عند انور قاعد ف مكتبه وسرحان وعيونه مليانة دموع
حامد.انت يابني
انور.ايه يا حامد 😒
حامد.بقالى ساعة بكلمك ،مالك
انور.كويس😢
حامد.هو انا مش عارفك يابني،مالك
انور.😭مخنوق و تعبان ومش قادر اتكلم
حامد.حصل ايه
انور.سارة تعبانة اوى 😭انا حاسس بيها ،بس لازم اضحك علشان ماتزعلش منى
حامد.عندها ايه
انور.امبارح اجهضت الجنين وتعبانة واصلا هى ضعيفة اوى ،انا خايف عليها وكل اما بتتوجع بتوجع اكتر منها😭
حامد.ايه يا انور الدلع ده،احمد ربنا ياعم ،مراتك كويسة الحمد لله،انت بس اللى بتحبها زيادة شويتين
انور.بحبها،والله بحبها ،عارف سارة دى مش بالنسبالى مراتى بس ،دى اكتر من روحى ،هحكيلك،كنت انا اول ولد ف العيلة وبعد ٣ سنين جت سارة مش فاكر غير انى كنت بحب افضل قاعد جنبها ولما كبرنا شوية ماكنتش بخلي حد يقرب منها ابدا ماكنتش شايف اى حد غيرها ،حتى لما حمدى اتولد كان عندى ٥ سنين ماكنتش بلعب معاه ولا كنت بشوفه ،كنت دايما شايف سارة كنت كل يوم ف المدرسة اوصلها لحد الفصل و ف الفسحة اطلع اخدها وافضل معاها ،حتى لما دخلت إعدادى كان عمى الله يرحمه مات كانت سارة ف سنة خمسة،كنت عارف انى راجلها ،كنت اوصلها المدرسة وارجع اخدها وانا مروح ،طول حياتها كنت لازم اشوفها كل يوم بس عمرى ماكلمتها كلمة كنت بتكسف اوى منها وبخاف تفهمنى غلط،كانت بتمشي بعيد عنى شوية بس كنت بحس وهى رجلها بتلف على بعض علشان مكسوفة تمشي جنبي حتى لو بعيد ،وفضلنا نكبر وحبنا يكبر بينا ،ولما دخلت جامعة كنت انا ف سنة تالتة وهى لسه ف اولى صيدلة كنت بخاف احسن تحب حد من زمايلها ،كل م الفكرة كانت تيجى ف دماغى كنت اتجنن واتعصب لحد اما ف يوم ف اخر سنة جامعة ليها كان عندى 25 سنة وشايل مسؤولية بيتين بيتنا بعد وفاة بابا وبيت خالتى بعد موت عمى ،كنت انا راجل البيتين لقيت ف يوم خالتى بتتصل وبتقول فيه واحد عايز يقابلك ،فاكر انت اليوم ده😂
حامد.طبعا فاكر وانت متوتر ومش عارف مين عايزك وعايزك ف ايه😂
انور.كان عريس ومجرد ماقال انا بصراحه عايز اخطب سارة ،الدم غلي ف نفوخى وماحستش بنفسي غير وانا بضربه وبقول له جاى تخطب خطيبتى
حامد.فاكر 😂وفاكر شكلك تانى يوم وانت عمال تأنب نفسك وتقول انا ازاى اقول كده
انور.خلاص بقى 😂بس انا خايف عليها اوى💔😢
حامد.ماتخافش
بعد الشغل راح انور المستشفى وكانت سارة بتعيط
انور.سووو
سارة.انور😢😄
انور.ايه ده ،ايه الدموع دى
سارة.مفيش دموع ،ده انا عيني اتطرفت 😀
انور.ماتخافيش يا حبيبتي بكرة ربنا يرزقنا بغيره
سارة.ان شاء الله 😢
روحت سارة البيت وكانت تعبانة وحالتها النفسية زفت وبعد ايام كتييييييييير
عند مي دخلت الجامعة ف تجارة واول يوم دخلت فيه
سمر.يعني مش كفاية عليا 10 سنين صحوبية لا كمان معايا ف الكلية،انا بقول كفاية كده
مي.كلبة ،اهون عليكي
سمر.لا مش هتهونى،ده انتى حبيبتى يا قردة
مي.طيب يلا ع المحاضرة بسرعة
جريوا دخلوا المدرج وبعد شوية دخل الدكتور
عمر.صباح الخير،انا دكتور عمر ،احب اقول لكم انى مابحبش الدلع والكتاب بتاعى نزل ف المكتبة ياريت تبقوا تشتروه ،لانى عايز الشيت الاسبوع الجاى وهتحلوا فيه المسائل صفحة ٩
