انور.نسيت ايه
سارة.فاكر احمد السيد
انور.😒🙅وايه اللى فكرك بيه دلوقتى
سارة.فاكر يوم لما جه يخطبنى منك عملت فيه ايه
انور.ولو شفته تانى هبيته ف المشرحة
سارة.علشان اقولك اللى بيحب بيبقى معمي ،مش شايف غير اللى بيحبه بس
انور.😂😂😂ضحكتينى يا سارة وانا متعصب
سارة.ومتعصب ليه بقى،مي هتتجوز دى حاجة كويسة
انور.سارة الجوازة دى محكوم عليها بالفشل
سارة.ليه بس بعد الشر
انور.سارة انتى عارفة ليه،اولا مفيش توافق فكرى ولا اى توافق من اى نوع،راجل بيحب عيلة اد ولاده
سارة.مايمكن يقدروا يفضلوا بحبهم 😍
انور.نظرتك الرومانسية دى مش ف الحقيقة،دى بس ف احلامك ومع سندريلا بتاعتك
سارة.طيب سندريلا لقيت الامير بتاعها وانا لقيت الامير بتاعى ،مايمكن مي هى كمان لقيت أميرها
انور.بقولك هو معاد الدكتور امتى
سارة.بكرة😕
انور.ماتقلقيش،ان شاء الله خير
سارة.احنا قربنا ع السنة ومفيش حاجة خالص
انور.اصبري ،لسه امر ربنا
عدت ايام كتييييييير ومي اتخطبت للدكتور عمر وف امتحانات الترم التانى
مي.كلها كام يوم وابقى عروسة،والبس فستان ابيض 😄😄
سارة.ربنا يسعدك يا مي
اسراء.انا لازم امشي دلوقتى
ميرفت.ماتستنوا شوية يا ولاد معانا
اسراء.معلش يا طنط تعبانة،انتى عارفة الحمل بقى
حمدى.هانت كلها كام يوم وربنا يسهل
سارة.💔
انور.😘سو حبيبتى ،بقولك ايه ماتيجي نروح شرم
سارة.ياريت يا حبيبي 😍
انور.نعمل شهر عسل تانى 😘
حمدى.طيب نسيبك انت يا عريس،ونروح احنا يا ام عتريس
مشي حمدى و اسراء
حمدى.لو ماكنتيش تحرجيهم مش هينفع يعنى
اسراء.احرج مين يا حمدى
حمدى.اسراء،انتى عارفة اقصد مين،انتى لازم تحرجى سارة وانور؟
اسراء.كل اللى قلته انى تعبانة،فين الاحراج ده،انتوا اللى بقيتوا حساسين اوى وبتخافوا تتكلموا مع سارة علشان ماتزعلش،بس انا مش مضطرة اتكلم مع حد بالشوكة والسكينة
بعد يومين ولدت اسراء ولد و ف المستشفى عبلة و ميرفت و سوسن معاها
سارة.الو،ايوه يا ماما احنا جايين
سوسن.انا هروح اغسل ايدي يا جماعة ،خدوا بالكوا منها،عقبالك يا ميمي،
مي.يارب يا طنط 😄
خرجت سوسن ودخل انور و سارة
سارة.مبروك يا ايسو ،ممكن اشوفه
حمدى.اكيد طبعا،ده ابن اخوكى
سارة.ماشاء الله ،ربنا يحفظهولك
انور طلع من جيبه علبه قطيفة وفيها مصحف دهب وحطه ف سرير البيبي ،دخلت سوسن وسارة شايلة البيبي
سوسن.انتى شيلتيه ليه
سارة.انا بس كنت بشوفه يا طنط ،ما شاء الله😄
سوسن شدت البيبي من سارة وحطته ف السرير وغطت السرير
ميرفت.انتى غطيتيه ليه،خلى العيال يلاعبوه
سوسن.لا ،نايم
ميرفت.مش مهم ،شيلي الغطا
سوسن.لا،الواد يتنظر ✋
ميرفت.مين اللى هيحسده
سوسن.انتوا عارفين مين اللى هيحسده،م انتوا مش كلكوا ليكوا ف الخلف😠
ميرفت.جرى ايه يا ام رامى ماتتعدلى ف كلامك
سوسن.جرى ايه يا عينيا مادى الحقيقة
ميرفت.جتك كسر حقك،حقيقة ايه ،احنا بنتنا زى الفل
سوسن.اه
سارة.اهدوا يا جماعة،ماحصلش حاجة ،وطنط سوسن عندها حق
ميرفت.اخرسي يا بت
سارة.لا ،استنى انتى بقى يا خالتو،حضرتك فعلا عندك حق يا طنط وانا اسفة انى جيت ازور اسراء كان لازم اعرف انك حبسيتها طول فترة حملها علشان خايفة منى بس انا الحمد لله ،مش معيوبة ولا فيا حاجة وحشة،انا غلطانة انى قلت اسراء اختى وحمدى اخويا،بس معلش ،الف مبروك يا اسراء ربنا يحفظهولك ويبارك فيه ،عن اذنكم
وهما ماشيين مصطفى داخل من الباب
مصطفى.الف مبروك يا استاذ انور
انور.اهلا يا دكتور 😑يلا يا سارة
مشيت سارة وانور وكل العيلة وراهم حتى حمدى راح معاهم وفضلت اسراء و سوسن بس
سوسن.شفتى المعدول جوزك،اهو جرى وراهم زى الكلب
اسراء.ماما كفاية بقى ،كرهتى الناس فينا وجوزى مش كلب يا ماما،جوزى مش غلطان ،جوزى صح وانا لو كنت سليمة كنت رحت معاهم وسيبتك لوحدك،بتحاولى بكل قدرتك انك تكرهى الناس فيكي وفيا،زي ماتكونى متعمدة
سوسن.انا يا اسراء،اخس عليكي 😢ده انا بعمل كده علشان ابنك مايتنظرش
عند سارة روحت البيت معيطة ومكتئبة ودخلت اوضتها وقفلت الباب وفضلت تعيط لحد اما نامت وهى بتعيط ودخل انور عندها اخد الشوز بتاعها وغطاها وخرج
