
باوعت على الفاره الي نايمه بحضني فهودي مگرفص ومدحوس بيه انقهرت عليه اگوم واعوفه حضنته ونمت ما ادري بنفسي الا سمعت دكت الباب وياها يله ماما گوم تريك طفرت
شفت الساعه ب ١٠:٣٠ فزيت يوم غير تگعدوني
الام :حبيبي شكو عندك
علاء:اوه نسيت اگلج غيرت موعد جيت رفل اتفقت وياها بليل امرلها ب١٠ نتريك سوا
الام :دگوم حبيبي لعد غسل وروحلها من ترجع اتريگوا سوا
علاء :من طلعت امي دكيت على رفل ....طلعتلي ريا صبحت عليها وانطتني رفل :الو
علاء:صباح الخير حبيبتي
رفل:صباح النور يا كسلان
علاء:والله گعدت قبل ال٩ بس كله من ورا فهودي شفت الجو بارد حضنته واخذتني النومه هسه طمنيني اتريگتي لو بعدج
رفل :هسه ريا دتسوي ريوك
علاء:لا حبيبتي تعالي يمي نتريگ سوا بعدني ممتريك
رفل : صحت ريا لتحسبين حسابي .....رجعت گتله علاء ريا تگول تعال انت اتريگ ويانا
علاء:يله بس ابدل واطلع ما اتأخر
بدلت بسرعه وطلعت الجو مغيم ورا دقايق زختها زحه اتأخرت بالطريق الى ان وصلت
لگيت رفل فاتحه باب المطبخ وواگفه من شافتني ركضت فتحت الباب الرئيسي
من دندخل گتلها حبيبتي ليش ممخليه شي على راسج تنكعتي
جاوبتني ضل بالي شفتك اتأخرت وصوت الرعد والمطر زاد طلعت ونسيت اخلي شي على راسي
دخلت للمطبخ سلمت لگيتهم ينتظروني گاعدين على الميز
منير :وين صرت ولك مو متنا من الجوع
علاء:نزعتي رفل قمصلتي وكعدت ......راحت جابتلي الصوبة الكربائيه خلتها قريبه عليه جان شعور حلو احسها تحبني وتخاف عليه .....راحت غيرت ملابسها
ورجعت للمطبخ صبت الچاي وساعدت ريا ..... وراها كعدت بصفي گتلها بصوت ناصي اموت بلي تخاف عليه
رفل:لزمت ايده جاوبته شعندي غيرك قلبي
ريا :اكلوا لتلتهون موتونا من الجوع
منير : بضحك عوفي شبيج اليوم ماخذه دور ابوج
علاء:اليوم دا احس اجاني اطلاق سراح
ورا مخلصنا اكل بقينا كاعدين على الميز نسولف رفل تحركت گتلها وين بصوت ناصي جاوبتني خلي انظف الميز قبل منروح
ريا :لاحبيبتي عوفي كلشي اني اسوي ابقي كاعده
علاء:رفوله شوفي الجو متحسن حتى نطلع
رفل:فتحت باب المطبخ جاوبته لا بعده المطر بس اخف من ما اجيت
علاء:لعد يله حبيبتي خلي نطلع
رفل :هسه دقايق ........رجت جبت چنطتي سلمنا وطلعنا لبيت اهل علاء
من وصلنا خالتي رحبت بيه
اخوته ونسوانهم مشايفتهم هوايه
بس بيوم الخطبه ومن عقدنا بالمحكمه عزمونا على الغدا اهل علاء
لان احنه حتى حفلة نيشان ومهر ممسوين بس لابسين حلقات اتفقنا من اخلص گليه نسوي الحفلات
المهم اجواء بيتهم حلوه مليان وملتمين گلهم دخلت للهول سلمت على عمي واخوة علاء ونسوانهم كعدت بصف رجلي شويه تعرفت عليهم
علاء:حبيبتي گومي بدلي ملابس بيت .....تعالي ويايه لغرفتي غيري
اخذتها ودليتها الغرفه فاتت اني رجعت كعدت يم اهلي بالهول ورا دقايق اجتي لابسه بجامه قطن طويله وعريضه ارتاحيت
اشرتلها تجي بصفي
من اجتي كعدت ....كمزت فهودي گلها اني ما احبج روحي لبيتكم
ضحكوا عليه گلولي هذا راح يغار من رفل
رفل:لا حبيبي عمو علاء يحبك انت ميحبني اني جايه على بيبي
علاء:اشوفه مقهور انقهرت عليه گعدته بيناتنا كمت احجي وياه بصوت ناصي
گتله فهودي هاي عمه حلوه هزلي راسه يعني لا
گتله ليش ولك مو اني احبها هاي العمه مالتي راح اتزوجها اجيبلك نونو بنيه مثلها انت تزوجها
گلي خليها تروح يم بيبي هاي مال بيبي ......رفل بقت تضحك
على سوالفه..... جاوبته بصوت ناصي لك هاي القلب مالتي وحدي ......اذا تحبها اشتريلك من الاسواق
اندار على رفل گلها روحي يم بيبي ما احبج
صحت على امي اجتي
ها حبيبي.......گتلها يوم هذا قافل على رفل يگلها روحي يم بيبي
ضحكت امي كلتله فهودي بيبي شوفها حلوه خاله
تعالي رفوله خاله يمي بالمطبخ اني التهيت عنج من ورا الغدا
عبداالله :هذا ابني ميحب شريك شاف رفل مكوشه على ممتاكاته ماصرفتله
رفل:ابتسمت لحمايه ورحت ورا ويا خالتي للمطبخ
يمها نسوان حمويني الصغار ديساعدوها جاملوني شويه فكيت اخذت راحتي مو مثل اول ما دخلت مستحيه
ورا شويه دخل علاء للمطبخ لگاني دا الگط بالخضره غمزلي
گلها يوم اني راح اطلع ارضي فهودي تريدون شي بنات اجيبه بدربي .......گلولي لا
رفوله تريدين شي
رفل :لا شكرا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
يا احلى نوبات جنوني
Romanceعلاء شاب يمتلك اعاقه تسبب له العزله والاصرار على النجاح بعيدا عن عالم الحب والنساء الى ان يلتقي برفل من ايقضت فيه مشاعر القلب الحي
