تناهيد الحب

9

#الفصل_التاسع

حازم : مع ان المفروض مش اريحك بس حاسس كدا ان في حاجات جوايا شرارات كدا بتحصل معرفش اشمعنا هي وليه هي بس هو كدا ..ثم ابتسم بشرود علي افعالها ...وقال:  بس متعرفيهاش حاجة ممكن
رهف بهدوء: بص ياحازم بسنت ال انت شايفها دي وشايف لماضتها وهزارها جواها طفل حساااس اوووي بص انا بعتبرها ملاك ممكن تقول ان ببالغ بس دا ال انا حساه لانها مش بس صحبتي دي اختي وانا مش عاوزة انك تجرحها في يوم
حازم بثقة: دا انا اموت لو جرحتها متتقلقيش انتي وخليكي مع جوزك
رهف : اوك ربنا يوفقكو وتعيشو في سعاده
حازم: يااارب ويهديكي انتي وسيف
رهف ب ابتسامه باهته: يارب انا هروح بقه عشان مرهقه باي
حازم :باي
”“““““““““““““
بينما في مكان اخر تجلس ايلين مع اصدقائها
ايلين بغضب: انا خلاص هطق من اللي اسمها رهف دي
ساره بخبث : طب انا عندي خطة تخليهم يبعدو عن بعض
ايلين بشر:قولي
  ساره : بصي ياستي ...........
.............
بينما ذهب ماجد الي منزلهم
ماجد بسعاده : ماما ياماما بركيلي
هبه الام بفرحة: مبروك ياحبيبي بس ع اي
ماجد بحب: اخيرا هخطب  بقه جنا
الام بسعاده : الف مبروك ياحبيبي عقبال اخواتك الباقيين يارب
ماجد : يارب اومال هما فين
محمود بمرح : انا اهو ايوة بقه ياعم محدش قدك انا احسن حاجة ف الليله دي ان هلبس بدله والبنات هتكون عليا كدا
محمد : وانا اخيرا هخلص من المذاكره دي وام الثانويه دي
ماجد بضحك : انتو عيال مصلحة  عموما لسه فاضل كتير ع الفرح بعد الترم دا يعني هتذاكر هتذاكر
  محمد بحزن : طب ليه كدا يعني
ماجد : يالا يافاشل خش ذاكر
وكانت الام سعيده للغايه لان ابنها سيتزوج ممن احب وعشق وظلت تدعي لهم
...............
بينما في منزل محمد لكيلاني يدخل محمد علي جنا
محمد : ادخل ياجنا
جنا : ودي فيها استإذان ياحاج
محمد : ازيك ياحببتي اخبارك واخبار الدراسه
جنا : الحمد لله يابابا اهي شغاله ادعيلي
محمد بحب: ربنا يوفقك ياحببتي انا عندي ليكي خبر حلو
جنا بمرح: اي يابابا جايلي عريس
محمد مؤكدا: اه ابن واحد صاحبنا وجالي وطلبك وانا وعمك احمد وافقنا
جنا بخوف : مين دا يابابا واي دخل عمو احمد
محمد : الله مش هو زيي ولا اي
جنا بترقب : طب انا اعرفو يعني
محمد بخبث: لا معتقدش انك تعرفيه
جنا مقاطعه: وانا مش موافقة يابابا انا لسه قدامي سنتين دراسه
محمد : طب خلاص هقول لماجد انك مش ...
جنا مقاطعه وبسعاده : اي ماجد
محمد ضاحكا: اه ماجد  خلاص هقولو انك مش موافقه
جنا بدون وعي: انا موافقه
محمد مقهقها وخجلت جنا من اندفاعها
جنا بخجل : قصدي يعني  ..ا ..أ..
محمد: خلاص ياحببتي الف مبروووك وربنا يتمم بخير
وتدخل عليها امها وتأخذها في احضانها وجاء  يوسف هو الاخير وبارك ل اخته الصغيره
وتحدث بمرح: الله الله اانا كمان عاوز اتجوز
محمد مبتسما : بس كدا اول ما تخلص شاور واحنا ننفذ بس انت طبعا عارف اختياري ها
يوسف بثقه : طبعا محترمة وبنت ناس كويسين دا انا هفجأك
محمد : خلاص خلص انت بس
هدي: ربنا يبارك فيكو ياولادي  ويرزقكو بالذريه الصالحة كبرنا ياابو سيف
محمد بحب :لا ياختي احنا لسه شباب
جنا ضاحكه : اجيب اتنين ليمون
يوسف : وشجرة كمان
خجلت الام من تعليق اولادها ف تحدث محمد قائلا لهم : انتو مالكو بقه وبالعند فيكو انا هاخد امكو وندخل جوا بقه
قهقهت جنا ويوسف مما فعله والدهم وعاتبت هدي زوجها مما فعله ف ابتسم لها وقبل يديها بحب ....
..............
في المساء كانت رهف جاسه في غرفتها حزينه لا تعلم سبب حزنها ابسبب حبها لشخص لم يحبها ام بسبب مقابلتها لصديقاتها فحدثت نفسها قائله ..شكلك كدا يارهف هتعيشي في ضعف بسبب قلبك دا وخصوصا المرادي ان انتي بتحبي سيف ...
بينما هي شاردة سمعت طرقات علي الباب واخذت حجابها وقالت اتفضل
سيف: تعالي يارهف انا عاوزك بره
رهف : حاضر ثواني
خرجت رهف وووجدت سيف يجلس علي احدي المقاعد ينتظرها
رهف : في حاجة ياسيف
سيف ناظرا اليها : ايوة عاوز اعرف مالك مش مظبوطه النهارده ليه
رهف كاذبه : انا كويسه مفيش حاجة وا...
سيف مقاطعا :متحلفيش هو انا اول مرة اتعامل معاكي يعني وبعدين مش احنا اتفقنا ان نكون صحاب ها احكيلي مالك بقه
رهف وقد بدأ عليها الدموع: اصل انا قابلت واحدة صحبتي النهارده
سيف مندهشا: صحبتك؟طب وفيها اي مش فاهم
رهف شارحه : بص انا هحكيلك