Tunangku Gadis Raider

Tajuk : Tunangku Gadis Raider
By : Pink Heart
Episode : 8

Hamka rsa kecewa sgt-sgt dgn c Faza,knp dia c Faza buat dia mcm urg buduh.Knpla msa brtunang tu dia tdk tny atau selidik dlu psl diri c Faza.Btl jga ckp c kent,yg dirinya main hantam sja takut klh malu tdk pikir msk-msk dlu.Hamka terus memecut laju dgn motor dia dlm keadaan mrh.C hamka mau balik rmh mami dadi dia.

C hamka ni urg bongawan brbangsa brunai tapi cara ckp taikut durg c barry sda..kg.malawaring kampung dia.msuk simpang dekat highway yg ada jln dua hala mau pigi mandahan tu.Tp sblm dia mau pigi rmh,dia myimpang dlu pigi sna pantai kenangan.Dia mau kasi tenang pikiran dlu sbb trlampau serabut sda pikiran dia.

Sampai sja dia di pantai,dia parking motor dia sna bwh pokok yg ada tmmpt duduk mcm mau patah sja klau di ddk.Ddk la jga c hamka tu kerusi,tdk jga patah skli c hamka ddk.Dia ambil hp dia,dia buka di galeri.1jak gmbr dia sma c Faza itu msa brtunang mlm tu.Cantik brtudung suka c  hamka tinguk.Tp yg td msa d beaufort tu,mmg c hamka tdk sgka yg Gadis raider tu yg slma ni jmpa hri-hri d traffic light adalah c Faza.mmgla c hamka takajut,sda la tdk pki tudung,bwa motor bsr ada geng lg.klau smua sumandak tdk jga apa..ini smua lelaki bsr-bsr bdn lg tu.Apa tdk c hamka mrh,tunang sendiri lepak sma-sma lelaki.c hamka mls mau pikir,bikin sakit hati sja.terus dia jln-jln pigi siring pantai.

**********************************************

1/2jam sja prjlnan dr beaufort pigi bongawan,apa tdk tu motor durg c kent motor besar.tdk rsa klau memecut,itula klebihan motor kuasa besar ni.durg c kent terus sja limpas tu roundabout pekan bongawa laju smpi limpas lg jambatan 2x.tdk lma bru c kent bg singnal msuk simpang sblh kanan.durg yg lain ikut sja c kent msuk simpang lg sbelah kiri baru  jln lg skit nmpk sda rmh mami dadi c hamka.durg smua msuk d kawasan halaman yg luar rumah tu.terus c kent buka helmet dia.dia tinguk tiada motor c hamka nit p,dia pasti  yg c hamka ada.Cuma tdk tau dia lepak d mn.dug buat kputusan utk tunggu c hamka dtg.

“Judin,kau pigi bgi salam dlu cpt.”bilang c kent.c judin pn ikut sja ckp c kent.tdk ngam jga klau c kent yg bg salam kn sbb c kent bkn muslim.brjln la c judin sma c kent ni pigi dpn pagar pintu rmh.

“Assalammualaikum.”bilang c judin mbagi salam.tdk lma kluar la ni mami c hamka sambil mjawab salam.

“Waalaikumsalam,oh kmu judin kent.ba mri tah msuk ke dlm.”bilang mami c hamka brckp loghat brunai.durg c judin panggil durg c barry,Faza,hamidi,sma bini c hamidi msuk sma geng c hamidi.durg semua ddk d ruang tamu.ada yg ddk d lantai ada yg ddk d kusyen.

“rmai banar kmu ani..tp mna c hamka.nada(tiada) babu(makcik) terliat(nmpk).”bilang mami c hamka.

“kmi pn hairan,kmi pikir dia dtg sni.”bilang c kent lg.

“bah ddk tah kmu dahulu,babu buat kan aing minum.”bilang mami c hamka terus jln msuk pigi dapur.tdk lma kluar sda mami c hamka sma adik lelaki c hamka bwa air sma kuih utk durg smua.

“bah,minum tah..mna tau karing lihir brjln jauh kn.”bilang mami c hamka lg.durg c kent angguk-angguk sja sambil senyum-senyum malu.

