الحلقة الثانية عشر..
#كالقدس_في_جمالها💜
سما وهي تتراجع للخلف وتشهق في فزع
آسر : في اي مالك
سما :وهي ترتعش اصل شوفت ف فار عاااا
آسر بصدمه : نعم ياختي فار كل ده علي فار ياشيخه حرام عليكي سيبتي ركبيي وانا الي قولت اتقفشنا بتخافي من فار
سما ببكاء : ايوه بخاف منه وهو هنا طلعني من هنا انا عايزه اروح بيتنا
آسر وهو يضحك عليها : يالهوي بقي كل الشجاعه دي واخرتها فار يعمل فيكي كده تصدقي هينفعني بعدين الفار ده
سما وهي تزيد في بكائها : انا عندي فوبيا منه طلعني من هنا
آسر بحنو: طيب خلاص خلاص اهدي متخافيش تعالي معايا ندور بعيد عنه وهو اكيد جاله تشنك في الاعصاب من كتر الصريخ بتاعك اكيد عايز يتعالج دلوقت مش انتي
سما : لا ممكن ياجي تاني
آسر : ياستي مش هياجي ادعيله يقوم بس من الي حصل فيه يلا بدل منتقفش انا حاسس ان طالع ملاهي لي ده احنا هنموت
سما : طيب انا هقف بره هستناك وانت خلص وتعالي متخفش متخفش مش هسيبك وامشي
آسر : ياشيخه انا الي مخافشي.! بردو !! طيب انا لميت كل الفديوهات هجيبهم واطلعلك خلي بالك ..
سما وهي تسرع ناحية الباب : ماشي ماشي
آسر وهو يضحك عليها : ياخسارة برستيجك الي باظ بقي اخرتها فار
لينهي عمله في اسرع وقت ويجمع كل الادله الي تؤدي بيهم الي السجن بل الي الاعدام ويخرج ليري سما
سما : خلصت جبت كله
آسر : ايوه يلا بسرعه قبل ماحد يجي ويشوفنا
سما : طيب بسرعه يلا.
~~~~~~~
عند هنا ياتي لها رساله بان تم كل شئ لتقفز بفرحه هيييي
ماجد : في حاجه ولا اي
هنا بتلعثم : هاه ...! لترد بخبث ونصف عين لا لا اصل كان في سلعوه بتلعب في بيتنا ومخوفانا كلنا وسلعوه كبيره وماما كلمتني قالتلي انها قضت عليها
ماجد : طيب كويس اوي
هنا : ماشي يلا بقي عشان الحق ادفن السلعوه
ماجد وهو يضحك : هتدفنيها انتي
هنا باصرار : طبعا ولازم اتصور وانزل صوري بان قضينا عليها انت متعرفش كمية الرعب الي كانت مسبباهولنا
ع الجانب الاخر كان ياسين يسمع حديثها
ياسين وهو غارق في الضحك ع كلام هنا
ياسين : يخربيتك اقسم بالله مسخره
ماجد : طيب هو مقولتليش هاجي بكره الساعه كام اتقدملك
هنا : اه.. اصل ..!بص لا يعني هقولك انا بكره هكلمك واقولك ع الميعاد اكون عرفت من ماما معياد التسليم
ماجد باستغراب : تسليم اي
هنا وهي تلحق ماخربته : اقصد تسليم السلعوه عشان ادفنها
ماجد بضحك : ماشي ياستي يلا بينا علي الجمعيه
~~~~~
عند سليم كان جالسا متوترا خوفا من ان يكتشف مخططهم
ليقطع توتره مجيئهم
آسر : الحمدلله كل حاجه هنا بس عايزين نسلمها قبل بكره عشان نلحق ميعاد تسليم الشحنه غير ان لازم قسيمة الجواز توصلهم عشان يتاكدو ان موصلتش بكره قبل التسليم هيخصلو علينا وكله هيبوظ
سليم : الحمدلله بكره علي الساعه 4العصر هيتم كتب الكتاب عادي ويروح ليهم نسخه منها وبليل الدنيا هتبقي ع المكشوف ربنا يستر
سما سارحه ولا تنطق باي كلمة
سماء اردف بها سليم
سما : نعم ياعمو
سليم : حطيتو المفاتيح مكانها اوعي تكوني نسيتي.
