بعد كام يوم عند انور وسارة ،انور كان مع صحابه وسارة نايمة
انور.انا تعبت اوى ،دايما تعبانة وخايفة
حامد.يابني اصبروا ،وبعدين مستعجلين على ايه ،لسه العمر ادامكوا
انور.انت مش عارف عيلتى ،بيتعمدوا يضايقوها
حامد.ان شاء الله ربنا هيرزقكم قريب
انور.يارب،خصوصا انها رجعت تتكلم تانى ف موضوع الشغل
حامد.طيب وانت معترض ليه
انور.هفتح لها الصيدلية منين ،هو انا معايا حاجة
حامد.طيب ماتقول لها وبعدين سارة طيبة اكيد مش هتزن يعني
انور.انا عارف انها طيبة ،وبعدين هى مابتطلبش منى افتح الصيدلية ،دى عايزة تشتغل دكتورة صيدلانية ف اى صيدليه وخلاص
حامد.طيب وفيها ايه
انور.ماانت عارف انى بخاف عليها ،وكمان بغيير وماستحملش حد يبص لها ،وكنا متفقين ان بعد الجواز انها هتفضل مع الولاد لحد اما يكبروا شوية وبعدين نفتح الصيدلية
حامد.ربنا يرزقك يارب
انور.يارب💔
رجع انور البيت وكانت سارة نايمة ولما دخل وفتح النور صحيت
انور.انا اسف يا سو،هطفى النور حالا
سارة.😫أنور ايه الريحة دى ،انت شارب سجاير
أنور.سجاير ايه،هو انا اصلا بدخن
سارة.لا يا انور,ريحة سجاير وحشة اوى
انور.يمكن من حامد ،ماهو بيشرب سجاير
سارة.طيب اطلع بره😫
انور.اطلع بره؟😕
سارة.مش هتنام جنبى بالريحة المقرفة دى،خد شاور الاول
انور.شاور؟حاضر
دخل انور اخد شاور ودخل نام وتانى يوم الصبح،صحى أنور بس مش لقى سارة
أنور.سارة،يا سوووو
سارة.انا هنا يا انور
دخل انور المطبخ وكانت سارة بتعمل بيتزا وساندوتشات واكل كتير
انور.خير اللهم اجعله خير ،انتى بتعملى ايه
سارة.هفطرك بيتزا😄
انور.انتى كويسة
سارة.اه،الحمد لله،انا بس نفسي ف بيتزا وقلت اعملها نفطر بيها
انور.ماشي يا حبيبتي 💕
دخل انور صلى ولبس وخرج كانت سارة عملت البيتزا
انور.امممممم،تووووووحفة
سارة.طبعا ،انورتى بقولك
انور.انورتى؟ربنا يستر
سارة.فكرت ف موضوع الشغل؟
انور.بفكر يا سو ،بس.....
سارة.بس مش موافق،انا كنت عارفة اللى انت هتقوله
انور.افهمى بس
سارة.مش عايزة افهم حاجة
انور.يوووووه،انتى بقيتى صعبة
نزل انور على شغله بس سارة مش كانت متضايقه،بالعكس دى دخلت نامت
بعد الشغل رجع انور ولما دخل
انور.سارة ,يا سااااارة
سارة.انور ،الله ،ايه ده انت جايب معاك مانجة؟
انور.مانجة ،لا ،انتى عايزة مانجة
سارة.نفسي فيها اوى
انور.حاضر هنزل اجيب لك اللى انتى عايزاه
سارة.لا يا انور ماتنزلش ،مش هموت يعنى
انور.متاكدة
سارة.اكيد
انور.ماشي يا حبيبتي،انا هدخل اخد دش واطلع اتغدى
سارة.اوكى
بعد الغدا دخلوا يناموا بس ..
سارة.انور ،انت هتنام جنبى؟
انور.امال يعنى عند الجيران
سارة.ماشي😫
انور.فيه ايه
سارة.مفيش حاجة،انا كويسة
قامت سارة جريت بره الاوضة وقعدت تتفرج ع التليفزيون ،وبعد شوية صحى أنور وراح قعد جنبها وحضنها
أنور.مانمتيش ليه
سارة.ماليش مزاج
سارة شالت ايد أنور من على كتفها وقامت
أنور.فيه ايه ،هو انا ضايقتك
سارة.لا ،ليه
انور.انا حاسس انك مش طايقاني
سارة.مش عارفة يا انور
انور.واضح انى مزعلك اوى
سارة.انور اقعد عايزة اتكلم معاك شوية
قعد انور وسارة واقفة دايخة وساندة راسها ع الباب
سارة.انور ،اتجوز
انور.ايه😨انتى اتجننتى
سارة.لا،انت راجل كويس ومن حقك تشوف ولادك ،وانا الظاهر كده مش هخلف ابدا ،يبقى لازم تتجوز وتخلف قبل العمر مايجرى
انور.انتى عارفه انتى بتقولى ايه
سارة.عارفة ،بس ده حقك
انور.لا ،مفيش الكلام ده،انا مش هتجوز
سارة.طيب بص علشان ماتبقاش ظلمتنى ،بعد شهر لو ماحصلش حاجة،انت لازم تتجوز
انور.لا
سارة.لو بتحبني لازم تعمل كده وبعدين لسه فاضل شهر ،يمكن يحصل حمل
انور.😯😯
سارة ايوه كده،السكوت علامة الرضا
انور.لا ،ده علامة الرفض
سارة.انا هدخل انام،انا دايخة اوى 😷
