My Sweet Surrender (COMPLETED)

Chapter 1

AUTHOR'S NOTE:

Hi guys! Salamat sa patuloy na pagsubaybay sa story!

Pwede n'yo ring ivisit ang ibang posted stories ko. Most of them completed na. Punta lang kayo sa profile ko at sa list ng published stories ko:

1. Coffee and Cookies (Completed - approved MS under Precious Hearts)

2. Pieces of a Shattered Heart (completed)

3. Finding Mr. Right (completed)

4. Monica : Raketera (Completed)

5. My Trending Affair (Completed)

6. My Vengeful Heart

Vote and comment! Thanks!

ENJOY READING! XOXO

----------END NOTE

"Hi Shaine," nakangiting bati ni Vincent pagpasok niya sa gate. Isa ito sa mga kaibigan ng pinsan niyang si Marson. Sa lahat ng kaibigan ng kuya niya, ito ay pinakapamilyar sa kanya dahil madalas ito sa bahay.

"Hello," sagot niya, pilit na ginantihan ang pagkakangiti ng lalaki. Nakapuwesto ito, ang pinsan niya at ang lima pang kaibigan ng mga ito sa teresa.

Nasa gate pa lang papasok sa bakuran ng bahay ng tiyahin ay narinig na ni Shaine ang nagkakaingay na magkakaibigan. Bumuntong-hininga siya, napailing dahil hindi niya tiyak kung anong oras matatapos ang get-together ng mga ito. Masakit ang ulo niya dahil sa pagod sa trabaho, na sinabayan pa ng lagnat. Gusto na niyang mahiga at magpahinga, pero sa naabutang eksena, hindi siya sigurado kung anong oras tuluyang makakatulog.

Hindi naman madalas mangyari ang pagkikita-kita ng magkakaibigan sa bahay ng tiyahin. Sa dalawang taon na pamamalagi niya roon ay ilang beses lang niyang nakasalamuha ang mga ito, pero hindi sapat para masabing kilala niya lahat ng kaibigan ng pinsan. Ang tanging alam niya ay pawang mga propesyonal ang mga ito. Ang iba ay may pamilya na nga. Pero nakasanayan nang magkita-kita tuwing magkakaroon ng pagkakataon.

"Shaine, tingnan mo na lang sa loob kung may natira pang meryenda. Ito kasing mga ito, parang hindi pinapakain basta si Nanay ang nagluto," wika ng pinsan niya.

"Salamat. Pero busog pa naman ako, Kuya."

Napansin niyang sa pagkikitang ito ng magkakaibigan, bote ng softdrinks at iba pang pagkain ang nakakalat sa lamesita. Wala pang bote ng alak na ipinagtaka niya. Humantong ang nag-oobserbang mata niya sa lalaki na may hawak na gitara at kumakanta pa.

Tumigil ito sa pagkanta at ngumiti nang magtama ang kanilang mga mata. Hindi pamilyar sa kanya ang lalaki. Kayumanggi ang balat nito, matangos ang ilong, at sa kabila nang may kalayuang distansya, napansin niya ang paghapit ng polo shirt sa matipunong balikat at braso nitong nakahawak sa gitara.

Muli itong nagpatugtog at imbes na ituloy ang kinakanta kanina bago siya pumasok sa gate, ay iba na ang tinipa. Nakangiti pa rin at hindi bumibitaw ng tingin kay Shaine ang lalaki bago nito inumpisahan ang kanta.

"Nais ko ay magpakilala sa iyo at ipahiwatig ang nilalaman ng puso ko, maunawaan mo kaya o baka sampalin mo lang ang aking mukha, nagdadalwang isip na. Wag na lang kaya..."

Kasabay nang biglang pag-ugong nang kantiyawan ng mga kaibigan nito ay ang pamumula ng mukha ni Shaine. Nag-iwas siya ng tingin, bumaling sa iba pang kaibigan ng pinsan at tumango bilang pagbati. Pumunta siya sa tagiliran ng bahay, doon na lang sa pinto sa likod siya dadaan para hindi makaabala sa kasiyahan ng mga ito.

"O Shaine, nariyan ka na pala," bungad ni Tiya Millie pagpasok niya sa kusina. Si Tiya Millie ay nakatatandang kapatid ng kanyang ama.

"Opo, Tiya,” sagot ni Sahine, ipinatong ang bag sa lamesa. “May mga bisita po pala tayo."