#بنت_قلبي 4 ❤
Amwaj♡
تبارك_حياتي ويه ابويه جانت عبارة عن جحيم كل الي اتذكره من طفولتي هوه بس القهر بطلت من المدرسه واني جنت توني اعرف اقرأ واكتب وانحبست بالبيت و مجنت اشوف الشارع وحتى ما عندي صديقات ولا أي أحد يسأل عليه حتى جوارينه الي جانو يحنون عليه هم شالو من بعد ما ابويه شردهم من المنطقة وانقطعت اخبارهم ومحد سأل عليه بعدها ربيت نفسي بنفسي وعتمدت على روحي بكل شي تعلمت شغل البيت لوحدي وتعلمت الطبخ وصرت أم بيت شاطره بس شنو جاهله كلشي ما اعرف اسوي غيرهن حتى حجي ما اعرف احجي بنيه ضعيفة الشخصيه جبانه مالى اي كلمه ولا رائي كضيت سنين من عمري لوحدي بيت كأيب مابيه روح وأب قاسي ماعنده اي رحمة وكل شي بالحياة عنده حرام حرام حراااام حراااام كرهت الدين والدنيا جنت اكره اصلي وأكره اصوم وأكره كل شي ابويه علمنياه جنت اكول معقوله رب العالمين هيج يكره عباده هيج جان تفكيري كبرت وصرت مرأة وعشت سنين عمري عدت واني محد شايفني ولا شايفه أحد اذا اطلع بس للضرورة و البس بوشيه مشفت من حياتي يوم حلو حتى كمت ما احسب عمري وتاهت عليه الأيام والدي تعرض لحادث وصار شبه مقعد لفترة واني الي جنت اداريه واعتني بيه ومقصرت بواجبي تجاهه بس آخر فتره تغير صار يترددون عليه ناس أشكال والوان للبيت لحد ما اجه بيوم وبلغني انو راح يتزوج وانو لازم أحضر لبيت للعروس الجديده هنا اني جنت طايرة من الفرح كلت وأخيرا راح يجيني الونس بس انصدمت أكثر من بعد ما اجتي المحروسة 😳 مرأة كبيره ومو حلوه وصوتها عالي وتخوف وابويه كل كلمه ما اله عليها سيطرت على البيت وعلى ابويه وكل شي تريده يتنفذ اني مجنت اصدك ابويه هيج يصير بيوم من الايام جنت حتى بده يغير نضرته للدين ويحلل بكيفه ومرته تطب وتطلع براحتها بدون أي محاسبه اكتشفت انو هيه صاحبة صالون نسائي رادت وحاولت هواي تجرني وياها لعالمها بس ابويه جان معارض وبشده واني جان قليل اختلاطي بيها لاني ماجنت اجتماعيه ولا أعرف احجي واجامل لحد ما زاد المرض على ابويه كام يتردد علينه ابنها شاب جبير بحجة يساعدها على ابويه اني مجنت اطلع بحضوره مرة عن مرة صار يبات يمنه بالبيت أو هيه تطلع وهوه يضل لحد ما اضطريت اتواجه وياه جان ابد مو راحه وما جنت أحب نظراته كلش كرهت ابويه على الي سواه وشلون بهذلني لحد ما اجه يوم الي توفه بيه ابويه وراح لدار حقه وضليت اني للعذاب بيد الي متخاف من الله عشت وياهم بالبيت واني غريبه جنت انام واني ميته رعب لحد ما مره سمعتهم يحجون بيناتهم وابنها يطلب انو تتركني لوحدي وياه بالبيت بس مفهمت على شنو وليش جنت ما أفهم بهيج أمور وره يومين جنت مخلصة شغل ودخلت للحمام وبين ما قريب اخلص ما اشوف اله وباب الحمام انفتحت عليه وهذا الولد اكبالي وبيده كامرا ويصور ويضحك واني بنص الحمام ما اعرف وين وشلون اغطي نفسي ..........
ها بنات شنو رائيكم بالأحداث وشنو توقعاتكم 😙😙😙
