#كالقدس_في_جمالها 💜
تتجوز سماء اردف بها احمد والد سماء واخيه باستغراب شديد
آسر متوترا: بصراحه يعني الموضوع مش سما بس ...اصل..
والدها : في اي اتكلم ع طول
سليم : في اي يا آسر اي الي عايز تقوله
آسر: انا فعلا مش هكدب ع حضرتك انا فعلا معجب بيها بس السبب الرئيسي هو حمايتها
والدها : حمايتها من مين
سليم بهدوء : اي الي حصل تاني التهديد المره دي بإي
والد سما: متفهموني في اي تهديد اي وحمايه اي واي دخل بنتي فالكلام ده
سليم : اهدي بس يااحمد انا هفهمك ليسرد له كل ما تم في هذا الموضوع
أحمد : كل ده يحصل وانا معرفش بس العيب مش علي بنتي ياسليم عليك انت ازاي كل ده يحصل من غير معرف يعني بنتي مهدده بالموت فأي لحظه وانا معرفش هو ده الشغل الي هي واقفه قصادي بسببه وياتري اي خلاك تقول انك هتتجوز سما اي التهديد المره دي
سليم : ياأحمد انا كنت متابعها ومكنتش حابب اقلقك عشان عارف انك هتقعدها من شغلها والموضوع في أرواح بتموت وادام فايدنا ننقذهم يبقي نعمل كده ومحدش عارف عمره هينتهي امتي
آسر : بارتباك : ليسرد لهم مادار في عقله ومافعله وما الذي ينوي عليه
سليم : المشكله هتبقي في سماء
احمد: هي لسه هتبقي مشكله حطت نفسها فالنار
آسر : ياريت الكلام ده ميوصلهاش كله عشان هي هتصمم انها تكمل بدون حاجه ياريت تقدرو تقنعوها وان الموضوع يتم باسرع وقت ولو وافقت انا هجيب اهلي ونيجي لحضرتك...
سليم : ربنا يقدم الي فيه الخير
آسر : طيب استاذن حضرتكم ان همشي وهستني منكم رد
والدها وعمها مودعا له .... مع السلامه
~~~~~~~~
آلاء: ياصفوان قولتلك ميت مره مش عايزه اخرج من ورا اهلي كفايه بكلمك من وراهم وعايشه في رعب دايما
صفوان: انا مش عارف انتي مكبره الدنيا لي انا بحبك وانتي بتحبيني انا مش بخدعك عشان تقولي انك عايشه فالرعب الكلام ده لو انتي حاسه ان بلعب بيكي انما انا بحبك وهتجوزك
آلاء : بس ادام لسه متخطبناش يبقي حرام
صفوان : عمر الحب ماكان حرام
آلاء : الحب مش حرام بس ان بكلمك بدون ارتباط ده الحرام غير كده ثقة اهلي فين حاسه ان تعبهم فيه راح
بص بلاش من خروجنا ده كفايه الي بنعمله سما اكتر من مره قالتلي متتعمقيش فالموضوع لانه بيبدا بكلام عادي وبعدين بيقلب واهي طلع معاها حق فياريت متحسسنيش بالذنب كتير خصوصا بخروجنا
صفوان : انا مش عارف سما دي معقداها لي كمان البت الي معاها دي مع ان لبسها مش تمام بس بحسها نفس العقده محدش عارف ياخد معاها طريق خالص واكيد كله من بنت خالتك دي
الاء : سما وهنا دول يعتبر فيهم كتير من بعض بعيد عن اللبس بس مبداهم واحد وخصوصا سما المبدأ عندها مبيتجزأش
صفوان : بس خلاص حسيت انها بدات تسحبك عني وبتقلل حبك ليه
آلاء : انت لو تعرف سما مش هتقول كده انا همشي بقي محاضراتي خلصت من بدري سلام
صفوان : ماشي هكلمك أما تروحي سلام.
*آلاء في كليه الالسن في الفرقه الثالثه ابنة خالة سما وصديقتها *
~~~~~~~~~~~
ابنك خلاص يعني شايف انه كبر ومبقاش يسمعلي كلمه نفسي افهم اي مانعه انه يتجوز لحد دلوقت وانا اللي عامل ع مصلحته وبقوله نسرين بنت اخويا والله ما يستهالها
يردف بهذه الكلمات والد آسر غاضبا بسبب ان آسر رافض للزواج
والدته : انا قولتلك هو مش عيل صغير عشان تفرض عليه ومترخصش بنت اخوك بان كل شوي تقول لابنك عليها ويرفض الموضوع اظن هي لو عرفت كده الموضوع هيجرحها مع ان مفتكرش واي يستاهلها وميستهلهاش دي ..ليقطع حديثها دلوف آسر قائلا انا فعلا مستهلهاش ياماما وعشان كده انا اخترت الي هتجوزها والي استاهلها
والده بدهشه : اخترت. مين ....
