#بنت_قلبي 16
Amwaj♡
يوسف*من بعد الموقف الي خلتني بيه الوالده ماجنت اكدر ارفظ حتى لاتشك بشي وهم جنت متمني بداخلي يكون كلام تبارك صحيح وتطلع نظيفه مثل ما اني متخيلها وهم ماجنت اكدر اذبها للشارع لحضات تخليت وحده من بناتي بهيج موقف ااااااااه تبارك
مكدرت اسوي شي ولا احجي وياها بعد طردتني امي من البيت حتى ياخذون راحتهم جانت الأيام تركض ركض واني كل شي ممسوي على حالي لحيتي طويله وجهي اصفر جسمي تعبان جسد يمشي بلا روح
قبل يوم من العرس جنت بالمكتب صافن وحسبه تجيبني وحسبه توديني قررت اروح لذاك التافه مره ثانيه وارجع أسأله بلكت الكاه صاحي واحجي وياه واخذ منه الفلم ماكدر اعوف عرضي بيد واحد ناقص ماعنده شرف حتى وإن اضطريت استعمل القوه فما راح أقصر على الأقل رجعت جزء من كرامتي ...واني بالطريق لذاك البيت افكر وافكر لحد ما وصلت بس انصدمت من الي شفته البيت عباره عن سواد قطعه فحم كل شي ممبين منه سالت عنهم الجوارين كالو كل الي بيه راحو بالحريق الأم والابن والساقطات الي ملفيهن يمهم وياهو الاساله يكول" جهنم وبئس المصير " هذا جزاء رب العالمين الأم جانت فاتحه صالونها للفساد والابن فاتح البيت للدعاره الله على كل ضالم اني ضليت صافن لك هاي شنووو😦 صدك" أن الله يمهل ولا يهمل " معقوله هاي حوبة تبارك وهاي جزاة الظالم جنت فرحان من داخلي من الي شفته والي سمعته من الجوارين أشياء ميتخيلها العقل حسيت ناري بردت شويه من بعد هاليوم وعد عليه حتى وإن طلعت تبارك مو بنيه راح اسامحها اي اسامحها بنت_قلبي هاي ماكدر اتركها للشارع ....
اتصلت بامي وكتلها ماراح اسوي زفه ولا هوسه باجر أريد اسوي غدة عائلي وهاي هيه امي ليش ما ليش كتلها هذا الموجود اني مو صغير وبناتي بطولي واطلع بزفة امي استسلمت لرائيي جنت أريد اخذ تبارك واطلع بسرعه مقرر بهاليوم اخذها وافرها على الائمه ويكونون شاهدين عليه وعليها وفعلا خلص الغده وحضرو تبارك واخذتها وطلعنه من البيت بحجة راح اخذها افرها وبعدين نروح فندق بس اني اخذتها وطلعنه للنجف الطريق كله لا اني حجيت ولا هيه ضلينه ساكتين زرنه وطلعنه لكربلاء وهم بدون أي كلام لامني ولا منها زرنه الإمامين وكفتها بين الحرمين وسألتها كتلها احلفج بالله ورسول الله وأهل بيته اذا الكلام الي انتي كلتيه صحيح جاوبي الصدك لان هنا اني راح انطيج فرصه متتكرر مرتين وراح اعفيج من طلبي وراح اخليج على راحتج شوكت ما حبيتي يكون زواجنه حقيقي اني راح انتضر بس كولي الصدك هسه وهنا وبهذا المكان ولا تخافين. ....
تبارك* من بعد ما سمعت هالكلام اني ماجنت اعرف شنو اكول وشلون اتصرف لزمت ايدة وبستها وكتله وحق ربي الي خلقني وخلق الكون انظلمت وراح حقي وعمري كله ماعرفت الغلط وسويته وداعتك انت ماحسيت روحي آدمية غير بس من شفتك ودخلت بيتك وانت بعد بكيفك تصدكني أو لا بكيفك واذا بيوم طلع كلامي كذب اني ركبتي إلك ....
يوسف*جانت كل كلمه تكولها تنحفر بكلبي اباوع عليها واكول الي عدها هيج عيون بريئه مستحيل تكون عرفت طريق الغلط حبيت كلامها لان جنت أريد اصدكها وخصوصا من بعد ما رب العالمين نصفها واخذ بثارها .......
بارت سريع وإن شاء الله القادم هوه الأخير
أكتبه برااااااحتي 😉😉 وانزله باليل انتضروني😙😙😙😙