مي.يا ربيييي،من اولها كده رخامة
عمر.بره انتوا الاتنين
سمر.يا دكتور
عمر.بره ولو اتكلمتوا تانى هاخد الكارنيهات بتاعتكوا
مي.ماشي
خرجت مي و سمر م المحاضرة
عمر.انتوا لسه سنة اولى،الجامعة مش زى مابتتفرجوا ف التليفزيون،هنا فيه احترام،هتحترم نفسك يبقى تقعد ناوى تقل ادبك يبقى الاحسن ماتدخلش لانى مش هرحمك
بعد المحاضرة لما خلصت وهو عمر ماشي
مي.دكتور
عمر.اهلا😃
مي.انا اسفة بجد يا دكتور،اخر مرة تحصل
عمر.ولا يهمك 😊،انتى اسمك ايه
مي.انا مى احمد
عمر.ماشي يا مي،لو فيه حاجة مش فاهماها ابقى تعاليلي المكتب
مي.شكرا يا دكتور،عن اذنك
سمر.وده ايه اصله ده😒
مي.ايه
سمر.الراجل ده قليل الادب،ده كان بيصورك من فوق لتحت
مي.انتى مكبرة الموضوع شوية
سمر.لا مش مكبراه والراجل ده شكله غلط
مي.طيب يلا ادامى
عند حمدى وميرفت
ميرفت.خلاص يا حمدى كلها يومين وتتجوز وتسيبنى
حمدى.اسيبك اروح فين بس يا ماما ،ده كل الحكاية خطوتين
ميرفت.بس برضه مش هتبقى ف حضني
حمدى.اومال يعني لما انور اتجوز ماقلتيش الكلام ده ليه
ميرفت.انور متجوز بنت اختى حبيبتى ،وتربية ايدى يعنى بتخاف عليه اكتر من عينيها
حمدى.طيب ما اسراء برضه م العيلة
ميرفت.بس مش من دمى ،انما سارة من دمى ودم اهلى
حمدى.ماشي يا ماما،انا هنزل لاصحابى
ميرفت.مع السلامة
عند محمد ف الكلية واقف بيهزر مع صحابه وبعدين
تارا.لو سمحت
محمد.😍
تارا.يا دكتور
محمد.اؤمر يا قمر
تارا.اؤمر ايه،انت ساند على عربيتى
محمد.ه؟
تارا.عربيتى ،انت ساند عليها
محمد.اه اه،انا اسف اتفضلي
تارا.شكرا😊
راجع انور م الشغل وبيتصل ب سارة بس مش بترد وكان قلقان عليها ولما روح ،كانت الشقة مبهدلة ومش نضيفة خالص ودخل عند اوضة سارة وكانت نايمة
انور.سارة
سارة.انور اطفى النووور
انور.سارة ،الساعة تلاتة
حطت سارة المخدة على راسها
انور.سارة ،طيب انتى اكلتى ؟انتى اصلا قمتى م السرير
سارة.لا
انور.ولا صليتي؟
سارة.لا ومش هعمل الحاجات دي تانى
انور.حاجات ايه
سارة.اطفى النور ،وسيبني انام
انور.لا مش هسيبك😠اصحي وكلمينى ،انتى دايما نايمة انتى مابتخرجيش م الاوضة،سارة طمنينى عليكى،انا مش عايزك ضعيفة كده
سارة.اطفى النور بقى وأقفل الباب
انور مسك سارة من ايديها جامد وقومها
انور.انا مش هقفل الباب وانتى هتقومى وتتكلمى معايا
سارة.ف ايه
انور.ف اللى بتعمليه ده
سارة.انور😭سيبنى ف حالى ،مالكش دعوة بيا 😭😭
انور.يا سارة يا حبيبتي،ردى عليا عرفيني مالك
سارة.انا كويسة
انور.يووووووه،كويسة كويسة ،هى فين الكويسة ،فين سارة اصلا ،انتى فاكرة انك سارة ،انتى بتقتلى سارة ،مش عارف ليه ،هو انتى بتكرهيني ؟
سارة.انور،انا عايزة بيبي 😭
انور قعد جنبها وحضنها وهى بتعيط جامد
سارة.انت عارف ،كنا هنعرف دلوقتى بنت والا ولد😭كنا هنبقى بنشترى الهدوم واللعب بتاعته
انور.يا حبيبتى كل حاجة باذن الله،ان شاء الله هنجيب غيره ،بس انتى خلى عندك امل
سارة.هنجيب غيره امتى ؟العملية من ٥شهور يا انور ولسه مفيش حاجة حصلت
