بعد كام يوم
مي.يا لهوى،يا مصيبتي السودة
حمدى.اصبري يابت
ميرفت.استر يارب
وبعدين التليفون رن
ميرفت.الو،ايوه يا عبلة،بجد،طيب سلام
مي.ايه قولي قولي
ميرفت.النتيجة بتتحمل دلوقتى ،بسرعة يا بني
حمدى ماسك اللاب وبعدين
مي.ه؟نجحت ،طيب سقطت 😕
حمدى.90% مبروك
ميرفت.يا لهوى،يا مصيبتى ،هتعملي بيهم ايه دول
مي.انا زاكرت كويس،روحى راجعيلى الورق😭😭
ميرفت.طول السنة اتحايل عليكي واقول زاكرى ،زاكرى بس الكلام مش ليكي ،جبلة
حمدى.الحمد لله يا ماما
ميرفت.هتدخل بيهم ايه دول
حمدى.ان شاء الله تلحق تجارة
ميرفت.تجارة 😱بعد المصاريف دى كلها تجارة ،يا وكستى
مي.طيب ومالها تجارة م انور كان ف تجارة
ميرفت.تحبي اسمعك تانى ،ابوكى مات وانور داخل تالتة ثانوى وكان بيزاكر من غير دروس ،كان بياخد كتب صحابه يزاكر فيها ،وجاب ٩٨٪ وده كان يدخله هندسة مستريح بس دخل تجارة علشان يقدر على مصاريفها وعلشان يشتغل ويصرف عليكوا
حمدى.خلاص ياماما بقى،الحمد لله انها نجحت
ميرفت.اما اتصل بخالتك ،الو...ايوه يا عبلة..اه 90..الحمد لله...الف مبروك ...مع السلامة
حمدى.عمل ايه
ميرفت.طب يا باشمهندس
حمدى.طيب وفيها ايه يعنى ،ما هى هتدخل كلية هى كمان
التليفون رن تانى
ميرفت.الو،ايوه يا انور...كويسين الحمد لله ،ايه هتيجي امتى تشوفنى...النتيجة😱حلوة ،حلوة كويسة...90...تنور يا حبيبي..حاضر ...سلام
ميرفت.جايلك بكرة
مي.ل..ل..ليه
ميرفت.هيكون ليه،جاى يباركلك يا معدولة 😒
حمدى.ولا تزعلي نفسك يابت،الف مبروك ،لولولولولوللولولولوللى
مي.حبيبي يا حمدى
حمدى.الناجح يرفع ايده
مي.هيه
حمدى.ويغني ف عيدنا وعيده
مي و حمدى.ونقول ونقول دايما،دايما على طول دايما ونجاحنا يطول دايما،دايما على طول دايما على طول🎤🎤🎤
عند انور و سارة
سارة.انت هتروح لها امتى
انور.لما اخلص شغل
سارة.طيب وانا مش هاجى معاك
أنور.لا طبعا،انتى تعبانة ،وانا هروح بكرة هكسر دماغها
سارة.طيب ليه
انور.علشان المجموع الزفت اللى جابته
سارة.طيب بص يا حبيبي نتكلم بهدوء
انور.اول مرة تقولى حبيبي ،من يوم مااتجوزنا
سارة.هو انت مش حبيبي والا ايه ،انت حبيبي ونور عيني
انور.وانتى عمري كله يا ام محمد
سارة.بس انا نفسي ف بنت
انور.بنت او ولد ،المهم الخلقة التامة ان شاء الله
سارة.انور ،انا كنت بفكر ف حاجة كده
انور.بتفكرى ف ايه،ربنا يستر 😂
سارة.انت بتشك ف تفكيرى
انور.لا ابدا😂
سارة.انا عايزة البس الحجاب
انور.بجد😄ياريت والله يا سو
سارة.يعني انت موافق
انور.موافق؟ده انا هطير م الفرحة
سارة.نرجع لموضوعنا بقى
انور.موضوع ايه
سارة.مي،بالراحة عليها ،دى عيلة
انور.سارة ماتدخليش ف الموضوع ده احسن
سارة.ما اتدخلش ليه ،هى مش مي دى تبقى اختى 😣
انور.سارة مالكيش دعوة بالموضوع ده،اختى وانا لازم اظبطها
سارة.طيب خدنى معاك بكرة وانت رايح هناك
انور.لا،وماتروحيش لوحدك هناك بكرة خالص
سارة.كمان،طيب ليه
انور.سارة اقفلى الكلام بقى
سارة.بس يا انور
انور.سارة 😠
سارة.حاضر 😒تصبح على خير
انور.هتنامي دلوقتى ؟
سارة.اه ،تعبانة 😒
انور.ماشي
تانى يوم الصبح
سارة.اطفى النور يا انور
انور.انتى لسه عايزة تنامى؟سارة انتى نمتى ١٥ ساعة
سارة.انور عايزة انام بقى
انور.حاضر ،خدى بالك من نفسك😘ماتعمليش حاجة خالص انا هجيب اكل وانا جاى
سارة.انور
انور.نعم
سارة.تعالى
راح انور قعد جنب سارة ع السرير وهى قامت وحضنته جامد اوى
سارة.انور و حياتى عندك،لو بتحبني بجد بالراحة على مي
انور.حاضر
سارة.وبعدين يعني خلاص اللى حصل حصل،الزعيق مش هيرجع حاجة
انور.حاضر نتكلم بهدوء ،بس انتى عارفة البت دى عندها قدرة على استفزاز اللى ادامها ازاى
سارة.معلش استحملها دى عي........😫
سارة حطت ايدها تانى على بؤها وقامت جريت ع الحمام
انور.انا مش هطمن اسيبك كده 😢
انور واقف جنب سارة وبعدين سندها لحد السرير تانى
سارة.امشي يا انور انا كويسة
انور.كويسة ايه انتى كل شوية تتعبي كده انا هفضل معاكي
سارة.هتفضل جنبي لامتى والشغل يا استاذ
انور.طيب هتصل بحد يجي يفضل معاكي
سارة.انا كويسة صدقنى ،وبعدين كلهم مشغولين النهاردة
انور.طيب هتصل باسراء تفضل معاكي
سارة.انور....
