#بنت_قلبي 11
Amwaj♡
تبارك* رغم جان المفروض يكون أسعد يوم بحياتي بس اني أبد ماحسيت بالفرح جان اكو شي يمنعني بس لو حاجيه كل شي بذاك اليوم الي شفت بيه يوسف اول مره ااااخخخخخ
يوسف*جنت محتاج مستمسكات تبارك علمود عقد المحكمه بس الي فتهمته منها انو مستمسكاتها ظلن بيت أبوها جنت متردد اروح لبيتهم القديم و لمنطقتنه القديمه بس علمود تبوكه اسوي اي شي بيومها رحت ودكيت الباب بس محد طلع سالت بالمنطقه وستفسرت كالو البيت صاير اللهم احفظنا سمعته مو زينه ناس طابه وناس طالعه تخبلت😠😠😠😠 رجعتلي كل شكوكي ضليت ادور وأسأل بقيت لليل وماكو البيت فارغ قبل ما احرك السياره شفت سيارة طبكت بالباب رجال ونسوان 2 نزلت ركض سويت نفسي أسأل على ابو البيت فاتن النسوان للبيت بس شكد جانن مقرفات روحي لعبت منهن بقيت واكف يم الرجال جبته يمنه وديته يسره لحد ما خليته يغرد بالحجي وهوه سكران كلي البيت جان لرجل أمه شيخ جبير بالعمر وأمه ورثت البيت سالته على بنته شفته تفاجئ من سؤالي لزمته من ياخته وحمرة عيني😡 عليه كلي ((البنيه جانت مو راحه ويوميه ويه واحد وجانت تطب وتطلع وتصرف براحتها حتى اني مخلصت منها جانت تنطيني الي اريده وكل شي بحسابه آخر شي باعت حصتها لأمي واخذت الفلوس وانهزمت ))
اني هنا الدم نشف بوجهي ومصدكت ضربته لحد ما فقدت كلي اذا مامصدك عندي ادله عليها كتله شنو دليلك راويني طب وطلع بيده صور انطانياهن قبل لا اشوفها كلي نصيحه اذا البنيه ابيتك اصرفها ها ترى هاي.......قبل لا يكمل ضربته 👊
طلعت بالسياره والصور بيدي وميهلي اباوع بيهن اخاف انصدم اكثر وصلت يم باب البيت واخاف ادخل فتحت الباب وكعن الصور من أيدي و اطشرن بالكاع نزلت المهن وعيوني بعد متشوف من الدموع الم بيهن وايديه كوه احركهن اباوع على شنو ولا على شنو وحده ربني ما خلقتني كل شي ماكو
لك اني شسويت بنفسي منو هاي الي اني لفيتلها بيتي وكعدتها يم بناتي منو هاي الي اني خليتها على ذمتي
جنت مخنوك اذا هسه اشوفها كبالي اموتها خلاص
خليت وطلعت بالسياره والصور بيدي وما مصدك رحت شربت شرب لحد ما فقدت رحت بتت بالمكتب بس مانمت ولا عيني غفت دقيقه وحده بس ابجي مثل النسوان شكد جنت متاذي من سالفة الزواج والنسوان وجنت شايل الموضوع من بالي سنين وشلون اجتي هاي الزعطوطه جانت بنظري فعلا زعطوطه وبريئه بس طلعت اني المظحكة وضحكت عليه بلحظة ويمكن اول ما شافتني يم ام حنين عرفتني وضحكت عليه لأن وين اكو هيج شي بنت ليل تستر على وحده شريفة وتلفيها بيتها وهاي لعبة منهن وضحكن عليه وطلعني طرطور اااااخ
تبارك*بيوم جمعت كل قوتي وقررت احجي ويه ابو شذى على موضوعي جنت النهار كله متوتره ومو على بعضي شافتني شذى هيج سألتني شنو مظوجني كتلها عندي موضوع ويه أبوها ومنتظرته كلتلي هيج راح تنتضريه مفهمت شنو قصدها كتلها شلون لعد كالت انتي هسه مخطوبين ولازم تستعدين لهيج مقابله كتلها شسوي يعني جنت لابسه دشداشه فالينه كالت بدلي وعدلي وخلي شويه مكياج صح انتي حلوه بس الزلم يحبون هيج شي
انصدمت منها شلون صغيره وتفتهم واني الجبيره وكل شي ما اعرف اسوي مثل الأطرش بالزفه
كتلها ما اعرف اخلي مكياج كلتلي اني اسويلج شعرج واخليلج مكياج صدك لبستني ثوب منها اسود وبيه احمر كلش حلو وخلتلي مكياج خفيف وسوتلي شعري برم طلعت احلا من يوم المهر جنت فرحانه بشكلي ونسيت همي صار المغرب وتعشينه وصار اليل ونامن البنات
وضليت انتضر لحد ما نعست ونمت وصار الصبح وهوه ما جاي للبيت ضليت على نار خفت عليه هواي سألت عمتي حجت عليه هواي بس مافهمت شنو كالت ...
فديتكم 😙😙😙😙