انور.سارة هو صحيح المرة اللى فاتت الحمل حصل من اول شهر،بس ده مش معناه حاجة ...خلى عندك امل ف ربنا
سارة.😭😭انور هو انا لو ماخلفتش هتتجوز عليا؟
انور.ايه اللى بتقوليه ده
سارة.رد عليا بقى
انور.لا عمرى ماهتجوز عليكي ،والا ايه رايك اتجوز ٣ كمان وابقى الحج انور ،بدل الحج متولى
سارة.😢😘انور ،انا بحبك والله ومش عايزة حاجة تبعدنى عنك
انور.وانا كمان والله بحبك ،انا بحبك من يوم مااتولدتى يا سو،قومى يلا خدى شاور وصلي والبسي علشان ننزل
سارة.هنروح فين
انور.فرح حمدى كمان يومين ولسه ماجبتيش فستان
سارة.اوكى
قامت سارة مع أنور وخرجت من اوضتها
سارة.🙈🙈ايه ده💔هو انا ف الاوضة بقالى كتير؟
انور.اكتر من اسبوع وانتى عارفة جوزك حبيبك بقى ،وياريتك ف الاوضة واستفدنا حاجة😉
سارة.انور😳
انور.والله العظيم جوزك ،بصي قولى ورايا عشر مرات
سارة.اقول ايه
انور.انا مرات أنور وانور جوزى
سارة.بطل استظراف بقى ،ويلا علشان ننضف الشقة
انور.ايه😨ننضف؟هو انا هشترك معاكى ف الجريمة دى؟
سارة.اومال هتسيبنى اعمل لوحدى😍
انور.اقعدى انتى وانا اعمل
سارة.لا يلا هعمل معاك
بدأوا ينضفوا الشقة لحد اما تعبوا بس كانوا خلصوا خالص
عند عبلة و ميرفت
عبلة.لولولولولولوللولولى
حمدى.خلاص يا خالتو فضحتونى
ميرفت.ايه يا عريس،مش عايزنا نفرح شوية ليه
حمدى.يا ماما
ميرفت.ده انت كلها كام ساعة وتمشي ،ده انا هعلق الانوار علشان نخلص منك 😄😄
حمدى.كده يا ام انور،اهون عليكي 😍
ميرفت.لاياخويا مش هتهون عليا،روح يلا شوف حالك وسيبني
حمدى.فين مي
ميرفت.نزلت مع صاحبتها تشتري فستان
حمدى.طاااايب
عبلة.ماتمشي بقى يا حمدى،ايه اللماضة دى
حمدى.عريس بقى،مش عاجبكوا اللماضة 😂😂
عند انور نايم ع الكنبة وسارة نايمة ف حضنه ومش قادرين يتحركوا
انور.كانت فكرة مين المهببة دى😂اااااااااه😂
سارة.اكيد مش فكرتى😂بس كويس الشقة نضفت تانى ،ياااااااه شعور حلو
انور.وانا اللى كنت برسم ع النهاردة،ده انا عايز حد يسندنى الاوضة😂😂
سارة.انا هروح اخد شاور وانام
انور.ماتتاخريش بقى ،انا هدخل الحمام التانى
سارة.اوكى
قامت سارة اخدت شاور وطلعت وكانت بتنشف شعرها بالسشوار وبترفع شعرها لقيت انور واقف باصص لها ومتنح
سارة.انور مالك
انور.بحبك😍
سارة.😳😳
انور بيقرب لسارة ووقف ادامها وهى باصة له ورفع شعرها من على وشها ولسه بيقرب لها الجرس رن
سارة.روح افتح
انور.لا مش فاتح،العالم المزعجة دى
سارة.انور روح يلا بقى
انور.ماتتحركيش من هنا،انا هاجى تانى
سارة.طيب يلا بقى
انور.حاضر😘
راح انور يفتح وكان حمدى
انور.ايه اللى جابك دلوقتى 😠
حمدى.ايه😉انا جيت ف وقت مش مناسب 😉😉
انور.غور ياض من هنا
حمدى.ده انا كنت عايزك ف مشوار
انور.بكرة بكرة
حمدى.انا فرحى بعد بكرة
انور قفل الباب ف وش حمدى ودخل عند سارة
حمدى.هو انا جيت ف وقت غلط 😂
انور.😠
سارة.مين اللى كان بره ومتعصب ليه
انور.حمدى،الكائن المستفز
سارة.هو فين
انور.طردته
سارة.ايه😨طردت اخوك يا انور
انور.اه،بقولك سيبك منه 😉
______________________
