عدت الايام شوية وخلص شهر العسل بتاع انور و سارة وف يوم
ميرفت.خليكي قاعدة كده ،قومى يابت امسكي كتاب
مي.يا ماما سيبينى اقعد معاهم شوية
ميرفت.لما يبقوا يجوا ابقى اقعدى ،قومى امسكي الكتاب
مي.حاضر ،بس من اول لما يجوا نقعد معاهم لحد ما يمشوا
ميرفت.بتتشرطي كمان ،ماشي
عند انور و سارة
انور.هو احنا لازم نروح النهاردة 😡
سارة.انت بقيت كسلان اوى ،انا عمرى ماشفتك كده 😂
انور.كله منك ،خليتينى احبك وابقى عايز افضل لازق جنبك على طول
سارة.شكرا 😳
انور.هو انتى مش مقتنعة اننا اتجوزنا؟
سارة.بعد الشر ،ليه بتقول كده
انور.اصلك لسه مكسوفة منى زى زمان ويمكن اكتر 😘
سارة.انور ابعد عني
انور.لا ،مش هبعد واللى عندك اعمليه😂😍😘😘😘
سارة.هنتاخر وخالتو هتزعق 😂😍
انور.عرسان ،يعني نتأخر براحتنا 😘
سارة.انور
انور.ششششششش
________________________
بعد شوية موبايل انور رن
انور.الو
ميرفت.انتوا فين يا ولاد
انور.ف بيتنا
ميرفت.هتيجوا امتى بقى
انور.هنقوم نلبس وننزل
ميرفت.ماشي يا حبيبى بس ماتتاخروش
انور.ربنا يسهل ،سلام
سارة.قلت لك من بدرى
انور.سو ماتكبريهاش ف دماغى وتخليني احلف مانروح ف حتة ونفضل مع بعض
سارة.طيب قوم البس
انور.دلوقتى 😉😘
سارة.اه دلوقتى😝
قاموا لبسوا ونزلوا و ف الطريق
انور.مالك يا سو،وشك احمر كده ليه
سارة.لا مفيش حاجة
انور.هتخبي عن انورتك😘
سارة.حاسة ان كل الناس بتبص علينا
انور.ودى حاجة وحشة،احنا اتجوزنا يعني دى حاجة حلوة
سارة.انا عارفة بس مكسوفة
انور.ااااااااااه،مكسوفة 😉لا ماتتكسفيش خالص 😉😉
سارة.انور ،اسكت بقى😳
انور.هو انا اتكلمت
وصلوا عند ميرفت ومي هى اللى فتحت
مي.انور حبيبي ،سووووو😄😄
سارة.ازيك يا ميمي وحشتينى والله😘
ميرفت.اهلا يا ولاد،ايه الحلاوة دى ،عيني عليكوا باردة ،قل اعوذ برب الفلق ،ماشاء الله ،لاقوة الا بالله
انور.ازيك يا ماما وحشتينى اوى
ميرفت.وانت والله يا حبيبي،بس الحيوان اخوك حلف عليا ما اروح غير لما تنزل شغلك ،شوفت الزبالة
انور.معلش يا ماما ،حيوان😂😂
جه حمدى من ورا انور
حمدى.خير تعمل ،ضرب الجزم تلقى،يعني انا بهديلك الجو ومش كل شوية الجرس يرن ونطلع امك وخالتك،انا غلطان يا عريس
سارة.😳😳
انور.ادخلى يا سو مع ماما
سارة.حاضر
انور.عاجبك كده ،ده انا ماصدقت تفك شوية
حمدى.هى لسه بتتكسف وتبقى شبه الطماطم
انور.ماتتلم يلا ،دى برضه مرات اخوك
حمدى.واكبر منى ،يعني ف مقام اختى الكبيرة،المهم طمنى اخبارك ايه
انور.الحمد لله والشكر لله
حمدى.انت هتنزل الشغل امتى ؟
انور.بكرة ان شاء الله
مي.مبروك يا سو😳
سارة.عقبالك
مي.يارب😄
بعد شوية كانت سارة ف المطبخ مع خالتها ودخل انور
انور.اعمل معاكوا حاجة يا ماما؟
ميرفت.ربنا يخليك ليا يا حبيبي
حمدى.الحقى يا ماما
ميرفت.ايه
حمدى.تعالى بس وانا اقولك 😉
ميرفت طلعت بسرعة ورا حمدى وانور واقف ورا سارة وحاضنها
انور.سو،اطلع حاجة
سارة.اه ،خد الحاجات دى
انور شدها واتخبطت ف الحيطة وهو بيقرب لها وعايز يبوسها وبعدين دخلت مي
مي.🙈🙈اااانا اسفة
سارة اتكسفت و زقت انور وخرجت