انور.ششششششش،الو .. بقولك ممكن تيجي تقعدى مع سارة اصلها تعبانة ومش عايز اسيبها لوحدها ...شكرا يا اسراء ،سلام
سارة.لازم تقلق الناس
انور.مايقلقوا ،المهم انتى تبقى كويسة
سارة.والله كويسة
انور.يلا ارتاحي بقى ،مش هتاخر عليكي
سارة.لااله الا الله
انور.محمدٌ رسول الله 😘
نزل انور شغله وبعد اما خلص راح عند ميرفت
ميرفت.اهلا يا حبيبي ،تعالى ،شفت وكستى
انور.ازيك يا ماما😘
ميرفت.مش كويسة خالص يابني 😢شفت اللى عملته
انور.خلاص يا ماما ،قدر الله وما شاء فعل
ميرفت.اخبار سارة ايه
انور.تعبانة خالص يا ماما 😢
ميرفت.😱يا حبيبتي يا بنتي ،مالها
انور.كل شوية معدتها تقلب وتجرى ع الحمام
ميرفت.معلش يا حبيبي،هو الحمل ف اوله كده
انور.فين مي؟
ميرفت.ف اوضتها،بالراحة عليها يا انور ،دى حابسة نفسها من امبارح خايفة منك
انور.مي،انتى يا بت
مي فتحت باب اوضتها وطلعت وهى خايفة
مي.نعم 😕
انور.تعالى هنا
مي.حاضر ،نعم
ميرفت.انا هروح اعملك حاجة تشربها
انور.ينفع المجموع ده،مش كنا متفقين على هندسة؟
مي.والله انا كنت بزاكر
انور.من غير حلفان،انتى عارفة انك ماعملتيش اللى عليكي ،بس خلاص مش هقدر نعمل حاجة
مي.😕
انور.بكره هتروحي مكتب التنسيق انتى و حمدى وهتكتبي اول رغبة تجارة
مي.حاضر
انور.مبروك النجاح ،امسكي💸
مي.ايه ده
انور.هدية النجاح ،انتى ماجبتيش المجموع اللى كنا عايزينه بس الحمد لله
قام انور علشان يمشي
ميرفت.رايح فين يا انور
انور.هروح بقى يا ماما ،عايزة حاجة
ميرفت.انت مالحقتش تقعد معانا ،ده انت ماشربتش الشاى
انور.معلش يا ماما علشان سارة
ميرفت.ماشي يا بني ،مع الف سلامة
مي.هيييييييه،مازعقش مازعقش وادانى فلوس النجاح 😄😄😄
ميرفت.مشكلته انه طيب ،ربنا يسعده ويفرحه
حمدى.اكيد بتدعيلي صح
مي.لا يابابا دى بتدعى لابنها حبيبها،انور😄
ميرفت.ايوه ابنى حبيبى،هو اللى استحمل كل حاجة من يوم موت ابوكوا
عند انور دخل من باب الشقة وكانت اسراء ف المطبخ
انور.السلام عليكم
اسراء.وعليكم السلام،كويس انك جيت علشان انا لازم انزل
انور.انا متشكر اوى يا اسراء ،واسف علشان عطلتك
اسراء.ماتقولش كده ،سارة دى اختى وانت اخويا
انور.هتروحى ؟
اسراء.لا هروح انا و حمدى نشوف الفستان وناكد حجز القاعة
انور.ربنا يتمم لكوا بخير
اسراء.شكرا يا انور ،على فكرة سارة طول النهار تعبانة وتقريبا قضت اليوم كله ف الحمام ،يدوب لسه نايمة دلوقتى
انور.شكرا يا اسراء😢
اسراء.سلام بقى
انور.سلام ،الف مبروك
اسراء.الله يبارك فيك
نزلت اسراء ودخل انور عند سارة وكانت نايمة وشعرها نازل على عينيها ووشها ،دخل انور قعد جنبها ورفع شعرها وباسها من راسها وقام اخد شاور وصلى وكان بيتفرج على التليفزيون لما سارة صحيت وخرجت بره الاوضة
سارة.انور 😷
انور.سارة انتى كويسة
سارة.انور ،انت هنا
انور قام جرى عند سارة وهى اغمى عليها ووشها اصفر
انور.سارة ،سارة فوقى ،قومى يا حبيبتي
انور اتصل بالدكتور جه
انور.طمنى يا دكتور
الدكتور.......