آسر : سماء
~~~~~~~~~~~~~
سما: وهي ذاهبه الي غرفت أخويها تجد رنيم ابنة عمها سليم ذات ال6سنوات
سما: رنيم مالك بتعيطي لي مين مزعلك
رنيم ببكاء : جاد ضربني عشان اخدت القلم بتاعه من غير ماقوله بس والله انا لقيته نايم وكنت هكتبه حاجه وارجعه وجيت ارجعه ضربني
سما: طيب خلاص متعيطيش وانا هدخل اشوفه ازاي يضربك يلا روحي اغسلي وشك
تدخل سما لتجد إياد مستغرقا في المذاكره بينما جاد يلعب في هاتفه
سما: سلام عليكم طيب والله حلو ثانويه عامه وقاعد تلعب فالفون نفسي افهم انت مش بتذاكر زي إياد لي مش واخد بالك من مصلحتك لي
جاد : اسطوانه كل مره بقي وبعدين انا واحد ذكي مش محتاج الدح الي بيدحه اخوكي ده
إياد : ذكي مين ده الي ذكي انت مش بتفتح كتاب هتعرف المنهج منين بقي
سما: انت حر الموضوع ده مستقبلك اهم حاجه متجيش تندم بعدين ثانيا ازاي تضرب رنيم
جاد : هي الي بدات الاول ازاي تاخد القلم وانا قعدت ادور عليه كتير من غير متقولي
سما: واكيد سمعت هي قالت اي وبعدين ده ميخليش عندك الحق انك تضربها
جاد : بس هي غلطت يبقي تستاهل
سما: بس انت زعلتها ياجاد ولازم تتاسفلها
جاد: اتأسف لعيله ازاي يعني ياسما
سما بهدوء : واي يعني عيله هي عندها ست سنين بس هتفرح اووي لما انت تعتذرها ادام اخطأت في حقهاا بصي ياجاد معني انك تشوف غلطك وتتكبر فانك متعتذرش لا ده مينفعش انا عيزاك مرن يعني اي يعني تغير من رايك وتعتذرلها حتي لو مكنتش كده في يوم من الايام لا ادام مش هيضرك الموضوع انك تعتذر
يبقي اي يعني اما تعتذر لطفله او حتي شخص كبير اوعي في يوم يبقي عندك داء الكبر : ابليس اتكبر فانه يسجد لآدم فخرج من الجنه ولو انت بقي عندك مرض الكبر ده هتطلع من قلوب الي بتحبهم وانت مش حاسس خليك قريب واسعد الي حواليك هتلاقي انت السعاده نفس الدعاء بالظبط مش لما بتدعي لحد في ملك بيرد ويقولك ولك بالمثل هو نفس الحاجه ربنا بيكافئك ويقولك خد سعاده زي ماسعدت فلان
سيدنا محمد بيقول صلي الله عليه وسلم ( حرم علي النار كل هين لين سهل قريب من الناس) فاهمني ياجادو
جاد براحة : عليه افضل الصلاة والسلام معاكي حق فعلا حاضر هقوم اعتذرلها وان شاء الله مش هيبقي في قلبي اي نقطه كبر
إياد بمرح : طيب يلا اعتذرلي عشان خدت الشنطه بتاعتي
جاد : بس يابابا انت هاخدها مش هرجعها اصلا
سما : تؤام متناقض ياناس
سما يردف بها والدها لتأتي له
سما : نعم يابابا
والدها بتردد : في عريس جايلك
سما : اشمعنا المرادي الي بتقولي ماحضرتك بترفض ع طول من غير مترجعلي لان الموضوع مقفول حاليا
والدها : طيب مش تعرفي مين الاول
سما : هتفرق اووي يعني
والدها : ايوه هتفرق آسر الرافعي هو العريس .
سما بصدمه اوقفت لسانها لتنطق بغير استيعاب آسر........
#بسمه_حسن .
أنت تقرأ
كالقدس في جمالها ❤
Romanceفهي سماء معطرة بالنفحات حتى في شدة ظلمتها تصبح جميلة فهي مازالت مسكن آمن للورد في كل يوم تزورها الشمس ولو دقيقة .. عليكي أن تعلمي أنك أنت المميزة عنهم فهم يريدون الدنيا أما أنت فتسعي دائما للآخرة ذلك المكان الرائع لتدركي أن أقسى ما مررت به يوما كان...
