مي.اه رجعنا ،يا بختهم زمانهم دلوقتى مبسوطين اوى
سمر(صاحبتها).يا بختهم،عقبالى بقى
مي.هييييييح😍
سمر.قوليلي بقى ايه اللى حصل ف الفرح بالظبط
مي.مش كنتى جيتي يا ندلة ،بدل م انا كنت قاعدة لوحدى
سمر.مصطفى اخويا قالى لا،اقعدى زاكرى😒
مي.شفتى اخويا المتخلف ،برضه جه وزعقلى ع الفستان واحرجنى ادام الناس
سمر.هو كان فاضي يزعقلك
مي.والله يا بنتي ساب العروسة وحلف بالطلاق لو مالبستش شال ع الفستان مش هروح الفرح
سمر.ههههههههههههههههه،حلف بالطلاق قبل مايتجوز،امال بعد مايتجوز هيعمل ايه
مي.اسكتى بقى خليني احكيلك
سمر.احكي احكي
مي.وهما بيرقصوا حضنها جامد وفضل يلف بيها ،واخد المايك وفضل يقول انه بيحبها من يوم لما اتولدت وان هو تقريبا خاطبها من يوم سبوعها وكلام كتير رومانسي
سمر.هااا،وبعدين😍
مي.وهما مروحين شالها وطلع بيها وزمانهم دلوقتى مبسوطين اوى😉😉😍
سمر.انتى قليلة الادب😂😂
مي.انا عارفة😂😂بس بجد يا بختهم اوى
سمر.الله اكبر ،ده اخوكي يا ولية
مي.نفسي ياسمر اتجوز بقى ولا ازاكر ولا اخاف على نتيجة ،اقعد ف البيت اربي عيالى
سمر.يا سلاااااام😍😍
ميرفت.يا مي ،انتى صاحية
مي.سلام بقى،هشوفك بكرة ف الدرس
سمر.مش هتروحى معاهم لاخوكى
مي.ياريت يوافقوا اروح معاهم
سمر.سلام بقى ،الرخم بيزعق
مي.سلام
قفلت مي الفون وخرجت من اوضتها
ميرفت.نادى حمدى علشان تاكلوا
مي.يعني بتناديني من اوضتى علشان اناديه😣😣
ميرفت.يلا يا بت
مي.ماشي
راحت مي تنادى حمدى وكان بيتكلم ف التليفون وسمعته
حمدى.بس انتى كنتى زى القمر النهاردة،كنتى احلى م العروسة.............هانت كلها كام شهر ونتجوز احنا كمان يا ايسو
مي.حمدى،يلا العشا
حمدى.ماشي يا مي،باى يا ايسو😍