“mkan mlm sma tidur sni tah kmu semua mlm ani(ini) ok..akhir sda ni mun kn mulih(balik).bhya jln mlm wlupn motor bsr.”bilang mami c hamka.mami c hamka ni peramah sma baik hati.dia sda anggap c kent,barry,judin sma c hamidi ni mcm ank dia sendiri sda.c kent tinguk jam5.45 ptg sda.trpksala dur akun.lg pn bsr rmh mami dadi c hamka ni.rmh dua tingkat,bilik ats 5 bilik bwh 5 mmg muat klau durg tidur d sna mlm ni.

“didi bini mu ni?”bilang mami c hamka mnanya c hamidi.

“iya babu,Qylana nmanya.”bilang c hamidi.terus bini c hamidi salam tangan mama c hamka.mami c hamka senyum sja tinguk bini c hamidi.

“Barry,tu bini kau ka?”bilang mami c hamka tanya c barry sambil tunjuk c Faza.takajut c Faza terus kna ckp bini c barry.

“Eh,bkn bini sya.msh bujang ni sya babu.”bilang c barry sambil garu-garu kpla dia.

“babu,ini c Faza.Tunang c hamka.”bilang c kent.trdiam mami c hamka terus dingar c kent ckp yg c Faza tu tunang c hamka.

“bila msa c hamka brtunang ni kent?babu inda tau lgsung.”bilang mami c hamka lg.
“aikk,sya pikir c hamka sda bgtau babu.kan 2minggu sda durg ni brtunang.”bilang c kent lg.

“nada(tiada) lgsung c hamka padah(bgtau) kadiaku(aku/sya) kent.bru tah babu tau ni.mun dadi c hamka tau mmg kna marahi tah c hamka ani.brtunang inda(tiada) brpadah-padah(membagitahu) kmi.”bilang mami c hamka lg msh tdk prcya.c kent kasi terangla mami c hamka dari A smpi Z psl prtunangan c hamka sma c Faza.Brula mami c hamka faham.

tiba-tiba durg dingar suara motor bsr dr jauh msuk pigi kwsan rmh ni.msukla c hamka ni pigi rmh smbil bagi salam.

“Assalammualaikum mami,hamka balik ni.mami byk jua motor d luar ani.siapa yg dtg?indakan dadi sma mami ni mr&mrs Rider veteran.”bilang c hamka mnanya maminya sambil ketawa.

“Waalaikumsalam..motor kwn sendiri pn inda(tdk) trkilala(kenal) sda ka kau ani(ini) hamka?”bilang mami c hamka.c hamka takajut dingar maminya ckp motor kwnnya.skali di tinguknya d ruang tamu tu durg c kent,judin,hamidi sma bininnya,barry,geng c hamidi semua ada.Dan c Faza jga ada sma-sma durg.

“hei prempuan!kau buat apa di sni?”bilang c hamka teriak c Faza.Takajut c Faza dingar c hamka teriak dia.

“Hamka,jgnla mcm ni.dengar dlu apa yg sya mau ckp.”bilang c Faza lagi cuba pujuk c hamka.tp c hamka ni mcm kna rasuk hantu sda bila dia bila brcakap.mami c hamka lg la takajut.dia hairan,mna sda ank dia yg kuat mgusik,yg suka buat lawak,yg sllu happy tu.yg brdiri di dpn  dia ni skg hamka yg lain.

“Hamka,mengapa kau ani nak?Tunang mu jua tu jgn jahat mulut atu kn bini-bini.”bilang mami c hamka lg.

trdiam tdk trkata sda c hamka dingar mami dia ckp mcm tu…mami dial g tinguk dia mnta pnjelasan.terus c hamka tersandar d dinding ruang tamu sambil gusuk muka dia..terus c hamka bersuara…

“Faza kita putus tunang,kau bebas mau brkawan@bergaul sma mn-mn llki.skg kau tdk lg trikat dgn sya.”bilang c hamka.smua yg dingar di situ takajut dingar apa yg c hamka bru ckpkn.

“Hamka…..”bilang c Faza sambil menangis.Terus c hamka naik pigi ats rmh kasi tinggal durg semua.

Bersambung…………….