#بنت_قلبي 14
Amwaj♡
تبارك*من بعد ما صليت واندعيت لرب العالمين يوكف بجانبي واني هالمرة محتاجته أكثر من كل مره ماريد اطلع من هذا البيت يارب انت أعلم بحالي انت أعلم اني شنو شفت بحياتي هسه صار عندي إيمان كلش قوي بيك ساعدني يارب ساااعدني
شذى*كلش انقهرت على تبارك وعلى بابا هم جان واضح انو يحبها من عيونه
اني شذى بنت يوسف يتيمة الأم عمري 16 سنه طول عمري واني اشوف بابا بطل احلامي كلش أحبه واحترمه وما فد يوم زعلني معاملته كلش حلوه وياي و ويه خواتي هم بس اني اول فرحته جنت أتمنى تكون عندي أم بس قدر الله وما شاء فعل هيج قسمتي بيبي ربتنه اني وخواتي ومشتنه على النظام وبابا الحنية كلها بيه قبل فترة اجت تبارك للبيت جنت مستغربه وجودها ويانه بس تقبلتها لان طيبه و حنونه وهادئه بس جانت دائما حزينه سمعت من بيبي تريد تزوجها لبابا وهوه موافق كلش فرحت بس مابينت كدام أحد لان أتمنى بابا يعيش حياته مثل كل الناس حياة طبيعيه تزوجها وشفت الفرحه بعينه والدنيا ما واسعته بس تفاجئت اليوم بابا تصرف وياي تصرف مو حلو ومد ايده عليه صح اول مره يسويها بس هم أول مره احس اكو أحد يوكف بجانبي تبارك وكفت بوجه بابا علمودي كبرت بعيني هواي جنت حاسه انو اكو شي بيناتهم من الراشدي الي اخذته تبارك من بابا وباليل حسيت اكو أصوات عاليه طلعت من غرفتي وسمعت تبارك تحجي باب غرفه بابا اسمعها وابجي عليها وعلى الظلم الي شافته وتفاجئت من قساوة بابا عليها بكد ما هيه فطيرة وعلى نياتها مافهمت ابويه شيريد منها كلش انقهرت عليها شافتني وبين عليها الخجل لان جانت بوضع متنحسد عليه ماجنت ااريد بيبي تحس عليها نزلتها لغرفتي حتى تنام و ترتاح بس ما نامت
من بعد وهيه تصلي دموعها ابد منشفت وسمعتها تدعي من كل كلبها كلبي كلش انكسر عليها كلت بلكت اكدر اسوي شي واساعدها ....وسألتها خالة ليش ما صارحتيه من البدايه؟
تبارك*انتي ......
شذى*اي خالة سمعت بس ليش ...لو مصارحته يمكن ما جان عصب عليج مثل هسه يمكن بوقتها كدر يفهم كلامج ويستوعبه بس هسه صعب لان ديحس انهانت رجوليته انطيه مجال بس لاتخافين بابا كلبه طيب واكيد راح يهدء وراح يسامحج .
تبارك*ارتاحيت شويه من سمعت كلام شذى حبيتها هواي على موقفها وياي بس اني لازم اتصرف واخليه يصدك كلامي
..شذى كليلي شنو لازم اسوي الله يخليج ماريد اطلع منا ماريد ابوج يطردني للشارع ماعندي أحد غيركم وما حسيت بطعم الراحه والأمان غير بس هنا 😭😭😭😭
*خاله اكولج على شي بس لاتزعلين مني
**لا كولي ما ازعل
*يعني مثل هالموقف مالج حل غير تسمعيني كلام بابا
**شنو هوه كلام ابوج ...كولي الله يخليج
*يعني انتي اول وتالي راح ...اااااايعني بابا علمود يتاكد انو هالشي صار بدون قصد ومن دون ارادتج لازم ياخذ نيشانج
**شذى الله يخليج احجي شي أفهمه يعني شنو ...
*يعني يعني شنو مافهمتي ؟ ؟
**لا والله ما فهمت هوه كلي ثبتيلي بس مفهمت شلون أثبت واني ماعندي اي دليل
*عندج نيشانج انطيه لبابا وراح يهدء ويرتاح وقتها راح يصير سهل تخليه يسامحج
**وشنو لازم اسوي ...؟
*تعالي حبيبت اني افهمج ........................................................................................................................
😢😭 مادري شنو اكولج هالشي كلش صعب عليه ما اعرف ادبرها
صباح الخيرات واليرات مكدرت انام لعيونكم دا اكتب بارت 14 ومنتظره أذان الفجر 😙😙😙😙
