يا احلى نوبات جنوني

الخامس عشر

بقت طول الطريق ساكته  ووجها على الشباك اني هم عفتها براحتها
من وصلنا للبيت من دتنزل اندارت عليه گلتلي افتحلي الصندوگ دا انزل الجنطه ........اني ضجت لان تدري ما اكدر انزلها وهي تبرعت تنزلها ........جاوبتها لا هسه واحد من الولد ينزلها
نزلنا دكيت  باب المطبخ  طلعت امي بوست رفل ورحبت بيها گتلها يمه منو موجود من الولد ينزل جنطة رفل  ....... گلتلي عيسى هسه اصيحه
كتلها لرفل ليش واگفه متدخلين شنو اول مره تجين لبيتنا مجاوبتني باوعتلي بنظره ضايجه ودخلت  ورا امي .....وراها اجاني عيسى مزل الجنطه گتله وديها بغرفتي
من دخلت لگيتها گاعده ويا امي منسوان اخوتي تسولف بس خجلانه ومماخذه راحتها مثل كل مره من تجي
اتقصدت اصيحها كدام الكل گتلها رفوله تعالي ويايه للغرفه
اجتي ورايه من دخلنا سديت الباب
گتلها ترى ماكو داعي هلكد خجلانه الكل يدري اني جبرتج تجين ويايه ويدرون بمشكلتي ويا الوج وسويتها شغلت عناد وياه
اتعلمي هذا البيت بيتج والج بي مثل ما لنسوان اخوتي اتحمليني كم يوم دا ارتب امور العرس رفل ترى والله اني تعبان
ما عايزني تعب
رفل:جنت كلش مغثوثه منه لدرجه ما اكدر اباوع بوجهه هو فوك الموقف الي حلاني بي مكدر يتحملني وتذمر لان شافني خجلانه من اهله ميدري اني دا احس مثل الوحده مسويه شي بالحرام وجايه ديسترون عليها خلاني بموقف كدام اهله  كلش صعب
من بقى يحجي كلي تعبان واتحمليني  جاوبته ان شاء  الله
راح تمدد على الفراش
گتله اريد اغير ملابسي اطلع گلي رفل ميت من التعب لو تبدلين لو تنتظرين بين ما ارتاح شويه والله مدا اكدر اوگف من التعب
من شفته تعبان قلبي منطاني گتله علاوي شبيج  جاوبني مابيه
شي  عدل نفسه وگام من الفراش  گلي بدلي من تخلصين صيحيني  اجي انام وطلع
من شفته طلع ضايج متحملت كمت ابچي حياتي كلها انكلبت بين ليله ويوم  بين اهل وبين رجال ما ادري شبي مكلوب عليه
شكد جنت مرتاحه وسعيده وياه نكلبت كلها مغثه 
بدلت ملابسي وطلعت دا اصيحه لگيته متمدد على القنفه نايم
دخلت خاله بيدها غطى غطته
گلتلي رفوله تعالي عندي حجي وياج  دخلنا للصاله  كعدنا
گلتلي خاله اني ادري الشغله صعبه عليج وعلاء خلاج بموقف
صعب لان خاف لاتتأثرين بكلام ابوج ترى خاله والله هو يحبج
صارله من يوم المشكله منايم قلق ليصير بيناتكم شي يفرقكم
هاي شوفي هسه اجيتي وياه أمن يله كدر ينام  خاله لتصدگين
بهاي ود وبالتهمه الي ذبتها عليه الله لايوفقها ان شاء الله تطلع حوبته بيها
مثل ما غثته  اتحملي هالايام اخاف يصير عصبي لو يغثج  ترى
تعبان مو هينه عليه يذبوله تهمه كدام العالم واهلج واصدقائه
دياكل بروحه يريد طريقه يكشف هالكذابه
بس اني گتله الله موجود يطلع حوبتك بيها الي اريده منج تهونين عنه
رفل :والله خاله اني هم من يوم المشكله مشفت النوم وبس ابچي
ولو ما احبه ورايدته ما اجي وياه واعوف اهلي بس خفت من حلف عليه گلي اذا تختارين اهلج تحرمين عليه وماريدج تبقين يم اهلج وما اطلك  صح ضجت من الموقف الي خلاني بي  بس ما
اكدر اغثه واشوفه تعبان اطمئني خاله ماكو بيناتنا شي كلشي تمام
والشغله الثانيه لتنطي مجال منا ليوم العرس  لان اني ردت تجين تنامين يمي عصب وبقى يعيط گلي شي يخص حياتي ومرتي لحد يدخل بيها اني اشوف الانسب
والصدگ خاله اني ما اكدرله بس هسه الله هداه من طلع گلي
راح انام بالهول ورفل بالغرفه منا للعرس  البيت واسع ماشاء الله بس اخوته ونسوانهم فد ساعه ساعتيم يجون يباتون يمنا لان عمج من صارت المشكله طلب منهم ميعوفون اخوهم يبقون  وياه
الى ان تخلص السالفه
ولو هو عنودي ومقبل احد يروح ويا للشغل بس ابوه واخوته سووها غصبا عنه يخافون عليه
رفل :لا خاله ان شاء الله ماكو شي
انشاء الله اكو شغله هم اريد اگلج عليها تقنعي بيها تطلعون
لبيتكم من الزفه اني اريده يستقر ويرتاح مثل اخوته لكبار من البدايه يرتب حياته وانتو موبعيدين علينا بالشارع الثاني
خاله اني مو ما اريدكم لا والله هو عزيز قلبي واقرب واحد الي من ولدي  وانت احبج على حبه الج بس اني احبه يستقرون
اني وابوهم ما دايميلهم وهو عنده بيت مو مثل اخوته الصغار مجبورين يكعدون ويانا منا لحد ما الله يرزقهم وهم يصير عدهم بيوت ويطلعون  هو داگ رجل الا اني وابوه نجي يمكم واني ما اكدر اعوف بيتي
رفل :خاله اني هذا الموضوع ما اكدر احجي بي وياه لان اعرفه متعلق بيكم ومن البدايه گايلي اني لو اكعد ويا اهلي لو اهلي يجون ويايه  وتفقنا على هالشي
لخاطري عوفي هالموضوع هسه لنزيدها عليه كافي عليه مغثة هالمشكله تنحل وبعدين الله كريم هو يقرر
خالتي :اي والله خاله هم صحيح خلي لعد براحته يله حبيبتي روحي ارتاحي اريدج من يجون جماعتنا بليل تطلعين عروس
ووجهج مرتاح ما اريد يبين كدام احد عدكم مشكله
رفل :صار خاله بعيني گلتلي تسلم عينج