#بنت_قلبي 7❤
Amwaj♡
من بعد الي سمعته حسيت كلبي يريد يوكف معقولة تفتر الدنيا هيج وطفلتي تصير كبالي من بعد كل هالسنين بس كلت خلي اتأكد اخاف صدفة كتلها البنيه شنو اسمها وين أريد اشوفها كالت اسمها تبارك هسه اصيحها بس ما اعتقد تقبل خلي اشوفها
ورة شويه اجتي وكفت على صفحه لابسه عباية رأس 🙈🙉🙊 ياااربي هاي شنوو كلبي يدك حيل أمور كلها تخربطت أريد اربط شكلها بالشكل القديم الي أبالي ماكو اي ربط كدامي بنيه شابة ولو كل شي ما مبين منها بس طول وجه يايابه اني بهالحضات مثل آب ومضيع طفله صار سنين شنو هالاحساس ماحسيت على روحي اله واني كمزت حضنتها حيل حيل واصيح تبوكه ولج تببوووكه وينج كل هالسنين وشنو صار بحالج وابجي بحركه مادري شنو من شعور ما اكدر اوصفه بس دموعي تنزل ....
تبارك _من كالت سناء اكو واحد يريد يساعدج توقعت يمكن اشتغل بمكان لان اني هنا كاعده على اعصابي وما اكدر اضغط عليها أكثر من هيج سوت الي عليها وأكثر
لبست عباتي ورحت وياها اول ماطبيت لكيت نفس الرجال الي صادفته قبل جم يوم بالمطبخ انصدمت شفته صافن عليه خفت ولعب كلبي كلت بس لا غدرت بيه سناء وراح تبيعني اله
وره شويه اجه حضني عبالك يعرفني جنت أريد اقاومه بس من كال تبوكه هالاسم محد يعرفة غير .....نسيت اسمه الولد ابن جوارينه بس معقوله هوه شلون عرفني و عرف مكاني
يوسف_تبارك سولفيلي شلون وليش انتي هنا أريد اعرف ؟
وين ابوج ؟ ؟
لج هذا شلون يعوفج بهيج مكان ؟
منو الي ضحك عليج وطردج من بيتج؟ ؟ ؟
هواي أسأله أريد اعرف اجوبتها انتي جنتي بعالم يختلف شجابج هنا ها كولي احجي مدا اصدك عيوني اني جنت اكول هسه اتزوجت وصار عدها اطفال ومستقرة بحياتها ليش
تبارك*شلونهم أهلك .....
يوسف*تبارك زينين امي عايشه وخواتي تزوجن بس ابويه توفه الله يرحمه بس احجي تبارك أريد اسمع قصتج
تبارك*😭😭😭 ضليت سنين على حطت ايدك مثل ما تركتني ابويه قبل وفاته بفترة أتزوج وحده ام صالون طلعت بس الله يدري بيها شنو لعبت بيه لعب ورة ما توفه ابويه ضحكت عليه واخذت تنازل مني بالبيت وبعدها باعتني لوحده تشتري بنات وتشغلهن واني الله نجاني و بالصدفه وكعت بيد أم حنين الله يستر عليها لفتني يمها وجانت احن من هواي ناس عليه
ما شفت اله فجئه حضني وضل يمسد على راسي وكأنما آب وحاضن بنته كلش تأثرت (طبعآ ماكتله كل الحقيقه من بعد ذاك اليوم الي دخل عليه النذل ابنها وصورني وضل يتفرج عليه واني مثل السمجة الي مطلعيها من المي وشلون لعبو هوه وامه عليه لعبه واخذو البيت وشلون راد ياخذ شرفي الحقير ويستغلني ويشغلوني لحسابهم اخخخ من القهررر لو ما الله سخرلي ملائكته حتى يحموني وينطوني قوه حتى ادافع عن نفسي بذاك اليوم الله اعلم شنو سوه بالصور ابد ما أنساه هذا اليوم ) حسيت على نفسي صافنه وهوه يحجي وياي ويطلب مني اروح وياه لبيته........
