#بنت_قلبي 10
Amwaj♡
تبارك*فاتحتني خالتي ام يوسف على موضوع العريس الي جاي عليه وكلتلي انو هيه رايدتني لابنها انطتني مجال افكر بس اني بشنو افكر لا اكدر اقبل بهذا ولا بذاك شلون موقف وكعت بيه ولازم انطي عذر مقنع للرفظ والله حرت شنو اسوي راح يوكف عقلي من التفكير ..
يوسف* مر أسبوع وماكو رد من تبوكه ومالي عين أسأل امي لان اني كتلها خليها على راحتها صح مامستعجل على الزواج بس خايف لاتختار
أم يوسف* يمه تبارك ما رديتيلي خبر شنو اكول للجماعة ترى منتضرين من عدنه خبر كوليلي اذا عندج اي شي كولي لاتخجلين مني
**هاا لا خاله ماعندي شي بس اني ماريد اعتذري من الناس اني ماريد أتزوج
*اي خوش لعد بس شلون يمه ماتزوجين تبقين هيج ؟
*انتي بنيه حلوه ومرتبه وبعدج صغيره وراح تبقى العيون عليج لازم تشوفين نصيبج واني حبيتج وابني شاريج والبنات يجي يوم ويتعودن عليج وامورج تمشي وافقي وماراح تندمين
**خالة اني ماعندي اعتراض على ابو شذى رجال والنعم منه بس اني خايفه ما ادبرها وياه اخاف ما اعرف اصرف مثل متشوفيني اني لا علم ولا فهم
يوسف*كلتلي على رائي تبارك وعذرتها كتلها يمه خليني اني احجي وياها احسن واسمع منها كالت بكيفك كعدت ويه تبارك وحجيت وياها وجنت متنظر منها اي كلمه بس ماحجت شي جانت بس تصفن وعيونها مغوركه دموع ضجت كلت يمكن متريدني واني ضاغط عليها او يمكن عدها حبيب كتلها هذا عرضي ساري عليج شوكت ما وافقتي انطي خبر لأمي وخليت وطلعت بس جنت مخنوك حسيت اكو شي تريد تكوله وتخاف مادري ليش هيج حسيت الله يستر هاي بس لا بيها شي وتخاف تكول .... لا يا الله شلون تفكير هذا والله راح اتخبل اني صوجي ماسمعت كلام امي من البداية وما دورت وراها اخاف يطلع كله جذب بجذب ويمكن حتى أبوها ما ميت يمكن تطلع مهزومه ويه واحد وغادر بيها أو يمكن جانت تشتغل ويه أم حنين لا ما معقوله ...عقلي راح يوكف من التفكير لازم اشوف طريقة واعرف كل شي ....
تبارك*اني لازم اشوف طريقه واصارحه وراها شيريد يصير خلي يصير حتى اذا طردني بس امه متنطيني مجال عيونها عليه ليل ونهار شلون احجي وياه حاولت ومكدرت مالكيت فرصه ...كتلني التفكير كلت خلص أوافق وبلكت تصير فرصه احجي وياه والله يسهل عليه لأن اني مضلومه ومالي ذنب الله شاهد عليه
**خاله اني فكرت و موافقه على ابو شذى اعذريني لان جنت متردده الله شاهد انتو احن عليه من اهلي بس خايفه تزعلون مني واصفه بالشارع
*لايمه معذوره حبيبتي انتي بس لدام اني موجوده ونفسي بالدنيا ماراح اخلي احد يزعلج اخذيها مني حجايه مو هوه ابني بس اني اريد اربيه لان شبعت قهر من وراه اريد الله يعدل حاله واشوفله وليد يحمل اسمه بعد عمر طويل ويدير باله على خواته واريدج أم لذني البنات مالهن ذنب الجبيره يتيمه مثلج والصغار أمن شامرتهن لا تسأل ولا تكول
(يوسف عرف بالموافقة وطار من الفرح ونسه شكوكه تجاه تبارك عبالك اول زواج اله و كطعو مهر يم السيد وامه وخواته سوو حفله بسيطه للعائله كل هذا و ماصارت فرصه لتبارك أن تحجي ويه يوسف )
يوسف*جنت فرحان لدرجه نسيت كل شكي وهمي تجاه البنيه وكطعت مهر عليها يم السيد وخواتي سولنه حفلة عائليه بسيطه بيومها اول مره اشوف تبارك كمرأة شطالعه تخبل اني الي شايف اشكال والوان من نسوان بس تبارك شي ثاني برائة عيونها دمرتني اول مره ارغب بيها بس جنت مسيطر على مشاعري لان هاي #بنت_قلبي الله يقدرني بس واكدر اسعدها .....
سامحوني على التأخير 😙
