#بنت_قلبي 5 ❤
Amwaj♡
في بيت يوسف ****
ام يوسف* امي حبيبي الا متى تبقى على هالحال مو حتى الله ميقبل انت عندك بنات خاف عليهن خاف على سمعتهن خاف لا الله يعاقبك بيهن اتق الله يمه اتقي الله انت مو صغير الي بعمرك هسه حالهم غير حال
يوسف* يمه شلج بهالحجي قابل اني شمسوي
الام* ادري شتسوي من اشوفك هيج متشيك كلبي يعلمني وراك حسحسه بطل لك ابني انت كبرت على هالسوالف
**ااااااووووووف من تشوفين واحد يضحك لازم تكلبين عليه
الأم *ما اكول غير الله يهديك يا ابني
يوسف _ (( اليوم راجع للبيت من وقت عندي سهره ويه الشلة اتفقنه قبل جم يوم نروح يم وحده بنت حلال😉 كلللش )) بس الوالده عدها رادار يكشف كل شي ونكدت عليه قبل لا اطلع مثل كل مرة
_ها شباب ليش تأخرتو ياله يابه فضوها ورانه طريق
وصلنه مزرعه أم حنين " واستقبلتنه احلا استقبال😉 كعده واكل وشرب وبنات يهزن هزز يوم من العمر
** عيني ابو شذاوي محتاج شي اجيبلك شي
يوسف *لا عيني سلامتج تدرين بيه اني لهنا حدي بناتج ميفيدني
** لاتكولي صاير تستحرم دشوف البنات وداعتك كلهن جدد يفكن الكلب فك
يوسف*ام حنييين كافي بلا ملحه دسولي طريق أريد اروح للتواليت واخسل وجهي دوختيني
**اي عيني ليش لا اتفضل
يوسف *ردت بس اشرد منها رحت حتى اخسل وجهي وبطلعتي سمعت صوت بنيه ناصي تردد مواليد انتبهت من الصوت طالع من المطبخ صار عندي فضول ردت اشوف منو مديت راسي لكيت بنيه لابسه دشداشه حمره ورافعتها بال.... وحجابها لافته على راسها ودايرة وجهه تخسل مواعين دكيت الباب مرتين ما انتبهت تقربت عليها طلعت خاله سماعه بإذنها دكيت على كتفها فزت من مكانها ودارت عليه وشمرت عليه الماعون وكع ونكسر ردت امد ايدي واضربها بس شفت عيونها شلون خايفه ومدمعة وجهه الملائكي تختلف عن الشيطانات الي برة تراجعت اجتي أم حنين تركض كالت ليش انت هنا ابو شذى إذا تريد شي كولي الي اني اسويلك حسيتها ارتبكت وباوعت على البنيه خزرتها وكلتلها حسابج بعدين وطلعنه جنت مفاجئ كتلها لا تكوليلي هاي بنتج وضامتها عنا والله لو يشوفون الشباب الي اني شفته هسه يسون عليج انقلاب مقشمرتهم بهالزبايل وظامه الحلويات بالمطبخ ليش هيج
**وداعتك هاي مو من هالنوع بنيه نضيفه مالها بهالسوالف اني كاسبه بيها اجر
يوسف*شنو شنوووو😂😂😂😂انتي كاسبه بيها اجر كولي غيرها يمعوده
**شبيك ابو شذى ليش متصدك يمكن هاي البنيه "عملي الصالح " الي راح يشفعلي يم رب العالمين الله يخليك اسكت لا أحد يسمعك واترجاك لاتجيب سيرة كدام الشباب ترى والله ما اخلص من لسانهم وانت عيوني الك
يوسف*ماريد منج شي بس سولفيلي منو هالبنيه وشنو قصتها .......
يعني اكللكم حبايب😙 أريد آرائكم 🤗أريد توقعاتكم 🤗انتقاداتكم 🤗كل شي ماكو تكتبولي م شنو يعني 🤔اذا متعجبكم علواه تنتقدوني حتى اعرف اغلاطي وأحسن من كتابتي فديتكم حتى مالي واهس اكتب البارت