سما : لا لا متخفش حطيتها
سليم: طيب انا وآسر هنمشي زي ماجينا وانتي استني هنا وابقي تعالي معاها
آسر : وانا هخلي ياسين يقابلني بره عشان محدش يشك في حاجه
سما : تمام ان شاء الله
بعد مده من الوقت كانت هنا وصلت للجمعيه وذهب معه الي مكتبه حتي تلتقط مفاتيحه قبل ان يشك في تصرفها ووتاخذ المفاتيح وتعيدها له ثم تذهب الي سما
هنا : انا جيت
سما : حمدلله ع السلامه يابطل شرفتينا
هنا وهي ترفع لياقة شيرتها طبعا يابنتي هو انا قليله عشان تعرفي قيمتي بس
سما : ياسين عمل حاجه
هنا : بس متفكرنيش عشان كان هياكلني بعينه طول مانا قاعده
سما : طبعا وانتي متتوصيش اكيد حرقتي دمه
هنا : اممم مش قوي يعني جات سليمه المرادي
سما : مجنونه والله يلا نمشي بقي
هنا : ماشي عشان اشوف هلبس اي طقم بكره
سما : مجنونة لبس ياناس وكل الي هاممها تتصور يابنتي احنا مش في دريم بارك والله ده ضرب نار وعصابه وقتل وحاجه زفت يعني
هنا : ماهو هنتصور مش احداث الجريمه هتتصور يبقي انا لازم اطلع في الصور
سما : هتجننيني ربنا يستر علي الي هيلبس فيكي والله
هنا : ده طنط دعياله
سما : طنط مين
هنا ببرائه وهي ترفع كتفيها : حماتي المستقبليه
~~~~~~~~~
في مكان اخر
آلاء : صفوان انا زهقت وحاسه علاقتنا بقت بارده حاسه كل حاجه مبقاش ليها طعم
سما قالتلي ان لما بنتكلم مع بعض في علاقة ربنا مش راضي عنها كل جهزنا بنستفذه فيها ولما بيجي الحلال مش بنحس بيه اوي وعلاقة بتبقي بارده عمر كلمة بحبك هتبقي بعد منتجوز كان اول مره اسمعها انا مخنوقه اوي صفوان انا مش عايزه العلاقه دي تبقي كده
صفوان ببرود : ولا انا عايزها انا كمان زهقت كل شوي حرام ومش عارف اي كل شوي سما قالت سما عادت ومش عارفه اتهني بخطوبتي حتي قعدتي تزني لحد ماتخطبنا وبردو مش عارف اي بصي يابنت الناس احنا مش لبعض وانا قرفت من حياتي بسببك انتي عايزه واحد شيخ يقولك كل شوي صلي واعملي
آلاء : ياااه وانت شايف ان دي حاحه معجزه يعني ده بدل فعلا متشجعني علي طاعة ربنا بص انا مش هرد اكتر من كده بس انا عرفت ليه احنا مش هنكمل ده عقاب من ربنا ع غضبه عليه بسبب العلاقه دي وان عايشه في بعمل في حاجه هو نهاني عنها والحمدلله ان ده ظهر دلوقت قبل مكنا نتجوز وحياتي تبقي حجيم
صفوان : خلاص خلاص الي بينا انتهي وانتي من طريق وانا من طريق
آلاء وهي تمسك نفسها من البكاء فهي لم تبكي عليه بل تبكي علي موصلت له فهي اضاعت قلبها بين ايدي لم تعرف كيفية الحفاظ عليه بل اغضبت ربها من اجله
لتذهب الي منزلها وتدخل غرفتها وتظل تبكي وتناجي ربنها بان يلطف بيها وان يسامحها علي خطأها ويعوضها خير
!!!
لتهاتف سما حتي تقص عليها ما وصلت اليه
سما : ازيك يالولو عامله اي
آلاء ببكاء مش كويسه ياسما انتي فين
سما : حبيبتي اهدي انا لسه داخله البيت اهو بس هجيلك خمس دقايق واكون عندك لتذهب فورا لبيت خالتها فهو قريب منها فقلبها قلق بشده من صوت آلاء
لتصل سما وتقابل خالتها
سما : السلام عليكم ايك ياخالتو عامله اي
خالتها : وعليكم السلام لسه فاكره ان عندك خالتو
سما : ياخالتو مانتي عرفاني ان مش بفضي خالص بعدين انا اقدر انساكي ياجميل
خالتها : ايوه كلي بعقلي بقي
سما : عيب عليكي فين آلاء بقي
خالتها وهي تمط شفتيها : جوه في اوضتها البت دي حالها مبقاش عاجبني من ساعت ماتخطبت للواد الي مش نازلي من زور ده
سما وهي تضحك : متخافيش اكيد متخانقه معاه انا هدخلها
لتدخل سما غرفة الاء وتراها مكفيه ع السرير وتبكي بشراهه
آلاء في اي اهدي مالك
لتحتضنها وتزيد في بكائها
سما : اهدي اهدي وروقي كده واحكيلي اي حصل
لتهدأ الاء من بكائها وتبدأ في سرد ماوصلت اليه
سما وهي لم تستغرب ما حدث : بصي يالاء اولا هقولك
عسي ان تكرهوا شيئا ويجعل الله فيه خيرا كثيرا
ثانيا اسمعيني كويس .....
مفيش علاقه تبدا بغضب ربنا وتنتهي كويس حتي لو العلاقه دي وصلت بعدين للجواز عمر حياتهم ماهتبقي بجمال العلاقه الي ابتدات بالحلال ربنا لما نهي عن الحته دي عشان يحافظ علي قلوبنا وعشان عارف ان نصيبنا فين يبقي لي الاستعجال بان نغضبه هو مش مدينا قلب عشان نستنفذ كل الحب ‘الي فيه في علاقة محرمة لم يكن بدايتها رضا الله يبقي لازم نفوق ونرجع لربنا وربنا بيغفر اكبر الكبائر يبقي حاجه زي دي لو صادقين فتوبتنا ربنا هيغفرهالنا ويعوضنا عنها خير
و ماعندالله لا ينال الا بطاعته ياغاليتي كوني عفيفه ...!
~~~~~~~~
#بسمة_حسن.
أنت تقرأ
كالقدس في جمالها ❤
Romanceفهي سماء معطرة بالنفحات حتى في شدة ظلمتها تصبح جميلة فهي مازالت مسكن آمن للورد في كل يوم تزورها الشمس ولو دقيقة .. عليكي أن تعلمي أنك أنت المميزة عنهم فهم يريدون الدنيا أما أنت فتسعي دائما للآخرة ذلك المكان الرائع لتدركي أن أقسى ما مررت به يوما كان...
