تناهيد الحب

16

الفصل #السادس_عشر

نظرو اليها بعدم تصديق ...هم يفهمونها جيدا .. ستؤذي نفسها قبل ان تؤذي يوسف ... لكن عليها ان ترجع الي عقلها حاليا ....
يارا بصوت مرتفع: انتي اكيد اتجننتي
رهف ساخرة: اه اتجننت ومش عاوزة اعتراض من حد انا خدت قراري
بسنت بصياح: قرار اي اللي خدتيه اومال احنا لازمتنا ايه اما نشوفك بتضيعي نفسك وتضيعي حد معاكي ...لو دا حصل انا لا صحبتك ولا حاجه سلام
رهف بصدمه من كلامها  :اي دخل داا في دي يابسنت
بسنت بحزن ع حال صديقاتها: عشان انتي هتدخلي في دوامه وانا قولت اللي عندي واعملي اللي يريحك
...............
عغدت رهف الي منزلها وقد تغير حالها كثيرا منذ ما حدث ... وانقلاب اصحابها عليها وخصوصا بسنت التي خيرتها بين صداقتها وبين ما تفعله ... اطلقت تنهيده حزن تعبر عن القلق الذي بداخلها ... هي حسمت موقفها وستوافق علي يوسف .. فسوف تعيش حياتها هي الاخري ... وستهديه مشاعرها ... هكذا اقنعت نفسها !... فتحت حاسبها الشخصي لكي تهرب من تلك الواقع وكانت تلك الفتاه قد بعثت لها برساله فتحدثت معها فهي الوحيده التي ستخرجها مما هي فيه
الفتاه : اي اخبارك
رهف ب ابتسامة : الحمد لله تمام
الفتاه :دايما يارب
  رهف : هو انا عاوزة احكيلك حاجة
الفتاه :اتفضلي يارورو
رهف وقصت عليها خلافها مع بسنت
  الفتاه بهدوء : بصي يارهف انتي بتعاندي نفسك وهتعاندي الكل وقولتلك مليون مرة بطلي عند مش هيوصلك ل حاجة وبسنت انا معاها ان تعمل كدا لان اللي بتعمليه مش حلو وهتضيعي نفسك
  رهف بعند :انا اخدت قرار خلاص مش هرجع فيه بس انا عاوزة اخد رأيك اصالح بسنت ازاي
الفتاه بتفكير : بصي انتي شوفي هي بتحب ايه ..اي الحاجة اللي بتفرح بيها واللي بتضعف قدامها  وبالتالي هتصالحك واعمليلها اي مفجأه من بتوعك دول دا انتي خبيرة المفاجأت ..واهم حاجة انكو مش تسيبو بعض
رهف بحب :انتي بجد حاجة كدا عظيمة مش عارفه انتي طلعتيلي منين دايما ليكي حل لكل حاجة الناس كلها بتحبك .عقل مشوفتش زيه جنون مشوفتش زيه
بكون مخنوقه والاقيكي تجيلي زي ما يكون بتحسي بيا والاقي نفسي بحكيلك
الفتاه بضحك : انا كدا هتغر
رهف بثقه : حقك ياباشا ههه ع فكرة !
الفتاه :ها
رهف : انا بحبك اووووي وبحترمك جدا وعمري في يوم ما هنساكي ودايما هفتكرك
الفتاه :احم ربنا يخليكي وانا كمان بحبك
..................
مر يومان ولم تتحدث بسنت مع رهف ولم تنزل رهف الي جامعتها ولا عملها وكان سيف قلقا عليها ويريد ان يعرف لماذا هي لم تأتي .....اما هي فقد ذهبت  الي عملها ودخلت الي والدها
رهف : السلام عليكم
الكل : عليكم السلام
رهف بصوت حزين: عمو محمد .. انا موافقه ع يوسف
محمد متفجأ : بجد يارهف
احمد فرحا: الف مبروك ياحببتي
  رهف بترجي: بس معلش مش هعمل خطوبه ولا هعمل حاجة هما دبلتين بس وخلاص
  محمد بفرحة: خلاص مفيش مشكله انا هكلم يوسف افرحه
رهف : طب عن اذنكو
وبعد ربع ساعه قد وصل الخبر الي الجميع منهم من فرح ومنهم من تفاجأ ومنهم من صدم