يا احلى نوبات جنوني

جزء٦

رفل :ثاني يوم  الصبح قبل لا اطلع للكليه گتلها لامي  على علاء رجع فاتحني بالحفله يريد يتقدملي
الام :وانت مقتنعه
رفل :اي الولد ريا مدحتلي بي خلتني اتندم رفضته اول مره
الام :هسه اروح لابوج اوديله الريوك وافاتحه بالموضوع واتصور ماعنده مانع لان بالمره الاولى ما اعترض
رفل :رجعت امي جايبتلي الموافقه من ابويه  قبل لا اطلع گلت خلي ادك 
شلت التلفون دگيت
علاء: جنت دا ابدل ودگ التلفون رفعته اجى صوت عيسى بأذني گتله سد السماعه التلفون الي .....سده
جاوبت الو
رفل :صباح الخير متأسفه اخاف كعدتك
علاء:صباح النور لا كاعد اكو اخبر لو دتصبحين عليه
رفل :علاء اهلي ماعدهم مانع
علاء:شوكت عندج مجال وماعندج امتحان حتى ادز مشايه
رفل :براحتك
علاء:انخليها عكب باجر الخميس حتى  تنطين خبر لاهلج راح امر اليوم اني وامي العصر اتفق ويا الوالد على كلشي  وحتى اشوفج
رفل :لعد اروح انطيهم خبر وانت هم تاخذ راحتك
علاء: يله اشوفج العصر ان شاء الله
طلعت للمطبخ لگيت امي ونسوان اخوتي  بالمطبخ ديسوون ريوگ
گتلها يوم رايدج بحجايه
اجتني ها حبيبي
گتلها حضري نفسج اليوم العصر انروح لبيت رفل  اطلبها من اهلها
الام :  ابتسمت البنيه الي انتظرت  تلفونها البارحه  رفل
جاوبتها اي هي  هسه ارتاحيتي يله ريگيني مبقى شي وتخلصين مني
جاوبتني اريد ازوجك حتى ترتاح مو ارتاح منك انت وليدي  عزيز قلبي  شوكت اتمرلي حتى احضر نفسي
گتلها ب٦ العصر
اتريگت وطلعت لشغلي  من وصلت ورا كم ساعه خليت ياسر يتصل على البيت گتله احجي ويا ابوك
اتصل وحددت موعد امرلهم اليوم للبيت  صحت على داوود گتله اني اليوم راح اطلع رايح اتفدم لاهل بنيه
انت وعيسى تابعوا عبد الله اليوم ميجي  واني هم بعد ما ارجع 
طلعت البيت
من وصلت فتت سبحت  وبدلت ملابسي   مديت راسي من باب غرفتي وصحت   يوم خلصتي
جاوبتني دقايق وليدي  طلعت انتظرها  بالهول  طلعتلي بأيدها
علبتين حلويات
گتلها يوم  اني بلياج اضيع تدرين نسيت ولا اجى بالي
جاوبتني اني ما انسى حبيبي عرفت راح تلتهي بشغلك ومتذكر
./گلتلي اوگف ماما بس ادخل قميصك من ورا
دخلته اخذت ايدها بوستها گتلها لو اشيلك لبيت الله على ظهري ما اوفي تعبج ويايه
شاقتني گلتلي هسه تجي رفل وتنساني جاوبتها اكو واحد ينسى روحه  ابويه طلع گلي شعندك اليوم تتغزل  وفرحان ويضحك
گتله حجي من خطبت امي مجنت فرحان  امي ضحكت گالت اصلا ذبح روحه يله قبلت بي يله امشي راح نتأخر

وصلنا لبيت رفل هاي اول مره اشوف ابوها وامها امي انطلقت اجتماعيه وتاخذ وتنطي بسرعه  بقينا تقريبا عشر دقايق
دخلت رشا جايبه حلويات ودخلت وراها رفل جايبه عصير
سلمت وگعدت گبالي  فاتحت اهلها  بالمهر والمقدم والمؤخر لان ردت بالمشايه كلشي مرتبين ومتفقين حتى مجرد يقرون الفاتحه
ابوها گلي اني اهم شي عندي تكمل كليتها  هالكم شهر يله تزوجون
وبقيه الامو الماديه هاي مو مهمه عندي بكد ما مهم عندي اتحافظ عليها وتصونها وتحترمها وتقدر العشره
جاوبته ان شاء الله ما اقصر وياها والي تريده رفل اني حاضر رفل گالت اريد اتعيين
گتلها ماعندي مانع  /امي گالتلهم هو حتى بيت عنده يعني يكعدون وحدهم  وسبع بالشغل واخلاقه اسألوا عنه  تنطونا رفوله وانتوا مأمنين
ابوها جاوب امي گلها اني منير اعتبره ابني ومن سألته وحمد بعلاء اخذت حجايته راس مال لان گلي عشرة عمر وابن اوادم
واني ماعندي اي طلبات هاي السوالف هم يتفقون عليها الولد والبنيه
علاء:من رخصتكم اكدر احجي ويا رفل وحدنا  .....ابوهاگلها  بابا اخذي علاء بالهول اتفاهوا
رحت وراها كعدنا بالهول گتلها بدون خجل الي تريدي اني حاضر بي
گلتلي نسوي المقدم والمؤخر مثل الناس شكد يسجلون  هالايام /اني ما اريد احملك فوگ طاقتك الي تكدر عليه اني قابله بي ماطول انت متمنعني اتعيين
گتلها لا ماعندي مانع  بس اكو شغله اني ما اكدر اترك امي وابويه يعني لو نسكن يمهم لو هم يجون ويايه لبيتي والشغله الثانيه ما اريد اطول خطوبه اريد اعقد
رفل:الي يريحك سوي ماعندي اعتراض بس احجي ويا ابويه هالموضوع ورا الخطبه
علاء:ان شاء الله رفوله اليوم اني باقي  بالبيت   شوكت صير عندج مجال اتصلي /جاوبتني من تجي ريا ويلتهون وياها اتصل عليك يله نرجع يمهم 
/دخلنا للصاله يم اهلنا بقينا شويه يمهم بعدها اخذت امي  ورجعنا بالطريق گتلها لامي اني ما اطلع بيت وحدي لو انتو تجون يمي لو اني اكعد وياكم
امي مقبلت گلتلي انت عندك بيت ومن البدايه رتب امورك وحياتك اخوتك كاعدين ويانا بعدهم هم يصير عدهم بيوت وكل واحد يستقر  اني وابوك شكو علينا جاوبتها لا تجون يمي لعد
گلتلي بالضحك لا اجي يمك ولا اريدك تجي يمي خلي تاخذك رفل تخلصني منك  عود تعال يوميه اشوفك وارجع لبيتك
جاوبتها بس اني لزگه مراح اخلصج مني نعومه