في دآخلي ،، آلقوة وآلرقة ،، آلقبول وآلعصيان ،،آلجنون وآلحكمة ،، آلامبالاة وآلنسيان ،،" قصتي اليوم بعنوان
#بنت_قلبي 1 ❤
Amwaj♡
سلام عليكم
اني تبارك _ عمري حالياً نهاية العشرينياتً تركت الدراسه بالخامس ابتدائي والدتي متوفيه من صغري وما اوعى عليها والدي كان شيخ جامعوالدي كان رجل متدين ومتعصب بالدين ومحد يكدر يناقشة بأمور تخص الدين تزوج والدتي على كبر اثنينهم كانو كبار بالعمر وره 5 سنوات من زواجهم يلة حملت امي بيه بصعوبة " على حسب أقوال الناس المقربين " بعد ولادتي والدي كلش انزعج من امي وصار يحاربها ويحاسبها على كل شيء لا طبة ولا طلعة حسرة عليها شوفة الشارع وجان كلش قاسي عليها وحتى جانت تطور الأمور بينهم وتوصل لحد الضرب وجانت المسكينه ابد متشتكي تاكلها وتسكت سنين هيه على هالحال والدي كدام الناس شكل وبالبيت شكل ثاني جان ضالم دكتاتور كلامة هوه الي لازم يمشي على رغم من كل شي حتى وإن كان على خطأ عانت امي منه هواي ومن بعدها اني
المهم" بعد ظلم والدي لامي الفقيره تمرضت من كثر القهر والحسره توفت ما أذكر بوقتها جنت صف اول أو ثاني ابتدائي من بعدها بدت معاناتي ويه الحياة من اول ما وعيت على الدنيا واني وحيده لا أم تهتم بيه ولا آب حنون ياخذني بحضنه ويطبطب عليه ومالكيت أحد يسألني شبيج مابيج حتى من جنت اغلط باي شي حتى وان كان بدون وعي وادراك آكل نصيبي من الضرب والإهانة ابويه كَرهني بكل كلمة الها علاقه بالحلال والحرام ____ أو كلشي بالنسبه اله حرام بحرام
__ اني يوسف عمري قريب الاربعين
والدي متوفي جان تاجر مقاولات عقارية ومواد البناء درست للسادس إعدادي وبطلت مجان الي واهس بالدراسة ولا بالشغل تركلي كل شي بعد وفاتة جربت حضي بالزواج مرتين ومتوفقت ارمل ومطلق وأب ل 3 بنات وشذى وندى وهدى عايش ويه بناتي و والدتي طيبه الحمد لله مرة كبيرة بالعمر
اني الولد الوحيد على 3 بنات خواتي كلهن متزوجات
طفولتي جانت كلش حلوه ماجنت اعاني من عقد أو مشاكل لحد ما بيوم اجه سكن بمنطقتنا رجال هوه وزوجته جان بوقتها عمري 10 أو 11 سنه وم هنا بدت المعاناة ......حبايب أن شاء الله ماراح اطولها عليكم بس رجاءاً ماريد تعليقات سلبية بخصوص تنزيل الأجزاء لان تعتمد على الضروف بس أريد آرائكم الحلوه فديتكم 😙😙😙