انور.دايخة ؟مايمكن حاجة
سارة.هى كل واحدة بتدوخ تبقى حامل
انور.طيب بس جربي تتاكدى
سارة.رغم انى مش مصدقة،بس حاضر هدخل اعمل اختبار الحمل المنزلي
انور.ياااااااااااااااااارب💔
دخلت سارة عملت الاختبار وبعدين خرجت وقعدت جنب انور ع السرير وهى ماسكة الجهاز وساندة راسها على كتفه ومغمضه عينيها وبتدعى
عند مي كانت ف الفيلا بتاعت عمر ودخل عمر
عمر.انتى هتفضلي نايمة كده،ماعندكيش حاجة تعمليها
مي.عمر انا عايزة اتفسح
عمر.بكرة
مي.انت كل يوم تقولى بكرة ،انور و سارة اول لما اتجوزوا ماكانوش بيدخلوا البيت اصلا كانوا كل يوم ف مكان جديد،مش زيي
عمر.انا مابحبش المقارنات😠😠
مي.ااااوكى
عمر.خلاص ماتخافيش،وبعدين هو فيه احسن من قعدة البيت ف حضنى كده😘
____________________________
عند انور و سارة مؤشر الجهاز بدا يلون وبعدين
انور.😨سارة فتحي عينيكى
سارة.لا 🙈قولى النتيجة
انور.حاضر ،عايزة تسميه ايه😘
سارة فتحت عينيها وبرقت جامد
سارة.اسميه😨حامل 😮😄حامل ،حامل ،لالا اكيد غلط
انور.اهدى ،الجهاز مش غلط،انتى حامل ،هنجيب بيبي😘
سارة.لازم ننزل للدكتور بسرعة
انور.طيب البسي 😄😄
سارة.انا مش مصدقة،اكيد ده حلم
نزل انور وسارة للدكتور مصطفى
مصطفى.اهلا يا مدام سارة ،خير ،لسه معاد حضرتك
سارة.دكتور انا حامل
مصطفى.الف مبروك
انور.لازم تفحصها وتطمنا لو سمحت
مصطفى.اتفضلي علشان الفحص
سارة نايمة وانور ماسك ايدها جامد وقلبها بيدق بسرعة
مصطفى.مبروك يا مدام ،انتى حامل من ٨ اسابيع
سارة.٨ اسابيع ،يعنى شهرين 😄دكتور انت بتتكلم جد والا بتهزر ،انور،شهرين 😄
انور.الحمد لله
مصطفى.دلوقتى الكلام المهم بقى ،لازم تاكلى كويس ،انتى ملاحظة ان ضعف حضرتك تعبنا كتير ،كلى كل الاكلات وكل الانواع بس بلاش الاكلات الجاهزه علشان الامراض ،مش عايزين نضطر ناخد أدوية علشان الجنين ،علشان كده لازم تاكلى كويس وتشربي عصائر كتير
انور.كل اللى هتقوله يا دكتور هيتنفذ
مصطفى.هشوف حضرتك كمان شهر ان شاء الله
مشي انور و سارة و ف الطريق
سارة.لازم نفرح ماما وخالتو
انور.مابلاش
سارة.ايه يا انور هنخاف من امهاتنا ؟يلا يلا على هناك
راح انور عند عبلة وكانت ميرفت هناك
عبلة.انور و سارة ،اهلا يا ولاد تعالوا
ميرفت.ولاد حلال ،كنت لسه هتصل بيك تيجي تاخد المحشي ده
انور قعد هو و سارة وماسكين ايد بعض وباصين في الارض
انور.ماما احنا كنا عند الدكتور وقال
ميرفت.قال ايه يابنى،طمنى الله يطمنك
سارة.قال......
عبلة.ماتنطقوا بقى
انور.عايزين بنت والا ولد
عبلة وميرفت بصوا لبعض و مبسوطين اوى
عبلة.حامل يا سارة ،الف مبروك يا حبيبتي 😭😄
ميرفت.ماحدش هيعرف ولا حتى اخوك ومراته ،ولا مي ولا اى بني ادم ،وانتى تفضلي ف البيت ماتنزليش الشارع ابدا لحد اما تولدى ان شاء الله
سارة.حاضر
انور.يلا ،احنا لازم نمشي بقى
مشي انور و سارة واول لما دخلوا شقتهم انور شال سارة ودخلها السرير
انور.ماتقوميش م السرير غير علشان الحمام بس ،الاكل انا هعمله والشقة هنجيب حد ينضفها ،مهمتك الوحيدة تاخدى بالك من نفسك وتاكلى
سارة.حاضر هاكل،طيب انا نفسي ف مانجة دلوقتى
انور.انا اهبل
سارة.ايه
انور.انا اهبل،كان لازم افهم انك بتتوحمى ،حالا وتكون المانجة هنا
سارة.😂😂
نزل انور السوبر ماركت واشترى كل المانجة اللى موجودة وروح
انور.انا جيت انا والمانجة
سارة.انور ،كل ده😄
انور.انا عندى كام سارة
سارة.ربنا يخليك لينا يا حبيبي 😘
انور حط راسه على بطن سارة وهى حاطة ايدها على شعره
انور.اهلا ...عارف انا مين...انا بابا ...سارة😮
سارة.فيه ايه
انور.خبطنى ...شكلك هتطلع لمض اوى 😄
سارة.مين قال انه ولد...دى بنوتة
انور.وانتى عرفتى منين بقى
سارة.حسيت بيها😍
انور.ربنا يكمله على خير 😍
سارة.يارب😍
