Star Princess

16th Star: Spill the Beans

"Umalis na tayo dito, Jabe!"

Tumakbo papaalis si Alyx hanggang sa makalabas na siya ng Japanese resto. Sinundan ito ni Jabe patungo sa kanyang kotse.

Agad pumasok si Alyx sa tabi ng driver's seat. Di niya mapigilan ang pag-iyak.

"Alyx, what happened? What's wrong?" Katabi na niya si Jabe na nakaupo sa driver's side.

"Kasi... Basta... Umalis na tayo dito!" Hagulgol ni Alyx.

Nagtataka si Jabe sa biglaang pag-iyak ng dalaga, na mukha namang okay kanina. Naalala niya nang makita niya ito dati sa bookstore at hinimatay.

"Wait, is this about your dad?" Tanong ni Jabe.

"Let's get away from here. Ilayo mo ako. Mamaya ko sasabihin," hikbi ni Alyx.

Sinimulan na ni Jabe ang sasakyan at pinaandar ito palayo ng resto. Nagpatuloy lang siya sa pagmamaneho.

"Saan mo gusto?" Tanong niya.

"Kahit saan," sagot ni Alyx.

Naintindihan ni Jabe ang kanyang ibig sabihin. Naisipan niyang dalhin ito sa kanyang paboritong lugar, sa isang abandoned building. May lugar doon na pwedeng parking space at di gaanong mainit doon.

Di na sinabi ni Jabe kung saan sila pupunta. Basta na lang niya ito dinala sa lugar na alam niya.

Nakarating na sila sa nasabing abandonadong gusali. Nag-park si Jabe sa ilalim ng punong acacia.

"Alyx, punta tayo sa loob. Safe siya kahit abandoned building."

"Ayoko umalis dito sa kotse. Wala akong ganang lumakad." Pinunasan ni Alyx ang kanyang mga mata.

"Walking it off can clear your mind," paalala ni Jabe.

Tinanggap ni Alyx ang kanyang paliwanag. Lumabas na siya ng kotse at naglakad sa tabi ni Jabe. Madamo ang lugar patungo sa abandoned building, pero kaya naman lakarin.

Nang makarating na sila sa loob ay naupo si Jabe sa isang malaking tipak ng bato. "Sit down," alok niya kay Alyx sabay tapik sa espasyo sa tabi niya.

Tahimik na naupo si Alyx. Naalala niya ulit ang mga pangyayari kanina, at muli siyang umiyak.

"Tahan na." Sinubukan ni Jabe na pakalmahin ang dalaga habang tinatapik ng marahan ang kanyang balikat.

"Jabe... Di ba sabi mo, I can tell you everything? Na di ko pasan ang mundo para akuin ang lahat ng problema?" Paalala ni Alyx.

"Oo naman. Kaya I brought you here. Spill the beans, I'll listen."

Huminga ng malalim si Alyx.

Do I tell him the truth?

Wala naman mawawala kung susubukan. She mentally prepared herself if after this, Jabe will bring her to a mental hospital, laugh out loud, or just nod his head in agreement.

"Jabe, my Ate Zaida hid something from me," Alyx started.

"Kaya ka ba umiiyak?" Tinignan siya ni Jabe at ramdam ni Alyx ang pagiging concerned nito.

"I don't know if you will believe this, but you have to believe me. Everything I will tell you is true."

Kinuha ni Alyx ang mga kamay ni Jabe at pinisil ito. Huminga siya at nagsimula nang magkwento

"Jabe, Ate Zaida and I are different."

"Huh? Anong ibig mong sabihin?" Kumunot ang noo ni Jabe.